MAHTE 26:72 - Jinghpaw Hanson Version Bible

⁷² Bai, matsa mawa let, shi nyet kau nna, “Dai wa hpe ngai n chye nngai,” ngu wu ai.

Jinghpaw Common Language Bible 2009

⁷² Bai Petru gaw, “Dai masha wa hpe ngai n chye nngai,” ngu nna dagam wu ai.

MAHTE 26:72 ပူးပေါင်းရင်းမြစ်များ

PRU MAT 20:7

Na a Karai Kasang Yehowa a mying ningsang hpe kaman lila hkum gang hkum tsun et; kaning rai nme law, shi a mying ningsang kaman lila gang ai wa hpe, Yegowa mara n shagun ai, nga na wu ai n rai.

ESAIA 48:1

Yaku a dap nta na ni e, Israela ngu ai amying mying ai ni, Yuda hka hpawk kaw na pru ai ni; Yehowa a amying hta dagam nna, Israela Karai Kasang a mying gang timung, tengman ai hte dinghpring ai hku n hkan ai ni;

ZEHKARIA 8:17

nanhte hta kadai mung, tinang a htingbu wa hpe, n kaja ai hku hkum maw myit; n teng ai hku dagam ai hpe, hkum sharawng myit: kaning rai nme law, ndai lam mahkra hpe ngai n dawng nngai,” nga nna Yehowa tsun ai.

MALAHKI 3:5

Nanhte hpe tara dara na matu, ngai ni wa nna, shaba wawt ai ni, num shaw la shaw ai ni, masu lam dagam ai ni, nchyang shabrai n jaw ai zingri ai ni, gaida gaina hte chyahkrai nmai ni hpe zingri ai ni, malet nhprang manam hpe maw sha map sha ai ni hte, ngai hpe n hkrit hkungga ai ni a man e, larau ladau re ai sakse ngai tai na nngai, nga nna Zaw nawng zaw wa up ai Yehowa tsun ai.

MAHTE 26:71

Bai nta jan de pru wa yang, num kaga shi hpe mu nna, dai yang na ni hpe, “Ndai wa mung Nazaret na Yesu hte rau rai nga ai,” ngu mu ai.

MAHTE 26:73

Dai hpang gade n na yang, dai yang e tsap nga ai ni gaw sit sa wa nna, “Gaja wa nang mung, shanhte hta lawm nga ndai: na a ga mung nang hpe shadan da ndai,” ngu nna Petru hpe tsun mu ai.

MAHTE 26:74

Dai rai nna, shi dagam nna matsa mawa ga hte, “Dai wa hpe ngai n chye nngai,” ngu mu ai: shaloi jang, u goi sai.

LUKA 22:34

Yesu gaw, “Petru e, ngai nang hpe tsun de ga, Dai ni pyi, u garai n goi yang, nang ngai e n chye nngai, nga nna masum lang nyet kau na rin dai,” ngu wu ai.