MAHTE 26:39 - Jinghpaw Hanson Version Bible

³⁹ Shaloi dai yang na shi loi mi lai sa nhtawm, ga de myi man gum dagup let akyu hpyi nna, “Wa e, ndai gawm hpe ngai kaw na shalai kau lu yang gaw, shalai kau ya e; rai timung, nye a myit n rai, na a myit she rai u ga,” ngu nna tsun wu ai.

Jinghpaw Common Language Bible 2009

³⁹ Shaloi, dai yang na shi loi mi lai sa nhtawm, ga de myi man gum dagup let akyu hpyi wu ai gaw, “Wa e, ndai n ni n kri ngu ai gawm hpe ngai kaw na shalai kau lu yang gaw, shalai kau ya e! Rai ti mung nye a myit n rai, na a myit she rai u ga,” ngu nna tsun wu ai.

MAHTE 26:39 ပူးပေါင်းရင်းမြစ်များ

NINGPAWT NINGHPANG 17:3

Dai majaw Abram gaw shi a man e dingnyawm dagup nga ai rai nna, Karai Kasang shi hpe bai tsun wu ai gaw, “Yu u, ngai nan nye a ga shaka hpe nang hte shagrin da se ai rai nna, nang gaw masha amyu baw law law a kawa rai na nit dai.

2 SAMUELA 15:26

shing n rai, ‘Nang hpe ngai n ra sade ai,’ nga yang gaw, rai sa, nga nga nngai, shi ra ai hku ngai e di ru ga,” ngu nna tsun wu ai.

1 HKAWHKAM LABAU 21:16

Dawi mada yu yang, Yehowa a lamu kasa gaw Yerusalem ntsa e nhtu shada let, lamu hte aga lapran e tsap nga ai hpe mu wu ai. Dai rai nna Dawi hte agyi salang ni gaw lachyit nba bu hpun let, ga hta gum dagup nga ma ai.

ESAIA 50:5

Madu Yehowa gaw nye a na hpe hpaw ya nna, ngai mung lale kau ai hte, kanut mat wa ai n rai.

ESAIA 53:12

Dai re ai majaw ngai gaw, daru magam rawng ai ni hte rau, shi hpe kamhtaw karan jaw nna, shi gaw n-gun atsam rawng ai ni hte rau, lanep karan na ra ai: kaning rai nme law, shi gaw si du hkra shi a myit masin hpe ru kau nna, tara tawt lai ai ni hta hti lawm nga ai: rai timung shi gaw; masha law law a yubak hpe gun hpai nna, tara tawt lai ai ni a matu mara htinglu htinglai ya ai.

EZEKELA 1:28

Shing rai grup yin htoi kabrim ai gaw, marang htu ai shani e sumwi ni hta dan ai n-goilatum hte bung nga ai. Da ndai gaw, Yehowa a hpung shingkang dan hkung ai ahpraw nsam rai nga ai. Dai shingran hpe mu yang, ngai gum dagup nngai; shaloi ngai hpe shaga ai nsen ngai na nngai.

BU HKAWM 14:5

Dai rai nna Mawshe yan Arun gaw Israela kashu kasha ni a shawa hpung nlang a man e dingnyawm dagup nna nga ma ai.

BU HKAWM 16:22

Shan chyawm gaw dingnyawm dagup let, “Karai Wa e, hkrung mahkrung a asak sumri shum ai Karai Kasang e, masha langai mi shut ai a majaw sha shawa hpung ting hpe masin pawt nga wu ni?” ngu nna hpyi nem mu ai.

MAHTE 20:22

Yesu gaw, “Nanhte hpa hpyi nga ai hpe, nanhte n chye myit dai; ngai lu magang nga ai gawm hpe, nanhte lu lu na rai nga myit ni?” ngu nna htan wu ai. Shanhte gaw, “Anhte rai lu na ga ai,” ngu mu ai.

MAHTE 24:24

Kaning rai nme law, masu ai Hkristu hte rai timung, masu ai myihtoi hte rai timung paw pru nna, lata la sai ni hpe pyi shadam lu yang, shadam kau lu hkra lamik kumla hte mauhpa amu kaba madun dan na ra ai.

MAHTE 26:42

Lang mi bai bat nna, “Wa e ngai dai hpe n lu ai sha, ngai kaw na n shalai kau lu yang gaw, na a myit dik lit ga law,” ngu nna akyu hpyi nga ai.

MARKU 13:22

Kaning rai nme law, masu ai Hkristu hte rai timung, masu ai myihtoi hte rai timung, paw pru nna, lata la ai ni hpe shadam lu yang, shadam lu hkra, lamik kumla hte mauhpa amu shachyen na mara ai.

LUKA 17:16

Yesu a lagaw nhpang e dingnyawm dagup nna, shi a chyeju hpe shakawn ya wu ai: dai wa gaw Samari masha rai nga ai.

YAWHAN 11:41

Dai rai nna nlung dai hpe shanhte galau kau mu ai. Shaloi Yesu gaw lamu de mada yu nna, “Wa e, nang nye a ga madat ya ndai majaw, ngai nang hpe shakawn nngai law.

YAWHAN 14:31

rai timung, ngai nye a Wa hpe tsawra nga nngai gaw, mungkan ga chye lu na hte, nye Wa e ngai hpe matsun jaw dat ai hte maren she, ngai galaw nga nngai. Rawt mu, dai yang nna sa wa saga.

YAWHAN 18:11

Dai re ai majaw Yesu gaw, “Na a nhtu dai hpe n-ga hta shawn bang kau u: nye Wa ngai e jaw ai gawm hpe ngai n lu na rai ni?” ngu nna Petru hpe tsun wu ai.

YAWHAN 5:19

Dai re ai majaw Yesu gaw, “Ngai nanhte hpe gaja wa teng teng tsun made ga, Kasha gaw tinang a myit hte hpa mung n galaw lu ai; Kawa galaw ai lam mu mamu hpe sha hkan galaw lu ai: Kawa galaw ai lam shagu, Kasha mung hkan galaw lu na rai nga ai.

YAWHAN 5:30

Ngai gaw nye a myit hte hpa amu mung n galaw lu nngai: ngai gaw na ai hte maren sha jeyang nngai; nye a jeyang ai hku mung dingman li ai: kaning rai nme law, ngai gaw nye myit hku hkan na n tam nngai, ngai e shangun dat ai wa a myit hku hkan na she tam nngai.

YAWHAN 6:38

Kaning rai nme law, sumsing lamu nna ngai yu sa ai gaw, nye a myit hkan na ngu, yu sa nngai n rai, ngai hpe shangun dat ai wa a myit hkan na she, yu sa ai rai nngai.

KASA 10:25

Ya, Petru shang wa jang, Korneli gaw hkap tau let, shi a lagaw nhpang e dingnyawm nawku wu ai.

HPILIPI 2:8

shing rai, masha a gawng shing-yan lang let shi hkum hpe shi shagrit kau nna, si ai du hkra madat mara nga ai, gaja wa, wudang hta si ai du hkra madat mara nga ai.

HEBRE 5:7

Dai hkinjawng wa gaw, dinghta hkum shan hte naw pra nga ai nhtoi hte hta, si ai kaw na shi hpe mawai la lu ai wa kaw, akyu hpyi ai ga hte tawngban ai ga hpe, hkrap ngu hkrap ngoi nna myi prwi law law hte nawng ya ngut yang, shi a hkum tsup ai myit majaw hkap madat la ya ai hkrum nhtawm,

SHINGRAN 19:10

Shaloi, ngai shi hpe nawku na nga, shi a lagaw nhpang e dingnyawm dagup nngai. Shi gaw, “Shing hkum rai et: ngai gaw Yesu a sakse ga gun hpai ai na a mung, na a kahpu kanau ni a mung, shangun ma manang shada she rai nngai: Karai Kasang hpe nawku u: kaning rai nme law, Yesu a lam sakse hkam ai gaw, myihtoi htoi ai wenyi a myit hku rai nga ai,” nga nna ngai hpe ginhtim tsun ai.