MAHTE 27:53 - Jinghpaw Hanson Version Bible

⁵³ shi bai hkrung rawt wa ai hpang lup ni hta na pru wa shajang nhtawm, dai chyoi pra ai mare de shang wa nna, masha law law hte hpe tinang nang a hkum shadan dan mu ai.

Jinghpaw Common Language Bible 2009

⁵³ Shanhte gaw lup ni hta na pru wa shajang nna, Yesu si ai kaw na bai hkrung rawt wa ai hpang, dai chyoi pra ai mare de shang ma ai rai nna, dai kaw masha law law wa shanhte hpe mu ma ai.

MAHTE 27:53 ပူးပေါင်းရင်းမြစ်များ

NEHEMIA 11:1

Ya mung du ai gaw Yerusalem mare hta de ma ai; naw ngam nga ai masha ni gaw, marai shi hta na marai langai mi, chyoi pra ai Yerusalem mare hta nga nga nna, kaga jahku hte gaw mung mare ni hta de nga na lam, hpaida da ma ai.

ESAIA 48:2

chyoi pra ai mare mying hkan nna tinang hkum hpe shamying ai hte, Israela Karai Kasang hta shamyet shanat ai ni e, ndai lam madat mara mu: shi a mying gaw, Zaw nawng zaw wa up ai Yehowa rai nga ai.

Daniela 9:24

Tawt lai ai amu hpe shangut na hte, yubak hpe jahtum kau na matu mung, shut hpyit ai a matu gawng malai hkungga nawng ya nna, prat dingsa dinghpring ai hpe jashawn na matu mung, shingran hte myihtoi ga hpe dazik shakap nna, chyoi pra htum ai shara hpe namman chya ya na matu mung, na a amyu hte, na a chyoi pra ai mare ntsa e, nhtoi bat sanit shi, san da nga sai.

MAHTE 4:5

Shaloi Nat gaw dai chyoi pra ai mare de, shi hpe woi wa nna, nawku Htingnu a nchyun e shadun da nhtawm,

SHINGRAN 11:2

Dai Htingnu a shinggan wang hpe chyawm gaw, shinggan kau da u, dai hpe hkum shadawn et; dai gaw maigan amyu ni hpe ap ya kau ngut sai rai nna, shanhte gaw dai chyoi pra ai mare hpe shata mali shi lahkawng tup kabye dip na mara ai.

SHINGRAN 21:2

Shaloi chyoi pra ai mare ngu ai Yerusalem ningnan gaw, la ningnan a matu mawn sumli ai num ningnan zawn, lajang shachyip ngut nna, Karai Kasang a man sumsing lamu de na yu hkrat wa ai, ngai mu nngai.

SHINGRAN 22:19

ndai laika hta rawng ai myihtoi ga hta na shaw kau ai wa kadai hpe mung, ndai laika hta ka da ai asak jahkrung ai hpun hte chyoi pra ai mare kaw na, shi hte seng ai wunli wun-gau hpe, Karai Kasang shaw kau ya na ra ai.