MAHTE 27:52 - Jinghpaw Hanson Version Bible

⁵² lup ni mung hpaw mahka wa nna, dai hta e yup nga ai chyoi pra ai ni a hkum tsawp law law wa rawt wa nna,

Jinghpaw Common Language Bible 2009

⁵² Lup ni mung hpaw mahka wa nna si mat sai Karai Kasang a masha ni law law wa bai hkrung rawt wa ma ai.

MAHTE 27:52 ပူးပေါင်းရင်းမြစ်များ

2 HKAWHKAM 13:21

Dai aten hta e mare masha ni gaw masha langai mi hpe lup makoi nga yang, damya hpung mi du ra ai hpe, shanhte mu ma ai rai nna, si mang hpe Elisha a lup hta gan tawn da mu ai: ya dai si mang gaw Elisha a nrut nra hta hkra jang, shi hkrung wa nna rawt tsap nga ai.

ESAIA 25:8

Shi gaw si hkrung si htan hpe mayu kau nu ai; Madu Yehowa gaw myi man shagu a myi prwi katsut kau na ra ai; shi a amyu hkrum ai kaya kahpa hpe mung, ga ntsa ting na shaprai kau na ra ai: dai lam Yehowa tsun da sai.

ESAIA 26:19

Na a si ai masha ni bai hkrung na mara ai; nye a moi mang ni bai rawt na mara ai: ga nhpu hta shanu nga ai ni e, hprang nna mahkawn mangoi mu; kaning rai nme law, nang hta hkrat ai mari gaw, namlaw namlap hta hkrat ai mari hte bung nna, lamu ga gaw si mat ai ni hpe bai shapraw na ra ai.

Daniela 12:2

Ga nhpu hta yup pyaw nga ai ni law law wa, yup hprang na mara ai: nkau mi gaw htani htana asak lu la nna, nkau mi gaw htani htana kaya kahpa hte arawng hpoi ai hkrum na mara ai.

HOSEA 13:14

Shing rai ngai gaw shanhte hpe katsan ga de na mawai la na rai ni? si hkrung si htan kaw na, gare la na rai ni? Si hkrung si htan e, na a ana zinli, kanang nga a ta? Katsan ga e, nang shapraw ai tsin-yam tsindam, kanang nga a ta? myit malai na lam, ngai n mu nngai.”

YAWHAN 11:11

Shing nga nhtawm, “Anhte a jinghku wa Lazaru yup nga ai: rai timung, shi hpe jasu na ngai sa na nngai,” ngu nna shanhte hpe bai tsun mu ai.

KASA 7:60

Bai, hput di let, “Madu e ndai mara shanhte hpe hkum shagun ya et,” nga nna nsen kaba hte jahtau wu ai: dai tsun ngut jang shi yup mat wa ai.

1 KORINHTU 11:30

Dai re ai majaw nanhte hta law law wa n-gun n ja ai hte ana ahkya hkrum nna, tsawmra wa nsa hkyet mat manit dai.

1 KORINHTU 15:20

Ya chyawm gaw, Hkristu si mat ai ni kaw na bai hkrung rawt wa sai rai nna, yup pyaw mat ai ni hta shawng si ai asi tai wa sai.

1 KORINHTU 15:51

Yu mu, sung htum ai ga ngai nanhte hpe tsun dan made ga: anhte yawng yup pyaw mat na n rai;

1 HTESALONI 4:14

Kaning rai nme law, Yesu gaw si mat nna bai rawt wa ai hpe anhte kam nga ga yang gaw, Yesu hta yup pyaw ai ni hpe mung, Karai Kasang gaw shi hte rau woi wa na maru ai.

1 HTESALONI 5:10

anhte hprang nga yang rai timung yup nga yang rai timung, shi hte rau hkrung nga n ga, shi anhte a matu mara si hkam sai.