MAHTE 24:9 - Jinghpaw Hanson Version Bible

⁹ Dai ban e, shanhte gaw ru tsang ai de nanhte hpe ap ya nna, sat kau na marin dai; nye amying a majaw amyu baw shagu nanhte hpe n dawng n wawm na myit dai.

Jinghpaw Common Language Bible 2009

⁹ “Dai hpang masha ni gaw, nanhte hpe rim la nna ari jaw na hte sat kau na matu ahkang aya lu ai ni a lata de ap kau na marin dai. Nye a mying a majaw, masha amyu baw shagu nanhte hpe n dawng n wawm na mara ai.

MAHTE 24:9 ပူးပေါင်းရင်းမြစ်များ

GA SHAGAWP 29:27

Dinghpring ai ni gaw n hkru ai wa hpe, Tara n lang ai ni gaw, malang ai hku hkan ai wa hpe, matsat nga ma ai.

Daniela 11:33

Amyu masha ni hta nyan rawng ai ni gaw, masha law law hpe sharin achyin na mara ai: rai timung shanhte gaw nhtoi tsawmra na hkra, ri nhtu, wan nat ai, bawng dung ai hte kashun kashe hkrum na mara ai.

MAHTE 22:6

Naw nga ai ni mahtang gaw, shi a mayam ni hpe rim la nna, aroi arip di nhtawm, sat kau mu ai.

MAHTE 23:34

Dai rai nna, yu mu, myihtoi ni, hpaji rawng ai ni hte, laika ka ai sara ni hpe, ngai nanhte hpang de shangun dat mawe ai rai nna, shanhte hta na nkau mi hpe nanhte sat kau nna wudang hta jen da na hte, nkau mi hpe nanhte a tara jawng ni hta anu kayat di nna, mare mi hte mare mi de zingri zingrat di na maru ai:

LUKA 11:49

Dai re ai majaw, Karai Kasang a hpaji byeng-ya tsun ai gaw, Myihtoi hte kasa hpe ngai shanhte hpang de shangun dat na we ai rai nna, dai ni hta na nkau mi hpe shanhte sat kau ai hte di nna, zingri zingrat na maru ai:

LUKA 21:12

Rai timung, dai lam yawng garai n byin yang, masha ni gaw nanhte hpe rim la nna, zingri zingrat di nhtawm, tara jawng ni hte htawng ni hta ap kau na myit dai hte, nye a amying majaw hkawhkam ni hte du ni kaw sa bang kau ai hkrum na marin dai.

YAWHAN 15:18

“Mungkan masha ni nanhte hpe n dawng n yawt myit yang, nanhte hpe garai n rai yang, ngai hpe shawng n dawng ma ai gaw, chye nga mu.

YAWHAN 15:21

Rai timung shanhte gaw nye amying a majaw, dai lam yawng nanhte hpe di na mara ai: kaning rai nme law, ngai e shangun dat ai wa hpe shanhte n chye ma ai.

YAWHAN 16:2

Shanhte gaw tara jawng ni hta nna, nanhte hpe shapraw kau na mara ai: gaja wa nan, nanhte hpe sat kau lu ai wa kadai mung, Karai Kasang a magam hpe gun hpai nngai, nga nna myit la ai aten du wa ra ai.

KASA 28:22

Rai timung, ndai hka bra Hpung gaw, shara shagu hkan e ndang kau hkrum ai lam rai nga ai hpe, anhte chye ga ai majaw, nang myit ai hku mung anhte na mayu ga ai,” ngu nna htan mu ai.

KASA 7:59

Shing rai kabai nga ma yang Stehpan gaw akyu hpyi let, “Madu Yesu e, nye a wenyi hkap la ya e,” nga ai.

1 PETRU 4:16

rai timung, Hkristu sape rai nga ai majaw nni nkri hkrum a yang gaw, shi kaya kahpa n dum ai sha, dai amying nsang hta e, Karai Kasang hpe shagrau shatsaw nga u ga.

SHINGRAN 2:10

Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.

SHINGRAN 2:13

Nang de nga ai shara ngai chye nga nngai; Satan a tingnyang dung nga ai shara e nang de nga ndai. Nye a mying nsang hpe nang manoi nga ndai rai nna, Satan de nga ai shara e ngu ai, nanhte a ka-ang e, nye a kangka re ai sakse wa Antipa sat kau hkrum ai nhtoi hte hta pyi, nye a makam masham lam hpe nang n nyet kau ndai.

SHINGRAN 7:14

Ngai gaw, Nye a Madu e, nang chye nga ndai, ngu nna shi hpe htan we ai. Shaloi shi gaw, Dai ni gaw, dai ru tsang kaba kata na hkrang pru wa nna, tinang a hpun palawng hpe Sagu Kasha a asai hta hkrut jahpraw la ai ni rai nga ma ai.