MAHTE 27:12 - Jinghpaw Hanson Version Bible

¹² Rai timung, hkinjawng agyi ni hte salang ni shi hpe mara shagun yang, shi hpa mung n htan wu ai.

Jinghpaw Common Language Bible 2009

¹² Rai ti mung Hkinjawng agyi ni hte salang ni shi hpe mara shagun ai lam ni hpe shi hpa mung n htan ya mu ai.

MAHTE 27:12 ပူးပေါင်းရင်းမြစ်များ

ESAIA 53:7

Shi adip arip hkrum timung, nni nkri hkrum yang, n-gup n hpaw ai nga nga ai; sat na matu dun sa wa ai sagu kasha zawn, mun rep ai wa a man e, atsin sha nga ai sagu zawn, shi n-gup n hpaw ai nga nga ai.

MAHTE 26:63

Yesu mahtang atsin sha nga nga ai. Bai, hkinjawng agyi wa gaw, “Karai Kasang a Kasha, ngu ai Hkristu gaw, nang rai nga ndai kun, anhte hpe tsun dan n ga, ngu nna ahkrung nga ai Karai Kasang hta ngai nang hpe dagam da de ai,” ngu nna shi hpe tsun wu ai.

MAHTE 27:13

Shaloi Pilat gaw, Shanhte gade wa na a lam sakse hkam ma ai hpe nang n na n ni? ngu nna shi hpe tsun wu ni.

MAHTE 27:14

Shi mahtang ga hkaw mi muk n htan wu ai: dai rai nna, munggyi gaw ja ja wa amau nga ai.

LUKA 23:9

Dai rai nna shi gaw Yesu hpe lam magup san yu wu ai, rai timung Yesu gaw, ga hkaw mi muk n htan ya wu ai.

KASA 8:32

Shi hti ai laika a ga gaw ndai rai nga ai, “Sat na matu sagu hpe zawn, shi hpe dun sa wa nu ai; Sagu kasha gaw mun rep ai wa a man e atsin sha nga ai zawn, Shi mung n shaga ai sha nga ai.

1 PETRU 2:23

Shi aroi arip hkrum yang, bai roi htang ai n rai; nni nkri hkrum yang, ahkrim nga ai n re ai sha, dingman ai hku dawdan ai wa a lata hta e, shi a hkum hpe ap da nu ai.