MAHTE 25:3 - Jinghpaw Hanson Version Bible

³ Kaning rai nme law, myit n su ai ni shanhte a pyengdin lang ma yang tinang a matu sau n lang ma ai:

Jinghpaw Common Language Bible 2009

³ Myit n su ai ni gaw, shanhte a pyengdin ni hpe lang ma yang, tinang a matu sau shajan n lang sa ma ai;

MAHTE 25:3 ပူးပေါင်းရင်းမြစ်များ

GA SHAGAWP 31:18

Shi dut kun rai manu hkru lu ai rai nna, Shi a pyengdin shana tup, htoi tu nga lu ai.

ESAIA 58:2

Rai timung shanhte gaw shani shagu ngai hpe hkan tam nna, nye a lam ni chye lu hkra, awng sharawng ma ai: dinghpring ai lam hkan nna, tinang Karai Kasang a ga matsun ni hpe hkan shatup ai amyu zawn, shanhte ngai kaw nna dinghpring ai tara lam hpyi let, Karai Kasang hpang de sit sa na, sharawng nga ma hka!

EZEKELA 33:3

dai wa gaw nhtu du ai hpe mu jang, pahtau dum nna, mung masha ni hpe shadum timung,

MAHTE 25:1

Dai shaloi e sumsing lamu a mungdan gaw, tinang a pyengdin lang nna, la nnan hpe hkap bawp la na pru sa wa ai mahkawn shi hte bung na ra ai.

MAHTE 25:2

Shanhte hta na manga gaw myit n su ma ai; manga mahtang gaw, myit su nga ma ai.

MAHTE 25:4

myit su ai ni mahtang, tinang a pyengdin hte rau, tau ni hta, sau mung lang nga ma ai.

2 TIMOHTI 3:5

shanhte gaw tara hkungga ai htung hkan ma timung, dai hte seng ai hpung shingkang hpe nyet kau ai ni rai nga ma ai: shing re ai ni hpe mung koi kau u.

HEBRE 12:15

Nanhte hta na langai ngai, Karai Kasang a chyeju hkam la ai hta n yet mat myit ga mung, nanhte hpe sharu shatsang lu hkra, hka la ai ru tu pru nna, law malaw hpe awu asin di kau ai n hkrum myit ga mung,

SHINGRAN 3:1

Bai, Sardi mare na Hpung a kasa hpe ning nga ka dat u: Karai Kasang a wenyi sanit hte shagan sanit hpe lang ai wa gaw, ning nga nga ai: Na a arawn alai ngai chye nga nngai; nang gaw asak hkrung ai wa ngu timung, nang chyasi rai nga ndai.