MAHTE 26:74 - Jinghpaw Hanson Version Bible

⁷⁴ Dai rai nna, shi dagam nna matsa mawa ga hte, “Dai wa hpe ngai n chye nngai,” ngu mu ai: shaloi jang, u goi sai.

Jinghpaw Common Language Bible 2009

⁷⁴ Shaloi Petru gaw, “Ngai teng man ai lam tsun nga nngai, ngu nna ngai dagam nngai! Dai n rai yang, Karai Kasang ngai hpe ari jaw u ga! Dai masha hpe ngai n chye nngai!,” ngu mu ai. Shaloi jang u goi sai.

MAHTE 26:74 ပူးပေါင်းရင်းမြစ်များ

MAHTE 10:28

Hkum tsawp hpe sha sat kau nna, myit masin hpe n sat kau lu ai ni hpe hkum hkrit mu: myit masin hte hpawn hkum tsawp hpe ngarai mung hta e jahten kau lu ai wa hpe grau nna hkrit nga mu.

MAHTE 26:34

Yesu mahtang, “Nang hpe ngai teng teng tsun de ga, dai na u garai n goi yang, nang ngai hpe masum lang nyet kau na rin dai, ngu nna shi hpe tsun wu ai.

MAHTE 26:73

Dai hpang gade n na yang, dai yang e tsap nga ai ni gaw sit sa wa nna, “Gaja wa nang mung, shanhte hta lawm nga ndai: na a ga mung nang hpe shadan da ndai,” ngu nna Petru hpe tsun mu ai.

MAHTE 26:75

Dai rai nna, Petru gaw, ‘U garai n goi yang, nang ngai hpe masum lang nyet kau na rin dai,’ nga nna Yesu tsun ai ga hpe dum dat wu ai: shaloi shi gaw shinggan de pru nna ja ja hkrap nga ai.

MAHTE 27:25

Dai rai nna dai masha nlang hte gaw, Shi a asai anhte a ntsa e mung, anhte a shu sha ni a ntsa e mung mara nga mali ga, nga nna htan ma ai.

MARKU 14:30

Yesu mahtang, “Nang hpe ngai teng teng tsun de ga, Dai na pyi, u lahkawng lang garai n goi yang, nang ngai hpe masum lang nyet kau na rin dai,” ngu wu ai.

MARKU 14:68

Shi mahtang nyet kau ai hte, “Nang tsun ai ga hpe ngai n chye n dum se ai,” ngu wu ai: dai hpang, nta jan de shi pru sa mat wa ai.

LUKA 22:60

Petru gaw, “La nang e, nang tsun ai lam ngai n chye nngai,” ngu wu ai. Shing nga naw tsun nga yang, u goi shayan ra ai.

YAWHAN 18:27

Dai majaw Petru bai nyet kau wu ai: dai shaloi jang u goi ra ai.

ROMA 9:3

Kaning rai nme law, nye a amyu baw re ai, nye a hpunau ni a matu mara, ngai hkum dai Hkristu hte hka nna dagam dala hkrum na hpe, hkam mayu hkra rai nga nngai:

1 KORINHTU 16:22

Marai langai ngai dai Madu hpe n tsaw n ra a yang gaw shi dagam dala hkrum u ga. Dai Madu du ru ga.

SHINGRAN 3:19

Ngai tsaw matsaw kadai hpe mung, ngai mara madun nna daru sharin ga nngai. Dai re ai majaw, dum hprang let nga u, myit malai lu u.

TARA AGYI 17:2

Shi gaw kanu hpe, “Nu e, na gumhpraw hkying me latsa mat nna, dai hpe dagam kau sai nga nna, ngai e mung tsun dan ai gumhpraw dai, ngai kaw rai nga ai; ngai la kau we ai,” ngu nna tsun wu yang, kanu gaw, “Ngai sha e, Yehowa nang hpe shaman ya nit ga,” ngu wu ai.

TARA AGYI 21:18

Rai timung, Israela masha ni mahtang, Kadai wa Ben-yamin masha hpe tinang a shayi sha ya sha yang, dai wa gaw dagam dala hkrum u ga, nga nna dagam kau sai majaw, anhte mung tinang shayi sha ya lu ga ai n rai.