MAHTE 28:3 - Jinghpaw Hanson Version Bible

³ Shi a ahpraw asam myihprap zawn rai nga nna, shi a hpun palawng hkyen zawn hpraw nga lu ai.

Jinghpaw Common Language Bible 2009

³ Shi a hpraw nsam myihprap zawn rai nga nna, shi a hpun palawng ni gaw hkyen zawn hpraw nga lu ai.

MAHTE 28:3 ပူးပေါင်းရင်းမြစ်များ

SHAKAWN KUNGDAWN 104:4

Nbung hpe shi a kasa shi shatai nna, Shi a ali ama ni grung ai wan shinglet rai nga ma ai.

Daniela 7:9

Shaloi tingnyang ni hpe shadun da nna, moi chyaloi nhkoi na wa langai mi dung nga ai du hkra, ngai mu mada nngai; shi a hpun palawng hkyen zawn hpraw nna, shi a kara seng ai sagu mun hte bung nga ai; shi a tingnyang wan shinglet, de a dingsen ni grung ai wan rai nga ai.

MAHTE 17:2

Shaloi shanhte a man e shi ahpraw asam galai wa ai hte, shi a myi man gaw, jan zawn htoi kabrim nna, shi a hpun palawng nhtoi zawn hpraw tu wa lu ai:

MAHTE 28:4

Shi hpe hkrit kajawng ai majaw, sin ai ni gari kawa rai nna, si ai masha zawn htan mat ma ai.

MARKU 16:5

Dai lup kata de shang yang, hpraw tu ai nba lawai ai hte, hkra maga e dung nga ai shabrang langai mi hpe, shanhte mu ma ai rai nna, mak mat ma ai.

MARKU 9:3

shi a hpun palawng gaw kabrim kabram wa nna, nachying hpraw tu wa lu ai: ga ntsa na tsi chyaw ai wa kadai mung, dai hte wa hpraw jahtap lu ai n rai.

YAWHAN 20:12

shaloi hpraw tu ai hpun palawng bu hpun ai lamu kasa lahkawng gaw, Yesu a moi mang tawn ai shara a baw ngu na de langai mi, lagaw ngu na de langai mi, dung nga ai hpe mu wu ai.

KASA 1:10

Shi lung mat wa nna, shanhte lamu de naw azi yu nga yang, yu mu, hpraw tu ai hpun palawng bu hpun ai marai lahkawng, shanhte a makau e tsap pru nna,

SHINGRAN 10:1

Bai, sumwi lawai nna, sumsing lamu de na yu hkrat wa ai n-gun ja ai lamu kasa kaga hpe ngai mu nngai; shi a baw hta n-goilatum jung nga ai, shi a myi man gaw jan zawn htoi tu nga ai, shi a lagaw yan wan shadaw zawn rai nga ai:

SHINGRAN 18:1

Dai hte a hpang e lamu kasa kaga gaw sumsing lamu de na yu wa ai, ngai mu nngai; shi gaw ahkang aya kaba lu nna, lamu ga gaw shi a hpung shingkang hte htoi ala nga ai.