MAHTE 27:32 - Jinghpaw Hanson Version Bible

³² Shanhte pru sa wa ma yang, Simun mying ai Kureni masha langai mi hpe shanhte mu hkrup nna, Yesu a wudang hpai ya u ga, shi hpe shadip mu ai.

Jinghpaw Common Language Bible 2009

³² Shanhte pru sa wa nga ma yang, shanhte gaw Kureni masha Simun mying ai masha langai mi hpe mu hkrum nna, Yesu a wudang hpai ya u ga, shi hpe adip arip di nna hpai shangun mu ai.

MAHTE 27:32 ပူးပေါင်းရင်းမြစ်များ

1 HKAWHKAM 21:10

shing rai, n hkru ai masha lahkawng shi a man e shapraw nna, Nang gaw Karai Kasang hpe mung, hkawhkam wa hpe mung matsa kau ndai, ngu nna sakse hkam shangun mu: dai hpang shi hpe shapraw nhtawm, nlung hte kabai sat kau mu, nga ai,” ngu nna ka dat wu ai.

1 HKAWHKAM 21:13

Shaloi dai n hkru ai masha lahkawng gaw Nabot a man e sa dung nna, shan gaw mung masha ni a man e, “Nabot gaw Karai Kasang hpe mung, hkawhkam wa hpe mung matsa kau wu ai,” nga nna shi a lam sakse hkam ma ai. Dai hpang, dai mare de na shi hpe shapraw nhtawm, nlung hte kabai sat mu ai.

JAW JAU 4:12

dap shinggan na adap sa ru kau kau re ai shara asan de la sa nhtawm, hpun shingjawm nna nat kau na rai wu ai: wan dap ru kau kau re ai shara e dai hpe nat kau na rai wu ai.

JAW JAU 4:21

Shawng na usu hpe nat kau ai zawn, dai hpe mung dap shinggan de la sa nna nat kau na rai wu ai: dai gaw shawa hpung a matu htingrai hkungga rai nga ai.

JAW JAU 4:3

Namman chya hkam sai hkinjawng wa nan, shawa masha ni hta mara kap hkra, shut hpyit tawt lai kau ai rai yang, shi shut hpyit ai lam a matu htingrai hkungga di na, Yehowa kaw ra n rawng ai usu uram sa jaw na rai wu ai.

MAHTE 16:24

Bai, Yesu gaw shi a sape ni hpe, “Ngai hpang de sa wa mayu ai wa kadai rai timung, tinang a hkum hpe nyet kau lu na rai nna, shi a wudang hpai let, ngai kaw hkan nang ru ga.

MAHTE 5:41

nang hpe dip nna mai langai mi sa shangun ai wa hte rau, mai lahkawng naw hkan sa u.

MARKU 15:21

shi a wudang hpe hpai ya u ga, nam kahtawng na wa nna, lai hkawm sa wa ai Alesandru yan Ruhpu a kawa, Simun ngu ai Kureni mung masha langai mi hpe, shadip mu ai.

LUKA 23:26

Yesu hpe shapraw sa wa nga ma yang, nam kahtawng de na wa ai Simun ngu ai Kureni mung masha langai mi hpe shanhte rim la nhtawm, wudang jahpai nna, Yesu a hpang e hkan sa shangun mu ai.

YAWHAN 19:17

Dai rai nna shanhte gaw Yesu hpe woi dun wa mu ai: Yesu gaw shi a wudang shi dai hpai nna, Pungkum ngu ai shara de pru sa wa ai; dai shara hpe Hebre ga hte Golgohta nga ma ai:

KASA 11:20

Rai timung, shanhte hta na Kupru hte Kureni mung na ni nkau mi, Antioki de hkan du ma ai rai nna, Madu Yesu a kabu gara shiga, Heleni masha ni hpe mung tsun dan ma ai.

KASA 13:1

Ya, Antioki mare na Hpung hta e, myihtoi ni, sara ni, nang nga ma ai: dai ni gaw, Barnaba, Nigera ngu ai Simun, Kureni masha Luki, Herod du wa kanawn kanau Manaen hte Shawlu hte rai nga ma ai.

KASA 2:10

Hprugi hte Pamhpuli, Egutu hte Kureni ginwang hkan e nga ai Lebu mung na ni, Roma nna wa nga ai ni, ngu ai, Yuda masha hte proselutu,

KASA 6:9

Shaloi, Shanglawt ngu ai ni a tara jawng hte seng ai ni hte, Kureni, Alesandru, Kiliki hte Asi ngu ai tara jawng hte seng ai ni nkau mi rawt nna, Stehpan hte ndang kalang hkat ma ai.

KASA 7:58

mare shinggan de shapraw nhtawm, nlung hte jawm kabai mu ai: sakse ni mung, Shawlu mying ai shabrang wa a lagaw nhpang e, tinang a hpun palawng raw tawn ma ai.