MAHTE 3:15 - Jinghpaw Hanson Version Bible

¹⁵ Shaloi Yesu gaw, “Ya dai shabyin ya e; dingman ai lam shagu hpe shadik lu mu ga, an a matu sut nga mali ai,” ngu nna shi hpe htan wu ai: shaloi, shi hpe dai lam shabyin ya wu ai.

Jinghpaw Common Language Bible 2009

¹⁵ Shaloi Yesu gaw, “Ya dai shabyin ya rit, hpa majaw nga yang, ding man ai lam shagu hpe shadik lu u ga, an a matu sut nga mali ai,” ngu nna shi hpe htan wu ai: shaloi shi hpe dai lam shabyin ya wu ai.

MAHTE 3:15 ပူးပေါင်းရင်းမြစ်များ

ESAIA 42:21

Yehowa gaw, shi a dinghpring ai myit majaw, sharin shaga ai lam hpe shagrau nna, dan hkung shangun wu ai.

MAHTE 3:14

Shi chyawm gaw, “Ngai mahtang she nang kaw nna baptisma hkam la na ra nga nngai, nang mahtang ngai kaw du sa rin ni?” ngu nna shi hpe hkap ndang let tsun dan wu ai.

LUKA 1:6

Dai yan gaw, Madu a jep ai tara hte hkang da mada yawng hpe htep lahti hkan nang ma ai rai nna, Karai Kasang a man e dinghpring ai yan rai nga ma ai.

YAWHAN 13:15

Nanhte hpe ngai galaw ai zawn, nanhte mung hkan galaw myit ga, ngu nna ngai nanhte a matu kasi kamang tawn da ni ai.

YAWHAN 15:10

Ngai gaw nye Wa a ga matsun hkan shatup nna, shi a tsawra ai hta maju jung nga nngai zawn, nanhte mung nye a ga matsun hkan shatup myit yang gaw, nye a tsawra ai hta maju jung na myit dai.

YAWHAN 4:34

Dai rai nna Yesu gaw, “Ngai e shangun dat ai wa a myit hku hkan galaw na hte, shi a magam bungli shangut lu na gaw, nye a shahpa rai nga li ai.

YAWHAN 8:29

Ngai hpe shangun dat ai wa gaw ngai hte rau anga nga ai; ngai hkrai sha nga u ga, nga nna shi ngai hpe n jahti kau nngai: kaning rai nme law, shi sharawng awng ai amu hpe, ngai tutnawng e a galaw nga nngai,” ngu mu ai.

HEBRE 7:26

Kaning rai nme law, shing rai chyoi pra ai, san seng ai, ra n rawng ai hte yubak kap ai ni hte ran ai wa rai nna, sumsing lamu hta shatsaw shagrau hkrum ai hkinjawng agyi wa gaw anhte a matu ram nga ai;

1 YAWHAN 2:6

Shi hta de nga nngai, nga nna tsun ai wa gaw, shi rai nga ai hte maren, dai wa mung rai nga u ga.