MAHTE 27:17 - Jinghpaw Hanson Version Bible

¹⁷ Dai rai nna shanhte zuphpawng nga ma yang, Pilat gaw, Nanhte a matu dat ya na, kadai mahtang hpe tsaw myit ta? Baraba hpe rai myit ni? shing n rai, Hkristu ngu ai Yesu hpe rai myit ni? ngu nna shanhte hpe san mu ai:

Jinghpaw Common Language Bible 2009

¹⁷ Dai rai nna shawa masha ni zuphpawng nga ma yang, Pilat gaw, “Nanhte a matu ngai kadai wa hpe mahtang dat ya na nanhte ra nga myit ta? Baraba hpe rai kun? Shing n rai Meshia ngu ai Yesu hpe rai kun?,” ngu nna shanhte hpe san mu ai.

MAHTE 27:17 ပူးပေါင်းရင်းမြစ်များ

1 HKAWHKAM 18:21

Shaloi Elia gaw mung masha ni mahkra hpang de sit sa nna, “Nanhte gaw lam lahkawng a lapran e gade na hkra hpatwat hkawm nga na myit ta? Yehowa nan Karai Kasang rai nga yang, shi hpe hkan mu; Bala mahtang rai yang, shi hpe hkan mu,” ngu mu ai rai nna, mung masha ni gaw ga hkaw mi muk n htan mu ai.

MAHTE 1:16

Yaku gaw Mari a madu wa Yawsep hpe shaprat wu ai; Mari mahtang gaw, Hkristu ngu ai Yesu hpe shangai wu ai;

MAHTE 27:16

Dai shaloi e Baraba ngu ai, kajai gumhkawng ai bawng dung ai wa langai mi nga nga ai.

MAHTE 27:18

Kaning rai nme law, manawn masham majaw, shanhte shi hpe ap kau mu ai hpe, shi chye nga ai.

YAWHAN 19:15

Dai re ai majaw shanhte gaw, “La kau u, la kau u, wudang hta jen da kau u!” nga nna jahtau ma ai. Bai Pilat gaw, “Nanhte a Hkawhkam wa hpe wudang hta ngai jen da na rai ni?” ngu nna shanhte hpe san wu ai. Shaloi hkinjawng agyi ni gaw, “Kehta hkawhkam hta kaga, anhte hkawhkam n lu ga ai,” ngu nna htan mu ai.

YAWHAN 4:25

Dai numsha mung, “Hkristu ngu ai Meshia du na ra ai gaw, ngai chye nngai; dai wa du jang gaw, shi anhte hpe lam magup tsun madun na ra ai,” ngu wu ai.

YAWSHU 24:15

Shing n rai, Yehowa hpe jaw jau na nanhte n ra myit yang gaw, Hka wora hkran na nanhte a nji nwa ni jaw jau ai Hpara ni hte ya nanhte nga ai mung na Amori masha ni a Hpara ni hta, gara hpe mahtang jaw jau na gaw, dai ni jang lata la mu: ngai hte nye a nta masha ni chyawm gaw Yehowa hpe jaw jau na ga ai law,” ngu nna tsun wu ai.