MAHTE 28:8 - Jinghpaw Hanson Version Bible

⁸ Shaloi shan gaw hkrit kahpra ai hte kabu gara ai myit kaba hte dai lup de na alawan wa nhtawm, shi a sape ni hpe shana ya na, gat wa ma ai.

Jinghpaw Common Language Bible 2009

⁸ Shaloi shan gaw dai lup de na alawan wa nhtawm, hkrit kahpra ai rai ti mung kabu gara ai myit hpring let shi a sape ni hpe tsun shana ya na matu gat wa ma ai.

MAHTE 28:8 ပူးပေါင်းရင်းမြစ်များ

SHAKAWN KUNGDAWN 2:11

Yehowa hpe hkungga lara ai hte daw mu, Hkrit gari ai hte kabu gara nga mu.

MAHTE 28:7

Bai, alawan pru wa nhtawm, Si ai ni kaw na shi bai hkrung rawt wa sai, ngu nna shi a sape ni hpe tsun dan mu: yu mu, nanhte a shawng e, Galile mung de shi sa wa na ra ai; dai yang e nanhte shi hte hkrum na marin dai: yu mu, ngai nan hpe tsun dan made ai, ngu mu ai.

MAHTE 28:9

Shaloi, yu mu, Yesu shan hpe tau la nna, Ngwipyaw nga myit ga, ngu mu ai: shan gaw shi a lagaw hpe sa ginshum let shi hpe nawku ma ai.

MARKU 16:8

Shaloi shanhte pru wa nna, dai lup de na hprawng mat ma ai: kaning rai nme law, hkrit gari ai hte mau mak mat ai shanhte hkrum masai: hkrit nga ma ai majaw, shanhte kadai hpe mung hpa muk n tsun ma ai.

YAWHAN 16:20

Ngai nanhte hpe gaja wa teng teng tsun made ga, “Nanhte gaw hkrap ngu hkrap ngoi ai hte, sharung shayawt ai hkrum na marin dai; mungkan masha ni chyawm gaw kabu gara lu na mara ai; nanhte gaw yawn hkyen ai hkrum na marin dai, rai timung, nanhte a yawn hkyen ai gaw kabu gara ai bai tai na ra ai.

YAWHAN 16:22

Dai hte maren nanhte ya yawn hkyen nga myit dai: rai timung, nanhte hte ngai bai hkrum lu nna, nanhte a myit masin kabu gara na ra ai: dai nanhte a kabu gara ai hpe kadai kashun la ya lu na n rai.