MAHTE 27:4 - Jinghpaw Hanson Version Bible

⁴ Shanhte gaw, “Dai anhte hte hpa seng nga a ta? nang hkrum yu u” ngu mu ai.

Jinghpaw Common Language Bible 2009

⁴ “Ngai gaw mara n lu ai masha langai mi hpe si na matu ap kau we ai majaw, yubak kap ni ai,” ngu mu ai. Shanhte gaw, “Dai anhte hte hpa seng nga a ta? Dai na a amu she rai lit dai!,” ngu mu ai.

MAHTE 27:4 ပူးပေါင်းရင်းမြစ်များ

1 HKAWHKAM 21:27

Ya Ahab gaw dai ga na jang, shi a hpun nba gang je kau nhtawm, lachyit nba dagraw nna, lusha gam let, lachyit nba hta kaleng taw ai hte yawn hkawm nga ai.

2 HKAWHKAM 24:4

Yehowa gaw dai yubak hpe raw dat na n hkraw ai rai nna, Yuda amyu hpe shi a myi man kaw na yeng seng kau na nga, Yehowa hkang da ai ga hte maren ndai lam ni byin pru wa sai.

YOBA 13:4

Nanhte chyawm gaw, masu ga chye jahta ai ni, akyu n rawng ai tsi sara ni hkrai, rai nga myit dai.

YOBA 16:2

“ngai gaw dai lam law law lang na yu ni ai; nanhte nlang akyu n rawng ai shalan shabran ai ni rai nga myit dai.

SHAKAWN KUNGDAWN 94:21

Shanhte dingman ai wa a asak hpe rau htim nna, Mara n lu ai asai hpe, ga dan kau mu ai.

PRU MAT 12:31

Dai shana jang Mawshe yan Arun hpe shaga la nna, “Rawt mu, nan hte nawng Israela kashu kasha ni nlang nye a amyu kaw na pru mat wa mu: nan tsun myit dai hte maren Yehowa hpe sa naw jau mu.

PRU MAT 9:27

Shaloi Hpara-u gaw mahsa shangun nna Mawshe ya Arun hpe shaga nhtawm, “Ndai lang hta chyawm gaw ngai shut ni ai: Yehowa dinghpring nga ai, ngai hte nye a amyu mahtang n shawp nga ga ai.

GA SHAGAWP 12:8

Masha wa tinang a hpaji hte maren shagrau ai hkrum na ra ai; Myit magaw ai wa chyawm gaw, n kaw n law di kau ai hkrum na ra ai.

YEREMIA 26:15

Rai timung, ngai hpe sat kau myit yang gaw, mara n kap ai asai, nanhte a ntsa e mung, ndai mare a ntsa e mung, mare masha ni a ntsa e mung, du na ra ai, teng teng chye nga mu; ndai ga mahkra nanhte a man e tsun na matu, Yehowa ngai hpe gaja wa shangun dat ni ai, ngu nna agyi salang ni hte mung masha ni mahkra hpe tsun dan mu ai.

YONA 1:14

Dai re ai majaw shanhte gaw, Yehowa hpe, “Yehowa e, ndai wa a asak majaw, anhte n sum u ga; mara n rawng ai asai anhte hta hkum shakap mi law: nang chyawm gaw Yehowa e, galaw mayu ai hte maren, nang galaw nit dai,” ngu nna hpyi jahtau mu ai.

MAHTE 27:19

Ya, dai tara tingnyang hta e shi naw dung nga yang, shi a madu jan shi kaw shangun nna, Dai dinghpring ai wa hpe hpa mung hkum di u; dai ni pyi, yup mang hta e shi a majaw, ngai nni nkri law law wa hkrum nngai, ngu nna htet dat wu ai.

MAHTE 27:54

Ya hpyen latsa up ai bu hte shi hte rau Yesu hpe sin nga ai ni, dai nnang nawn hte byin mabyin ni hpe mu mu yang shanhte hkrit kahpra nna, Gaja wa, ndai wa gaw Karai Kasang a Kasha nan rai nga ai, nga ma ai.

LUKA 23:22

Dai rai nna Pilat gaw masum lang ngu na hta, bai tsun wu ai gaw, “Ndai wa n hkru ai amu hpa galaw hkrup sata? shi hta si ging ai mara hpa mung ngai n mu we ai: dai majaw ngai shi hpe anu sharim nna dat dat na we ai,” ngu nna shanhte hpe tsun mu ai.

LUKA 23:41

An gaw tinang a mara majaw hkrum ging ai hte maren dawdan ai hkrum ga ai: ndai wa chyawm gaw n sun n ang ai lam hpa mung galaw wu ai n rai,” nga nna dai wa hpe daru let htan wu ai.

LUKA 23:47

Shing rai byin ai lam ni hpe hpyen latsa up ai bu wa mu wu yang, “Gaja wa teng teng ndai wa gaw dingman ai wa rai nga ai,” nga nna Karai Kasang hpe shagrau sha-a wu ai.

YAWHAN 19:7

Shaloi Yuda masha ni gaw, “Anhte mung tara lu ga ai; ndai wa gaw shi hkum hpe Karai Kasang a Kasha hpyi hpun ai a majaw, dai tara hte maren si ging nga ai,” ngu nna shi hpe htan mu ai.

KASA 13:28

Shi hta si ging ai mara n mu timung, shi hpe sat kau na, Pilat kaw hpyi ma ai.

ROMA 3:19

N-gup yawng mayawng hpe sha-ip kau lu nna, mungkan ting hte gaw Karai Kasang a man e mara rawng ai tai nga mu ga, jep ai tara hta tsun matsun hte, jep ai tara npu e nga ai ni hpe a tsun nga ai gaw, anhte chye nga ga ai:

1 TIMOHTI 4:2

hkalem hkalau chye ai wenyi ni hte nat a sharin shaga ai lam hpe madat mara na rai nna, shanhte a myit nsam hpri kahtet hte zawn gaba nga ai, nga nna,

TITU 1:16

Karai Kasang hpe chye chyang ga ai, nga ma timung, matsat shabat re ai ni hte n madat mara ai ni rai nga nna, mai kaja ai amu yawng mayawng a matu n htuk ma ai majaw, tinang a arawn alai hte shi hpe nyet kau ma ai.

HEBRE 7:26

Kaning rai nme law, shing rai chyoi pra ai, san seng ai, ra n rawng ai hte yubak kap ai ni hte ran ai wa rai nna, sumsing lamu hta shatsaw shagrau hkrum ai hkinjawng agyi wa gaw anhte a matu ram nga ai;

1 PETRU 1:19

ana n kap ai, ra n rawng ai Hkristu ngu ai sagu kasha a hpu la ai asai hte sha, galai hkrang la lu na myit dai;

1 YAWHAN 3:12

Dai n hkru ai wa hte seng ai Ka-in gaw, shi a kanau hpe sat kau wu ai zawn n rai. Shi hpe hpa re ai majaw, sat kau wu hka? Shi a amu bungli n kaja nga lu ai hte, shi kanau a amu bungli mahtang kaja nga ai majaw, shi hpe sat kau wu ai rai.

SHINGRAN 11:10

Ga ntsa e nga ai ni gaw shan a majaw kabu gara rai nna pyaw pyaw nga ma ai; shanhte shada da mung kumhpaw kumhpa galai jaw chyai na mara ai: kaning rai nme law, dai myihtoi yan gaw ga ntsa e nga ai ni hpe grai sharu shatsang masai, nga ai.

1 SAMUELA 15:24

Shaloi Shawlu gaw, “Ngai shut ni ai; masha ni hpe hkrit nna, shanhte a ga madat kau ai majaw, Yehowa a ga hpe mung, na a ga hpe mung, tawt kau ni ai.

1 SAMUELA 15:30

Bai Shawlu gaw, “Ngai shut kau ni ai; rai timung, nye a amyu agyi salang ni hte Israela man e, ngai e hkungga lam naw madun dan ya nna, ngai na a Karai Kasang Yehowa hpe nawku lu hkra, ngai hte rau wa ga,” ngu nna hpyi wu ai.

1 SAMUELA 19:5

shi a asak pyi n lahpawt hkra, Hpilisti wa hpe sat kau nna Yehowa Israela amyu ting a matu hkye hkrang la ai lam kaba Hpaw ya ma ni ai: nang mu nna kabu nit dai: dai rai yang, mara kata ai, Dawi hpe sat nna, mara n rawng ai sai hpa majaw hkaw kau na rai ta?” ngu nna kawa Shawlu hpe tsun wu ai.