MAHTE 26:45 - Jinghpaw Hanson Version Bible

⁴⁵ Dai hpang sape ni kaw shi bai nhtang wa nna, “Nanhte gaw naw yup pyaw nga nna asan apan rai nga myit hka! yu mu, dai ahkying ni wa magang nga ai rai nna, dai Masha Kasha gaw yubak kap ai ni a lata hta e, ap kau ai hkrum na ra ai.

Jinghpaw Common Language Bible 2009

⁴⁵ Dai hpang sape ni kaw shi bai nhtang wa nna, “Nanhte gaw naw yup pyaw nga nna hkring sa la nga myit ni? Yu mu! Dai ahkying ni wa magang ra ai rai nna dai Masha Kasha gaw yubak kap ai ni a lata hta e, ap kau ai hkrum na ra ai.

MAHTE 26:45 ပူးပေါင်းရင်းမြစ်များ

1 HKAWHKAM 18:27

Ya jan pungding e rai jang Elia gaw, “Aja awa jahtau yu mu; shi gaw Hpara rai nga ai hka; myit sumru yu nga ai nhten, shing n rai lama ma hkan tam sa ai; lam hkawm nga ai nhten, shing n rai yup pyaw nga nna jasu ra ai,” ngu nna shanhte hpe asawng mu ai.

HPAJI NINGLI 11:9

Shabrang wa e, na a brang ram prat e kabu gara nga u; brang ram aten e na a myit masin ngwipyaw nga nna, nang myit sharawng awng ai hte, na a myi madun ai de, hkan sa u; rai timung, dai lam yawng mayawng a matu, Karai Kasang nang hpe tara dara na ra ai, adum nga u.

MAHTE 26:18

Shi gaw, Dai mare hta na masha langai mi kaw sa nna, “Sara tsun dat mi ai gaw, Nye a ahkying ni wa sai: na a nta e nye a sape ni hte rau, dai Shalai wa ai poi hpe ngai sha na nngai, ngu nna shi hpe tsun mu,” ngu dat wu ai.

MAHTE 26:2

“Ni ni lai jang dai Shalai wa ai poi du na ra ai, nanhte chye nga myit dai rai nna, Masha Kasha hpe wudang hta e jen da na matu, ap kau ai hkrum na ra ai,” ngu wu ai.

MAHTE 26:44

Bai shi shanhte hpe kau da nhtawm, shawng na ga hte maren masum lang ningdaw hpyi wu ai.

MAHTE 26:46

Rawt mu, anhte sa wa saga: yu mu, ngai hpe ap kau na wa gaw ni wa ra ai,” ngu nna shanhte hpe tsun mu ai.

MARKU 14:35

Shaloi, dai yang na shi loi mi lai sa nna, ga de gum dagup let, dai ahkying ladaw shi hta shalai lu taw gaw shalai kau na, nga nna,

LUKA 22:53

Nawku Htingnu e shani shagu nanhte hte rau nga nga yang, ngai hpe rim la na nanhte n htim yu manit dai; rai timung, ndai ahkying gaw nanhte a ahkying rai nga ai hte, nsin a ahkang hpung ja ai mung rai nga ai,” ngu mu ai.

YAWHAN 12:23

Dai rai nna Yesu gaw, “Masha Kasha a hpung shingkang dan hkung na ahkying du wa ra ai:

YAWHAN 12:27

“Ya ngai myit ru nga nngai: ngai kaning ngu tsun na i? ‘Wa e, ndai ahkying hta na ngai hpe hkye hkrang la e:’ ning ngu yang mung ndai lam a majaw she, ndai ahkying de ngai du wa ni ai:

YAWHAN 13:1

Ya dai Shalai wa ai poi garai n du yang, Yesu gaw ndai mungkan ga nna, shi a Kawa hpang de htawt wa na ahkying du wa sai, chye wu ai rai nna, mungkan ga e nga ai shi a masha ni hpe tsawra nga ai re ai hte maren, jahtum nhtoi du hkra shanhte hpe tsawra mu ai.

YAWHAN 17:1

Dai lam ni Yesu tsun nga ninglen, lamu de mada yu nna, “Wa e, nye ahkying du sali ai: ngai nsha wa a lata de nang ap ya ai yawng mayawng hpe shi htani htana asak jaw nga u ga, hkrung mahkrung a ntsa e up ai ahkang aya nang shi hpe jaw nit dai hte maren,