MAHTE 27:54 - Jinghpaw Hanson Version Bible

⁵⁴ Ya hpyen latsa up ai bu hte shi hte rau Yesu hpe sin nga ai ni, dai nnang nawn hte byin mabyin ni hpe mu mu yang shanhte hkrit kahpra nna, Gaja wa, ndai wa gaw Karai Kasang a Kasha nan rai nga ai, nga ma ai.

Jinghpaw Common Language Bible 2009

⁵⁴ Ya hpyen la dap kung langai mi up ai du wa hte shi hte rau Yesu hpe sin nga ai hpyen la ni gaw nnang nawn hte byin mabyin ni hpe mu mu yang, shanhte hkrit kahpra nna, “Kaja wa ndai wa gaw Karai Kasang a Kasha nan rai nga ai,” nga ma ai.

MAHTE 27:54 ပူးပေါင်းရင်းမြစ်များ

MAHTE 26:63

Yesu mahtang atsin sha nga nga ai. Bai, hkinjawng agyi wa gaw, “Karai Kasang a Kasha, ngu ai Hkristu gaw, nang rai nga ndai kun, anhte hpe tsun dan n ga, ngu nna ahkrung nga ai Karai Kasang hta ngai nang hpe dagam da de ai,” ngu nna shi hpe tsun wu ai.

MAHTE 27:36

dai yang e mung shanhte dung nga nna shi hpe sin da mu ai.

MAHTE 27:40

nawku Htingnu hpe run kau nna, masum ya na laman e bai de lu na nga ai wa e, na a hkum hpe nan hkye la u: nang Karai Kasang a Kasha rai n yang gaw, wudang hta na yu hkrat wa u, ngu mu ai.

MAHTE 27:43

Shi gaw Karai Kasang hta hpa nga ai; shi hta awng nga yang gaw, ya shi hpe mawai la u ga: kaning rai nme law, Ngai gaw Karai Kasang a Kasha rai nga nngai, shi nga ai, nga ma ai.

MAHTE 27:51

Shaloi, yu mu, nawku Htingnu na nba grang ntsa de nna hkren, ka-ang brang ga mat ai; ginding aga mung ashun awam wa nna, lunghkrung ni ga mat wa ma ai;

MAHTE 4:3

Shaloi, dai gunglau ai wa shi kaw du nna, “Nang Karai Kasang a Kasha rai n yang gaw, ndai nlung ni hpe muk tai mu ga, tsun u!” ngu wu ai.

MAHTE 8:5

Ya, Kaperna-um mare de shang bang wa yang hpyen latsa up ai bu langai mi shi kaw sa du nna,

MARKU 15:39

Yesu gaw shing rai nsa hkyet mat ai hpe, shi man e tsap nga ai hpyen latsa up ai du mu wu yang, “Gaja wa, ndai wa gaw Karai Kasang a Kasha nan rai nga ai,” nga ai.

LUKA 22:70

Shaloi shanhte nlang, “Dai rai yang gaw, nang Karai Kasang a kasha rai nga n hka i?” ngu nna san mu ai; shi gaw, “Ngai re ai, nga nna nanhte nan tsun nga myit dai,” ngu nna shanhte hpe htan mu ai.

YAWHAN 19:7

Shaloi Yuda masha ni gaw, “Anhte mung tara lu ga ai; ndai wa gaw shi hkum hpe Karai Kasang a Kasha hpyi hpun ai a majaw, dai tara hte maren si ging nga ai,” ngu nna shi hpe htan mu ai.

KASA 10:1

Ya Kesare mare e, Itali ngu ai hpyen dap hta, Korneli mying ai hpyen latsa up ai bu langai mi nga ai:

KASA 2:37

Dai na ma yang, shanhte myit hta hkra malu ai rai nna, shanhte gaw, “Hpunau ni e, anhte kaning rai na rai ta?” nga nna Petru hte kaga kasa ni hpe tsun ma ai.

KASA 21:32

Shaloi jang hpyen ma hte hpyen du shaga la nna, shanhte hpang de gat bang wa ai: shanhte chyawm gaw hpyen du kaba hte hpyen ma ni hpe mu jang, Pawlu hpe kayat ai, da kau mu ai.

KASA 23:17

Pawlu mung, hpyen du langai mi hpe shaga la nna, “Ndai ma hpe hpyen du kaba wa hpang de woi wa ya e: shi lama mi tsun mayu ai da,” ngu dat wu ai.

KASA 23:23

Bai shi gaw, hpyen du lahkawng shaga la nna, “Dai na ahkying masum hta Kesare mare de sa wa na, hpyen ma ni tsa, gumra jawn ai sanit shi, ri lang ai ni tsa hte hpe shajin tawn mu,” ngu wu ai:

KASA 27:1

Ya, anhte hpe Itali mung de li hte sharap sa wa na myit shatawng da ngut jang, shanhte Pawlu hte kaga bawng ni nkau mi hpe, Agustu hpyen dap hte seng ai, Yuli ngu ai hpyen du a lata hta ap dat mi ai.

KASA 27:43

Hpyen du wa chyawm gaw, Pawlu hpe hkye la mayu nna, shanhte a bawng ai lam hpe hkum kau nhtawm, hpung-yawt chye ai ni kadai mung, hka de yu nna, hkarang de shawng kaw wa mu ga, nga nna mung;

ROMA 1:4

Dai kasha gaw masha labau hku gawn yang, Dawi a aru arat rai nga ai; si mat ai ni kaw na bai hkrung rawt wa ai a majaw, Karai Kasang a Kasha nan shi rai nga ai gaw, chyoi pra rawng ai Wenyi hte aja awa shadan dan nga ai; anhte a Madu Yesu Hkristu nan shi rai nga ai rai nna,

SHINGRAN 11:13

Dai ahkying hta e nnang nawn kaba anawn wa nna, dai mare daw shi hta daw mi ru hkrat mat wa ai; dai nnang nawn hta si lawm mat ai masha ni a amying hkying sanit rai nga ai: naw ngam nga ai ni chyawm gaw hkrit kamyin nga ma ai rai nna, sumsing lamu a Karai Kasang hpe shagrau shakawn nga ma ai.