MAHTE 24:13 - Jinghpaw Hanson Version Bible

¹³ rai timung, jahtum du hkra shakut sharang ai wa gaw, hkye hkrang la ai hkrum na ra ai.

Jinghpaw Common Language Bible 2009

¹³ Rai ti mung jahtum du hkra shakut sharang ai wa gaw hkye hkrang la ai hkrum na ra ai.

MAHTE 24:13 ပူးပေါင်းရင်းမြစ်များ

MAHTE 10:22

Nye a amying majaw masha nlang hte gaw nanhte hpe n dawng n wawm na myit dai: rai timung, htum hkra shakut sharang ai wa gaw, hkye hkrang la ai hkrum na ra ai.

MAHTE 24:12

Tara tawt lai ai amu law wa na majaw, masha law law a tsawra ai myit kawp mat na ra ai:

MAHTE 24:6

Hpyen gasat ai hte majan law wa na shiga nanhte na lu na maru ai; rai timung, nanhte myit n ru myit ga, sadi dung nga mu: kaning rai nme law, dai re ai ni gaw, byin lu na ra ai rai timung, dai jahtum ai gaw garai n rai nga ai.

MARKU 13:13

Nye a amying majaw masha nlang hte a n dawng n yawt ai nanhte hkrum na marin dai; jahtum du hkra shakut sharang ai wa chyawm gaw, hkye hkrang la ai hkrum na ra ai.

LUKA 21:19

Nanhte gaw hkam sharang ai hte asak wenyi jahkrung la lu na marin dai.

LUKA 8:15

Ga kaja hta hkrat ai nli chyawm gaw, dai mungga hpe kangka rai nna kaja ai myit hte madat la ngut jang, lashum lanoi rai nna hkam sharang ai myit hte asi si ai ni rai ma ai.

ROMA 2:7

kaja ai bungli galaw let, shakut sharang nna hpung shingkang ma, arawng sadang ma, n hten n mat ai ma, tam ai ni hpe, htani htana asak jaw na ra ai;

1 KORINHTU 1:8

anhte a Madu Yesu Hkristu a nhtoi e mung, mara shagun shara n nga hkra, shi nanhte hpe shangang shakang na marin dai.

HEBRE 10:39

Anhte chyawm gaw hten byak ai de sit kanut wa ai ni n rai; myit masin hpe hkye hkrang la lu hkra, makam masham rawng ai ni gaw, anhte rai nga ga ai.

HEBRE 3:14

kaning rai nme law, anhte a myit maju jung ai a npawt nhpang hta, jahtum nhtoi du hkra ngang ngang manat nga ga yang gaw, Hkristu hte jawm hpawng ai ni anhte rai nga ga ai.

HEBRE 3:6

anhte mung, anhte a nden ja ai lam hte myit mada ai lam a gumrawng shara hpe, jahtum nhtoi du hkra ngang ngang manat nga ga yang gaw, dai nta nan rai nga ga ai.

SHINGRAN 2:10

Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.