MAHTE 3:2 - Jinghpaw Hanson Version Bible

² “Sumsing lamu a mungdan du magang ra ai majaw, myit malai lu mu,” nga nna Yuda nam mali hkan e tara hkaw nga ai.

Jinghpaw Common Language Bible 2009

² shi gaw, “Sumsing lamu a mungdan du magang ra ai majaw, nanhte a yubak mara ni kaw na myit malai lu mu!” nga nna hkaw tsun hpang wu ai.

MAHTE 3:2 ပူးပေါင်းရင်းမြစ်များ

1 HKAWHKAM 8:47

shanhte bawng wa dung nga ai ga hta myit dum myit hprang nna, myit kayin wa let, Anhte yubak galaw saga ai, anhte nhtan shai ai hte shut hpyit nga ga ai, nga nna bawng wa dung nga ai madu ni a ga hta myit nem nna tawngban nga ma ai hte;

YOBA 39:12

Na a mam hpe chyarang hta shinggyin la nna, na a dum hta mahkawng da na nang shi hpe kam nni?

YOBA 42:6

Dai re ai majaw, nye hkum dai hpe ngai matsat kau nna, ga nhpu hte wan dap hta myit nem nga nngai law,” nga ai.

EZEKELA 33:11

Shanhte hpe htawn tsun mu, Madu Yehowa ning nga ai: ‘Ngai hkrung nga ai hte maren, tara n lang ai wa a si na lam hta ngai sharawng awng nga ai, n rai; tara n lang ai wa gaw, shi a arawn alai hpe kau da nna, hkrung nga na hpe, ngai sharawng awng nga nngai: kayin wa marit, nanhte a n hkru ai arawn alai hta na kayin wa marit; Israela dap e, hpa majaw si mayu myit ta?”

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

MAHTE 10:7

Pru hkawm wa yang, ‘Sumsing lamu na mungdan gaw ni wa magang ra ai,’ ngu nna hkaw tsun dan mu.

MAHTE 11:20

Dai shaloi e Yesu gaw ga sharawt nna, shi a magam bungli malaw maga dan sai mare ni hpe, myit malai n lu ma ai majaw, ning ngu daru kau mu ai:

MAHTE 12:41

Tara dara ai nhtoi hta, Ninewe masha ni gaw, ndai prat na amyu hte rau rawt wa nna, shanhte hpe dawdan na maru ai: kaning rai nme law, Yona hkaw tsun ai ga a majaw shanhte myit malai lu ma ai: yu mu, ndai yang e, Yona hta grau kaba ai wa nga nga ai.

MAHTE 13:11

Shi htan nna, “Sumsing lamu a mungdan a sung htum ai lam ni hpe chye na shara, nanhte a matu hku nga malit dai; wora ni a matu chye na shara n hku malu ai.

MAHTE 13:24

Ga shadawn kaga mung, shi shanhte hpe kahtap tsun mu ai gaw, “Sumsing lamu a mungdan, hkauna hta nli kaja gat ai wa hte bung nga ai.

MAHTE 13:31

Ga shadawn kaga mung, shi shanhte hpe kahtap tsun mu ai gaw, “Sumsing lamu a mungdan gaw, masha la nna shi a yi hta hkai ai chyinghkrang tum hte bung nga ai.

MAHTE 13:33

Ga shadawn kaga mung, shi shanhte hpe tsun mu ai gaw, “Sumsing lamu a mungdan gaw, numsha e la nna, muk shadung dang masum hta bang dat wu yang, mahkra hte hpe shawawm dat lu ai matsi hte bung nga ai,” ngu mu ai.

MAHTE 13:47

Bai, sumsing lamu a mungdan gaw, nawng hta e kabai bang nna, nga amyu myu hpe magawn la ai sumgawn hte bung nga ai.

MAHTE 13:52

Bai shi gaw, Dai rai nna sumsing lamu mungdan a matu sape tai sai laika ka ai sara kadai mung, nta madu rai nga ai hte, tinang a sutdek hta na, nnan baw mung dingsa baw mung shapraw ai wa hte bung nga ai,” ngu nna shanhte hpe tsun mu ai.

MAHTE 18:23

“Dai rai nna sumsing lamu a mungdan gaw, shi a mayan ni hpe, ga jahpan la mayu ai hkawhkam wa langai mi hte bung nga ai.

MAHTE 20:1

Kaning rai nme law sumsing lamu a mungdan gaw, tsabyi sun hta amu galaw ai masha saw bang na, jahpawt jau jau e pru sa wa ai nta madu hte bung nga ai.

MAHTE 22:2

“Sumsing lamu a mungdan gaw, kasha a matu hkungran ai poi shachyip ai hkawhkam hte bung nga ai:

MAHTE 23:13

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.

MAHTE 25:1

Dai shaloi e sumsing lamu a mungdan gaw, tinang a pyengdin lang nna, la nnan hpe hkap bawp la na pru sa wa ai mahkawn shi hte bung na ra ai.

MAHTE 25:14

Ga shadawn gaw, lang mi na masha langai mi bu hkawm na maw ai rai nna, mayam ni hpe shaga la nhtawm, shi a arai ni shanhte hpe ap ya da mu ai:

MAHTE 4:17

Dai aten kaw nna Yesu gaw, “Sumsing lamu a mungdan du magang ra ai rai nna, myit malai lu mu,” nga nna hkaw nga ai hte tsun hpang nga ai.

MAHTE 4:23

Bai, shi gaw Galile mung ting hta kawan hkawm let, shanhte a tara jawng ni hta shi sharin shaga nga nna, dai mungdan a kabu gara shiga hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MAHTE 5:10

Dingman ai lam majaw, zingri zingrat hkrum ai ni gaw, a lu ma ai; kaning rai nme law, sumsing lamu a mungdan, shanhte a mungdan rai nga malu ai.

MAHTE 5:3

Wenyi hta matsan mayan rai nga ai ni gaw, a lu ma ai; kaning rai nme law, sumsing lamu a mungdan, shanhte a mungdan rai nga malu ai.

MAHTE 6:10

Na a mungdan du wa ru ga; Lamu tang hta, na a myit dik nga ai hte maren, ga ntsa e mung, dik lit ga law;

MAHTE 6:33

Nanhte chyawm gaw, shi a mungdan hte shi a dinghpring ai lam hpe shawng tam nga mu; shaloi dai nlang nanhte hpe kahtap jaw na marin dai.

MARKU 1:15

“Dai aten ladaw dik wa ai hte, Karai Kasang a mungdan gaw ni wa magang ra ai: myit malai lu nna, dai kabu gara shiga hpe kamsham nga mu,” ngu nna Karai Kasang a kabu gara shiga hpe hkaw dan mu ai.

MARKU 1:4

myihtoi Esaia laika hta ka da nga ai hte maren, yubak raw dat kau na matu, myit malai baptisma hkaw dan ai hte, nam mali hkan e baptisma jaw ai Yawhan gaw, paw pru ra ai.

MARKU 6:12

Shaloi shanhte pru wa nna, masha ni myit malai lu na lam, hkaw dan mu ai:

LUKA 1:16

Israela kashu kasha ni law law hpe, shanhte a Madu Karai Kasang hpang de shi kayin wa shangun na maru ai.

LUKA 11:20

Karai Kasang a layung hte ngai nat ni hpe shaden kau mawe ai rai yang chyawm gaw, Karai Kasang a mungdan nanhte kaw du sai rai nga ai.

LUKA 13:3

Dai n rai, ngai nanhte hpe tsun made ga; nanhte mung myit malai n lu myit yang gaw, nanhte nlang dai hte maren hten bya mat na marin dai.

LUKA 13:5

Dai n rai, ngai nanhte hpe tsun made ga; nanhte mung myit malai n lu myit yang gaw, nanhte nlang dai lam hte hten bya mat na marin dai,” ngu mu ai.

LUKA 15:10

Nanhte hpe ngai tsun made ga, “Dai hte maren, yubak kap ai masha langai mi, myit malai lu ai majaw, Karai Kasang a lamu kasa ni a man e, kabu gara shara rai nga ai,” ngu mu ai.

LUKA 15:7

Nanhte hpe ngai tsun made ga, ‘Dai hte maren, myit malai lu shara n nga dum ai, dinghpring ai masha jahku shi jahku a majaw kabu gara ai hta, myit malai lu dum ai yubak kap ai masha langai mi a majaw, sumsing lamu kata e grau nna kabu gara shara rai na ra ai.

LUKA 16:30

Sahti wa gaw, ‘N rai, Wa Abraham e; si ai ni hta na langai mi shanhte kaw bai wa yang gaw, shanhte myit malai lu na ma ai,’ ngu wu ai.

LUKA 21:31

Dai hte maren, dai lam ni byin hpang wa ai hpe nanhte mu myit yang, Karai Kasang a mungdan du ra ai hpe, chye na nga mu.

LUKA 24:47

Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

LUKA 6:20

Shaloi shi a sape ni hpe shi mada yu nna tsun mu ai gaw: “Nanhte matsan mayan ni a lu myit dai: kaning rai nme law, Karai Kasang a mungdan gaw, nanhte a mungdan rai nga malit dai.

LUKA 9:2

Karai Kasang a mungdan lam hkaw tsun na hte, shamai shatsai ya na matu shangun dat mu ai.

KASA 11:18

Dai lam na ma yang, shanhte myit pyaw nga nna, “Aw, rai sa, Karai Kasang gaw maigan amyu ni hpe mung, asak hkrung ai hte seng ai myit malai lam jaw manu hka,” nga nna Karai Kasang hpe shagrau sha-a ma ai.

KASA 17:30

N na n chye nna lai mat sai prat hpe, Karai Kasang shatawt lai kau wu timung, ya gaw, shara magup hkan na masha nga yawng hpe, myit malai lu mu, nga nna hkang dat ra ai:

KASA 2:38

Petru gaw, “Myit malai lu nna, nanhte a yubak raw dat kau ya u ga, nanhte hkum shagu Yesu Hkristu a mying ningsang hta baptisma hkam la mu; shaloi Chyoi pra ai Wenyi ngu ai kumhpa gaw, nanhte lu la na marin dai.

KASA 20:21

Yuda masha hte Heleni masha hpe, Karai Kasang a man na myit malai lam hte, anhte a Madu Yesu a makam masham lam sakse hkam let, ngai shaja nga nngai gaw, nanhte nan chye nga myit dai.

KASA 26:20

dai lam hpe nnan e Damasku masha ni kaw nna, Yerusalem hte Yuda mung ting hta mung, maigan amyu ni myit malai lu nna, myit malai hte ging dan ai arawn alai shachyen let, Karai Kasang hpang de kayin wa mu ga, ngu nna maigan amyu ni hta mung, ngai hkaw shana nga nngai.

KASA 3:19

Dai re ai majaw, dai Madu kaw na ngwipyaw ai aten ladaw du ru ga hte,

2 KORINHTU 7:10

Kaning rai nme law, Karai Kasang ra ai yawn hkyen ai gaw, hkye hkrang la ai hkrum hkra, n tsang ra ai myit malai ai hpe shachyen nga ai; mungkan ga a yawn hkyen ai chyawm gaw, si mat ai hpe shachyen nga ai.

KOLOSE 1:13

Dai Kawa gaw, nsin a ahkang aya kaw na anhte hpe mawai la nna, shi a tsawra ai Kasha a mungdan hta jashawn mi ai:

2 TIMOHTI 2:25

nhtan shai ai ni hpe sumnung ai myit hte sharin achyin ya lu na, mai nga ai: shing di yang, tengman ai ga hpe chye chyang lu mu ga, Karai Kasang gaw shanhte hpe gaja wa myit malai lu na chyeju jaw nna,

HEBRE 6:1

Dai re ai majaw, Hkristu a shawng npawt na ga kanu ngu ai, si ging ai magam bungli hta na myit malai lu ai lam, Karai Kasang hpe kamsham ai lam,

2 PETRU 3:9

Nkau mi gaw, Ala nga ai, nga nna myit ma ai hte maren, dai Madu gaw shi a ga ndat hpe shadik na ala nga ai n rai: rai timung, yawng mayawng myit kayin wa nna, kadai rai timung, hten bya ai n hkrum mu ga, shi ra nga ai majaw, shi nanhte hpe myit galu kaba madun nga ai.

SHINGRAN 2:21

Ngai shi hpe myit malai lu na aten jaw da rai timung, shi a hpye ai amu a lam hta na myit malai n lu hkraw nga ai.

SHINGRAN 2:5

Dai re ai majaw, nang garai n hkrat yang na shara hpe bai dum u; myit malai lu u, shawng na arawn alai bai hkan u: shing n rai yang, ngai nang kaw du nna, nang myit malai n lu yang gaw, na a pyengdin hpe de a shara na sit kau ya na de ai.