MAHTE 27:24 - Jinghpaw Hanson Version Bible

²⁴ Pilat mahtang gaw, hpa hku mung n dang lu ai hte kabrawng kabrang byin wa ai hpe mu mu yang, ntsin la nna, shawa masha ni a man e lata hpe kashin let, Ndai wa a asai hta na ngai lawt nga n ga: nanhte nan myit yu nga mu, ngu wu ai.

Jinghpaw Common Language Bible 2009

²⁴ Pilat mahtang gaw, hpa hku mung n dang lu ai hte kabring kabrawng byin wa na masa hpe mu ai majaw, ntsin la nna shawa ni a man e lata hpe kashin let, “Ndai wa si ai gaw ngai hta lit n nga ai, ndai gaw nanhte galaw ai she rai malit dai,” ngu mu ai.

MAHTE 27:24 ပူးပေါင်းရင်းမြစ်များ

SHAKAWN KUNGDAWN 26:6

Ngai nye a lata hpe dingman ai hte shin nga nngai: Yehowa e, shakawn ai nsen hte lawm lu nna,

YEREMIA 2:27

shanhte gaw hpuntawng hpe, Nang gaw nye a kawa, nlung hpe, Nang ngai hpe shaprat ni ai, nga nna tsun let, shanhte a myi man n rai, ngai hpe shingdu dat kau ma timung, ruyak hkrum yang, Rawt u, anhte hpe hkye hkrang la mi, nga nna hpyi na ma ai.

YEREMIA 2:35

Shing re ai mara lu timung, Ngai mara n kap nngai; gaja wa Karai Kasang a pawt sindawng ai, ngai kaw na lai mat wa sai; nga nna nang tsun ndai. Yu u, Ngai yubak n galaw nngai, nga nna tsun ndai majaw, ngai nang hpe tara dara na de ai.

MAHTE 26:5

rai timung, Mung masha ni n kabrawng wa mu ga, poi a laman e n rai u ga, nga nna shanhte hkang da ma ai.

MAHTE 27:19

Ya, dai tara tingnyang hta e shi naw dung nga yang, shi a madu jan shi kaw shangun nna, Dai dinghpring ai wa hpe hpa mung hkum di u; dai ni pyi, yup mang hta e shi a majaw, ngai nni nkri law law wa hkrum nngai, ngu nna htet dat wu ai.

MAHTE 27:23

Bai shi gaw, Shing rai taw gaw, shi n hkru ai, hpa wa galaw hkrup sata? ngu mu ai. Shanhte chyawm gaw, Wudang hta jen da u ga, nga nna grau jahtau bu ma ai.

MAHTE 27:4

Shanhte gaw, “Dai anhte hte hpa seng nga a ta? nang hkrum yu u” ngu mu ai.

MAHTE 27:54

Ya hpyen latsa up ai bu hte shi hte rau Yesu hpe sin nga ai ni, dai nnang nawn hte byin mabyin ni hpe mu mu yang shanhte hkrit kahpra nna, Gaja wa, ndai wa gaw Karai Kasang a Kasha nan rai nga ai, nga ma ai.

MAHTE 27:9

Shaloi nna, “Dai Madu ngai hpe hkang da ai hte maren, Israela kashu kasha ni nkau mi, manu tawng sai wa ai jahpu ngu na gumhpraw lap sumshi hpe shanhte sawn la nna,

YAWHAN 13:9

Shaloi Simun Petru gaw, “Madu e, nye lagaw sha n rai, lata hte abaw mung kashin ya rit,” bai ngu wu ai.

YAWHAN 19:4

Shaloi Pilat gaw shinggan de bai pru nna, shanhte hpe, “Yu mu, ndai wa hta hpa mara mung ngai n mu nngai gaw, nanhte chye lu myit ga, ngu nna ngai shi hpe nanhte hpang de shapraw dan made ai,” ngu wu ai.

KASA 3:14

Dai chyoi pra ai hte dinghpring ai wa hpe nanhte ndang kau nna, masha sat ai wa hpe mahtang hpyi la nhtawm,

2 KORINHTU 5:21

Shi hta e Karai Kasang a dinghpring ai ni anhte tai wa u ga, shi yubak n chye ai wa hpe, anhte a matu mara yubak shatai wu ai.

1 PETRU 3:18

Kaning rai nme law, Hkristu mung yubak a majaw kalang sha mi si hkam nu ai; Karai Kasang hpang de anhte hpe woi wa lu hkra, dinghpring ai wa gaw, n ding n hpring ai ni a matu mara si hkam ai hte, dai hkum tsawp nan si mat timung, dai wenyi hta ahkrung nga ai: