MAHTE 3:12 - Jinghpaw Hanson Version Bible

¹² shi a lata hta dai hkuwawn shi lang nga ai rai nna, shi a mam chyarang hpe shi yit jasan nhtawm, shi a mam hpe gaw dum hta shinggyin bang da nna, mam nsan hpe gaw, n sat lu ai wan hte nat kau na ru ai,” ngu mu ai.

Jinghpaw Common Language Bible 2009

¹² Shi a lata hta mam yit jasan na matu hkuwawn shi lang da nga ai. Shi a mam chyarang hpe shi yit jasan nhtawm, shi a mam gu hpe gaw mam dum hta shinggyin bang da nna, mam nsan hpe gaw galoi mung n krip ai wan hta nat kau na ru ai, ngu mu ai.

MAHTE 3:12 ပူးပေါင်းရင်းမြစ်များ

YOBA 21:18

nbung a man e yi hku zawn shanhte tai mat ai hte, nbung laru e shapoi ai mahkaw zawn tai ai gaw, gade lang rai ta?

SHAKAWN KUNGDAWN 1:4

Tara n lang ai ni chyawm gaw, dai zawn n rai; Nbung e shapoi ai mahkaw hte bung ma ai.

SHAKAWN KUNGDAWN 35:5

Nbung e poi mat ai mahkaw zawn, shanhte rai mu ga, Yehowa a lamu kasa mung shanhte hpe ye kau mu ga.

ESAIA 1:31

Wa-ngan wa gaw lachyit zawn, shi a amu gaw wan n-yang zawn tai mat nna, dai yan rau hkru mat na ra ai; dai wan hpe kadai mung n sat lu ai,” nga ai.

ESAIA 17:13

gaja wa amyu baw ni gaw hka kaba law law zawn wu kadu timung, shi shanhte hpe daru kau nna, shanhte tsan tsan de hprawng mat wa masai; shanhte gaw bum ntsa e, nbung ahpawt nna poi mat wa ai mahkaw hte, bungsha hta lawm ai ga nhpu zawn, hkoi mat wa na mara ai.

ESAIA 27:4

Ngai pawt ni ai, n rai; tsing hte ju hpun ni ngai hpe daw n ga lè; ngai dai ni hpe alawan htim nna, rau nat kau na we ai.

ESAIA 28:28

Muk kabaw na matu mam rin ra ai; dai hpe tutnawng adup nna, leng hte gumra e kabye timung, shadung tai lu ai n rai.

ESAIA 30:24

Na a yi hkauna galau ai dumsu ni hte lawze ni gaw, atsawm sha katsap hking kau ai jum shum ai mam sha lu na mara ai.

ESAIA 41:16

Nang shanhte hpe katsap nna, nbung gaw dai ni hpe ahpawt kau na ra ai; laru gaw shanhte hpe kamawng kau na ra ai: nang chyawm gaw Yehowa hta kabu gara nga nna, Israela Chyoi pra ai Wa hta gumrawng nga na rin dai.

ESAIA 5:24

Dai rai nna shanhte gaw Zaw nawng zaw wa up ai Yehowa a tara hpe gang kau nna, Israela a Chyoi pra ai Wa a mungga hpe n kaw n law di kau ma ai majaw, wan shinglet gaw yi hku hpe hkru kau ai hte, tsingdu chyahkraw gaw wan mang hta hkat mat wa ai zawn, shanhte a ru ni tsam mat wa nna, shanhte a pu ni, ga nhpu zawn kamawng mat na ra ai.

ESAIA 66:24

Shanhte gaw paw pru nna ngai hpe shut hpyit ai ni a moi mang hpe hpu yu na mara ai; kaning rai nme law shanhte hpe sha ai byet si ai, n rai, shanhte hpe hkru ai wan krip ai, n rai: shanhte gaw hkrung mahkrung yawng a man e, matsat shabat hkrai tai na mara ai,” nga ai.

YEREMIA 15:7

Mung chyinghka lam hta e ngai shanhte hpe hkuwawn hte katsap ni ai; shanhte a matu mara ni hpe ngai jahtum kau ni ai; nye a amyu hpe ngai jahten shabyak nngai; shanhte tinang lam hta na nhtang wa hkraw ai n rai.

YEREMIA 17:27

Rai timung nanhte gaw nye a ga n madat ai hte, laban nhtoi hpe n shachyoi shapra ai; dai nhtoi e Yerusalem mare chyinghka ni hta lit gun hpai jashawn nga ai rai yang gaw, dai mare chyinghka ni hpe ngai wan nat nna, dai wan gaw n krip ai, Yerusalem htingnu ni hpe hkru kau na ra ai, nga ai.

YEREMIA 4:11

Dai aten hta e, ndai amyu masha ni hte Yerusalem mare na ni hpe lakap nna tsun ai gaw: Zaibru jang na krin ai kawng ni kaw nna, nye amyu shayi sha hpang de, kahtet ai nbung bung wa na ra ai; dai gaw nbun shapoi na hte san seng na matu wa ai nbung n rai:

YEREMIA 51:2

Ngai gaw hkuwawn katsap chye ai ni hpe, Babelon mare de shangun dat nna, shanhte gaw shi a mungdan hpe atsai awai katsap kau na mara ai: kaning rai nme law, ruyak hkrum ai aten e shanhte gaw grup yin hkan e, shi hpe hkap daw na mara ai.

YEREMIA 7:20

“Dai re ai majaw, Madu Yehowa ning nga ai: Yu u, ndai shara ntsa e mung, masha hte yamnga ntsa e mung, pa ga na hpun ni hte yi hkauna nsi naisi a ntsa e mung, nye a pawt sindawng ai hte myit kahtet ai hpe ngai ru dat nna, dai gaw n krip ai, hkru nga na ra ai.”

HOSEA 13:3

Dai re ai majaw shanhte gaw, jahpawt manap na sumwi, jau jau e hkoi mat ai mari, bungsha hte hkoi mat ai mam chyarang na nbun, wan htung na pru ai wan hkut zawn, tai mat na mara ai.”

AMO LAIKA (AMOS) 9:9

Kaning rai nme law, yu mu, ngai htet da nna, n-gu hpe hking hta hking ai zawn, maigan amyu ni hta Israela amyu hpe ngai hking na nngai: rai timung, shingrun tum mi pyi, ga de hkrat na n rai.

MALAHKI 4:1

Kaning rai nme law, dai nhtoi du ra ai; dai gaw wan htung zawn grung kahtet nga ai: gumrawng gumtawng ai ni hte, tara n lang ai amu galaw ai ni yawng, yi hku ndu tai na mara ai: du ra ai nhtoi gaw, npawt ndung n ngam hkra, shanhte hpe hkru kau na ra ai, nga nna Zaw nawng zaw wa up ai Yehowa tsun ai.

MAHTE 13:30

Dai lahkawng yan nmut ta du hkra, rau tu kaba wa mu ga: nmut ta du jang, tsing hpe shawng dan mahkawng nna, nhtan nhtawm wan hta nat kau mu; dai mam hpe chyawm gaw, nye a dum hta e mahkawng da mu, ngu nna mam dan ai ni hpe ngai tsun na mawe ai,” ngu mu ai.

MAHTE 13:41

Dai masha kasha gaw shi a lamu kasa ni hpe shangun dat na rai nna, shanhte gaw shi a mungdan hta na, myit kataw shangun ai baw hte tara hte n bung ai amu galaw ai ni nlang hte hpe, lata shaw la nhtawm, wan htung hta kabai bang da na maru ai:

MAHTE 13:42

dai yang e hkrap ngu hkrap ngoi ai hte wa udik ai gaw, rai nga ai.

MAHTE 13:43

Dai shaloi e dinghpring ai ni gaw shanhte a Kawa a mungdan hta e, ajan zawn htoi kabrim na mara ai; na tu ai wa gaw na la u ga.

LUKA 3:16

Yawhan gaw, “Ngai gaw nanhte hpe hka hte baptisma jaw made ai; rai timung, ngai hta atsam grau rawng ai wa gaw sa wa ra ai; shi a kyepdin sumri raw na pyi ngai n ging nngai: shi gaw Chyoi pra ai Wenyi hta mung, wan hta mung, nanhte hpe baptisma jaw na ra ai:

LUKA 3:17

shi a lata hta shi hkuwawn lang nna, shi a mam chyarang hpe yit jasan kau nhtawm, mam gu hpe shi dum hta shinggyin bang da nna, nsan hpe gaw n sat lu ai wan hte nat kau na ra ai,” ngu nna mahkra hpe htan mu ai.

YAWHAN 15:2

Ngai hta asi n si ai lakung shagu hpe gaw, shi krum kau wu ai: asi si ai lakung shagu hpe chyawm gaw, asi grau si u ga nga, tsan kau ya wu ai.