MAHTE 24:27 - Jinghpaw Hanson Version Bible

²⁷ Kaning rai nme law, myihprap gaw sinpraw maga de gala nna, sinna maga du hkra htoi pru ai hte maren, dai Masha Kasha a bai du ai gaw rai na ra ai.

Jinghpaw Common Language Bible 2009

²⁷ Hpa majaw nga yang, sinpraw maga kaw nna sinna maga du hkra lamu ting hpe htoi shangun ai myihprap gala ai zawn dai Masha Kasha du sa na ra ai.

MAHTE 24:27 ပူးပေါင်းရင်းမြစ်များ

YOBA 37:3

Shi dai hpe sumsing lamu npu ting shabra dat nna, lamu ga jarit htum hkra, shi a myihprap gala nga ai.

YOBA 38:35

Myihprap ni hpe nang kala dat shangun lu nna, dai ni gaw, anhte nga nga ga ai, nga nna tsun let sa wa na ma ni?

ESAIA 30:30

Yehowa mung shi a daru magam nsen dat dat nna, pawt sindawng ai, wan hkru ai, nbung bung ai, laru ru ai, sin marang hte shi a lahpum shada na ra ai.

EZEKELA 1:14

Dai dusat ni gaw, myihprap gala ai zawn gat sa nna nhtang wa ma ai.

ZEHKARIA 9:14

Yehowa gaw, shanhte a ntsa e dan pru nna, shi a pala gaw, myihprap zawn pru na ra ai: Madu Yehowa gaw pahtau dum nna, dingda mung na bungsha hte, sa wa na ra ai.

MALAHKI 3:2

Rai timung, shi du ai nhtoi hpe, kadai hkam sharang lu na rai ta? shi paw pru yang, kadai tsap nga lu na rai ta? kaning rai nme law, shi gaw janghkam wa a wan hte, rai hkrut ai wa a sabya zawn, rai nga ai:

MALAHKI 4:5

Yu mu, galu kaba ai hte, hkrithpa re ai, Yehowa a nhtoi garai n du yang, ngai nanhte hpang de myihtoi Elia hpe shangun dat na nngai.

MAHTE 16:27

Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

MAHTE 16:28

Ngai nang hpe teng teng tsun made ga, nang e tsap nga ai ni nkau mi, dai Masha Kasha gaw shi a mungdan hta du wa ai hpe, garai n mu mu gaw, si ai n hkrum na ma ai,” ngu mu ai.

MAHTE 24:26

Dai rai nna shanhte gaw, Yu mu, nam mali hkan e shi rai nga ai, nga nna tsun ma timung, nanhte hkum sa pru myit; bai gawk kata hkan e shi rai nga ai, nga ma timung, hkum kam myit.

MAHTE 24:3

Shaloi, Tsanlun bum ntsa e dung nga yang, shi a sape ni hkrai shi kaw sit sa nna, “Dai hte gaw galoi e me byin wa na ra ta? nang bai du na hte mungkan ga a htum wa na kumla gaw, hpa kumla rai na ra ta? anhte hpe tsun dan mi,” ngu mu ai.

MAHTE 24:37

Bai, Noa a ban e rai nga ai hte maren, Masha Kasha a bai sa du ai hta e rai wa na ra ai.

MAHTE 24:39

shanhte n dum shami nga nga ma ai hte maren, dai Masha Kasha a bai sa du ai hta mung, rai wa na ra ai.

MAHTE 24:44

Dai rai nna nanhte mung chyip chyip rai nga mu: kaning rai nme law, nanhte n dum n mi re ai ahkying hta e, dai Masha Kasha du wa na ra ai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u yup lu ma ai; dai Masha Kasha chyawm gaw baw tawn na shara pyi n lu nga ai,” shi hpe ngu wu ai.

YAKU 5:8

Nanhte mung shakut sharang nga mu; dai Madu a bai du na gaw ni wa magang ra ai majaw, nanhte a myit hpe shangang shakang da mu.

2 PETRU 3:4

Ji wa ni yup lai mat wa ai kaw nna, lamu ga nnan lat da ai aten hta na, nga yawng nga pra nga nga ai hte maren, ya e mung a rai nga ai, nga nna du na ra ai jahpoi ai ni tsun pru na mara ai hpe, shawng e chye nga mu.