MAHTE 3:9 - Jinghpaw Hanson Version Bible

⁹ ‘Abraham gaw anhte a wa rai nga mali ai,’ nga nna tinang a kraw hta e hkum nawn nga myit! nanhte hpe ngai tsun made ga, Karai Kasang gaw ndai nlung ni hta na Abraham a matu kasha hpan shapraw da lu ai.

Jinghpaw Common Language Bible 2009

⁹ Abraham gaw anhte a kaji kawa rai nga mali ai nga nna tsun nga ai hte sha nanhte a yubak mara a ari kaw na lawt lu na zawn hkum nawn myit, nanhte hpe ngai tsun made ga, Karai Kasang gaw ndai nlung ni hpe la nna Abraham a matu kashu kasha ni hpe hpan shalat lu nga ai!

MAHTE 3:9 ပူးပေါင်းရင်းမြစ်များ

EZEKELA 33:24

“Masha kasha e, marawng marang tai mat ai Israela mung hta e naw shanu nga ai ni gaw, ‘Abraham shi hkrai sha nga timung, dai mungdan hpe sali wunli hkam la lu ai: anhte mahtang law nga ga ai; dai mungdan hpe anhte a matu sali wunli jaw da ma ni ai,’ nga nna tsun ma ai.

MARKU 7:21

kaning rai nme law, masha a myit kata de nna, n kaja ai myit mang ai, num shut hpyit na, lagu na, masha sat na, num shaw na, lawhpa ai, n hkru n hkra ai,

LUKA 12:17

Dai rai nna dai wa gaw shi a myit hta, ‘Ngai hpa wa galaw yu na i? nye a nsi naisi shinggyin da na shara ngai n lu nngai:

LUKA 16:24

Shaloi shi gaw, “Wa Abraham e, ngai hpe matsan dum le e; ngai gaw ndai wan grung ai hta nji nmu hkrum nga nngai majaw, Lazaru gaw shi a lata ndung hte ntsin kapruk sa nna, nye a shinglet madit katsi ya li ga, ngai hpang de shangun dat ru law,” ngu nna hpyi jahtau wu ai.

LUKA 19:40

Shaloi Yesu gaw, Nanhte hpe ngai tsun made ga, “Ndai ni atsin sha nga ma yang gaw, nlung ni jahtau na rai nga ai,” ngu nna htan wu ai.

LUKA 3:8

Dai majaw myit malai hte ging dan ai asi si mu! Abraham gaw anhte a wa rai nga mali ai, nga nna tinang kraw e hkum tsun myit; kaning rai nme law, nanhte hpe ngai tsun made ga, Karai Kasang gaw ndai nlung ni hta na Abraham a matu kasha hpan shapraw dat lu ai.

LUKA 5:22

Shanhte a myit aru yu ai hpe Yesu chye wu ai majaw, “Nanhte hpa rai kraw kata e myit aru yu nga myit ta?

LUKA 7:39

Yesu hpe shaga ai Hparishe wa dai mu jang, Ndai wa dai myihtoi rai yang gaw, shi hpe hkra ai numsha gaw, kadai hte kaning re ai numsha re ai mung, yubak kap ai jan rai nga ai mung, shi chye na wu ai, nga nna shi a kraw e myit nga ai.

YAWHAN 8:33

Shaloi shanhte gaw, “Anhte Abraham a amyu rai ga ai rai nna, kadai kaw lang mi muk n yam yu ga ai: dai she rai yang, Shalawt dat na myit dai, nga nna nang kaning rai tsun lu n ta?” ngu nna san mu ai.

YAWHAN 8:37

Nanhte Abraham a amyu rai myit dai gaw, ngai chye nga nngai: rai timung, nye a ga nanhte hta n rawng nga malit dai majaw, ngai hpe sat kau na nanhte tam nga myit dai.

YAWHAN 8:53

Nang wa mi, si mat wa sai, anhte a Wa Abraham hta grau kaba nga nni? myihtoi ni mung si mat wa masai; nang gaw kadai wa tai nga n ta?” ngu na shi hpe tsun mu ai.

KASA 13:26

Abraham a amyu kashu kasha ni hte, nanhte hta na Karai Kasang hpe hkrit hkungga ai, hpunau ni e, ndai hkye hkrang la ai lam a mungga gaw, anhte hpang de jaw dat ra ai.

KASA 15:14

Karai Kasang gaw maigan amyu ni hta na, shi a amying ningsang a matu, masha amyu mi hpe shaw la na nga, kaning rai shawng nna shanhte kaw kawan katsan sa yu sai lam, Simun tsun dan ma ni ai.

ROMA 4:1

Dai she rai yang gaw, anhte a wa daju Abraham gaw, gawng shing-yan a atsam hte hpa akyu mu la a ta?