MAHTE 26:15 - Jinghpaw Hanson Version Bible

¹⁵ “Ngai nanhte a lata hta e shi hpe ap ya jang, ngai hpe gade jaw na myit ta?” ngu wu ai. Dai rai nna shanhte gaw gumhpraw lap sumshi, shi e shen ya mu ai.

Jinghpaw Common Language Bible 2009

¹⁵ “Ngai nanhte a lata hta Yesu hpe ap ya jang, ngai hpe gade jaw na myit ta?,” ngu nna san mu ai. Dai rai nna shanhte gaw gumhpraw lap sumshi hti ya mu ai.

MAHTE 26:15 ပူးပေါင်းရင်းမြစ်များ

NINGPAWT NINGHPANG 38:16

Shaloi shi lam she sa nna shi kaw sit nhtawm, Nang kaw shang n ga law, ngu wu ai: dai num shi a kanam gaw, Nang ngai kaw shang na gaw ngai hpe hpa jaw na n ta? ngu wu ai.

PRU MAT 21:32

Masha wa mayam num mayam la hpe daru sat ya wu yang gaw, shi a madu hpe shekela gumhpraw sumshi wa lu na rai wu ai: nga dai hpe mung nlung hte kabai sat kau na rai mu ai.

ESAIA 56:11

Ndai gwi ni gaw lawhpa myit rawng nna, n hkru hkraw ma ai: ndai ni gaw nyan n rawng ai sagu rem ai ni rai nga ma ai; shanhte yawng lam yit nna, langai hte langai tinang akyu hkrai hkan shachyut ma ai:

JAW JAU 27:4

numsha rai yang gaw, shekela sumshi manu tawn na rai ndai.

MAHTE 10:4

Kanan masha Simun hte shi hpe ap kau ai Yuda Iskarut hte rai ma ai.

MAHTE 26:16

Dai kaw nna shi hpe ap ya na mai ang ai ginwan shi tam nga ai.

KASA 1:18

(Dai wa gaw n ding n man ai hku na shabrai hte ga dachyawk langai mi lu la nna, nhtang chyaw di hkrat si ai hte kan ga nna, shi a pu nlang ayai mat salu ai.

1 TIMOHTI 3:3

chyaru len ai wa hte anu ajin re ai wa mung n re ai sha, sumnung ai, ga law ga la ai myit n rawng ai, aja gumhpraw n tsaw ai hte,

2 PETRU 2:3

Shanhte gaw lawhpa ai myit hkan let, hkalem ai ga hte nanhte hpe hpaga ga na marin dai: shanhte hpe dawdan na ari chyawm gaw, moi chyaloi nhkoi kaw nna n lanyan ai hte, shanhte hkrum sha na tsin-yam tsindam gaw gaungwi gausi yup shamwi nga ai n rai.

TARA AGYI 16:5

Shaloi Hpilisti du ni gaw num dai hpang de sa nna, “Samson a n-gun kaba gaw hpa hta madung ai kun; shi hpe gyit nna dip lu hkra kaning di yang dang na kun, shi hpe abawk nna sagawn yu u: anhte langai hte langai nang hpe gumhpraw hkying mi latsa tsa jaw na ga ai,” ngu nna tsun mu ai.

TARA AGYI 17:10

Mihka mung, “Ngai kaw nga ga; nye a kawa, nye a hkinjawng tai u; ngai nang hpe gumhpraw shi, hpun palawng hte lusha jaw na de ai,” ngu nna saw wu ai. Dai re ai majaw, dai Lewi masha shang nga nga ai.