MAHTE 3:16 - Jinghpaw Hanson Version Bible

¹⁶ Ya Yesu gaw baptisma hkam la ngut jang, dai hka hta na byawn hprang rai lung wa nna, yu u, lamu gaw hpaw malang wa nhtawm, Karai Kasang a Wenyi gaw, hkrudu zawn yu hkrat wa nna, shi a ntsa e dung nga ai hpe shi mu lu ai:

Jinghpaw Common Language Bible 2009

¹⁶ Ya, Yesu hkalup hkam la ngut ai hte rau, dai hka hta na byawn hprang rai lung wa ai. Dai shaloi lamu hpaw malang wa nhtawm, Karai Kasang a Wenyi gaw hkrudu langai mi zawn yu hkrat wa nna shi a ntsa e dung nga ai hpe shi mu wu ai.

MAHTE 3:16 ပူးပေါင်းရင်းမြစ်များ

ESAIA 11:2

Yehowa a wenyi ngu ai, hpaji byeng-ya hte nyan jaw ai wenyi, hpaji daw ai hte daru magam rawng ai wenyi, chye chyang ai hte Yehowa hpe hkrit hkungga ai wenyi, shi a ntsa e shanu nga na ra ai:

ESAIA 42:1

Ngai shadaw ai nye a shangun ma, ngai lata la ai nye tsawra ai wa hpe, yu mu: nye a Wenyi shi a ntsa e ngai bang da ya nngai; shi gaw amyu baw ni hpe tara dara na ra ai.

ESAIA 59:21

Bai Yehowa gaw, “Ngai shanhte hte tawn da ai, nye a ga shaka gaw, da ndai rai nga ai: na ntsa e dung ai nye a wenyi mung, na n-gup hta ngai bang da ai nye a sumtu ga mung, na a n-gup hta na mung, na nshu nsha ni a n-gup hta na mung, na a shu mashi shu masha ni a n-gup hta na mung, ya kaw nna htani htana prat du hkra, htum mat na n rai,” nga nna Yehowa tsun ai.

ESAIA 61:1

Madu Yehowa a Wenyi gaw nye a ntsa e dung nga ai; kaning rai nme law nga yang, matsan mayan ni hpe kabu gara shiga hkaw tsun dan na matu, Yehowa ngai hpe namman chya ya ni ai; gawng run ai ni a nma hpe ahkyen kayawp na matu mung, bawng dung ai ni hpe shalawt dat na lam, gyit hkang hkrum ai ni hpe htawng chyinghka hpaw ya na lam, hkaw dan na hte,

EZEKELA 1:1

Ya sumshi ning ngu na hta, shata mali a manga ya shani e, Hkebara hka kau e bawng dung ai ni hte rau ngai nga nga yang, sumsing lamu hpaw malang wa nna, Karai Kasang a shingran hpe ngai mu nngai.

MARKU 1:10

Shaloi jang, dai hka hta na shi pru lung wa yang sumsing lamu gaw ga malang wa ai hte, dai Wenyi gaw hkrudu zawn, shi a ntsa e yu wa ai hpe, shi mu wu ai rai nna,

YAWHAN 1:51

Bai Yesu gaw, “Ngai nanhte hpe teng teng tsun made ga, Sumsing lamu hpaw malang wa nna, Karai Kasang a lamu kasa ni gaw, Masha Kasha a ntsa e lung wa yu wa rai nga ai hpe, nanhte mu na marin dai,” ngu nna shi hpe htan tsun wu ai.

YAWHAN 3:34

Karai Kasang e shangun dat ai wa gaw, Karai Kasang a mungga tsun nga ai: kaning rai nme law, Karai Kasang gaw shadawn sharam nna sha, Wenyi jaw wu ai n rai.

KASA 1:22

rau hkawm rau sa ai nhtoi hte ting, anhte hte kanawn nga ai wa langai mi gaw, anhte hte rau, shi a bai rawt wa ai lam, sakse wa tai na ra ai,” ngu wu ai.

KASA 7:56

“Yu u, sumsing lamu hpaw malang nga ai hte, Karai Kasang a hkra maga de Masha Kasha tsap nga ai gaw, ngai mu se ai,” nga ai.

1 YAWHAN 5:6

Dai wa gaw hka hte mung, asai hte mung sa du nna, Yesu Hkristu ngu ai nan rai nga ai: hka hta sha n rai, hka hta e rai timung, asai hta e rai timung, shi sa du nga ai.