MAHTE 23:9 - Jinghpaw Hanson Version Bible

⁹ Nanhte gaw, ga ntsa e kadai hpe mung, ‘Wa e,’ hkum nga myit: nanhte a Nwa gaw sumsing lamu na Wa hkrai rai nga ai.

Jinghpaw Common Language Bible 2009

⁹ Nanhte gaw ndai ga ntsa e kadai hpe mung, ‘Wa e’ hkum nga myit, hpa majaw nga yang, nanhte hta sumsing lamu na Kawa langai hkrai sha lu myit dai.

MAHTE 23:9 ပူးပေါင်းရင်းမြစ်များ

2 HKAWHKAM 13:14

Ya Elisha gaw si machyi hkrum nga yang, Israela hkawhkam Yehoasha gaw sa du nna shi a man e hkrap let, “Nye wa e, nye wa e, Israela hpyen leng hte, de a gumra jawn ai ni re a hka!” ngu wu ai.

2 HKAWHKAM 2:12

Elisha gaw dai hpe mu nna, “Nye a wa e, nye a wa e, Israela hpyen leng hte de a gumra jawn ai ni re a hka!” nga nna jahtau timung, htawm hpang de shi hpe bai n mu lu nu ai: Elisha mung shi a hpun palawng hpe daw lahkawng di nna, gang je kau wu ai.

2 HKAWHKAM 6:21

Israela hkawhkam shanhte hpe mada mu jang, shi gaw, Elisha hpe, “Nye wa e, ngai shanhte hpe sat kau na rai kun? Sat kau na rai kun?” Ngu nna san wu ai.

MALAHKI 1:6

Kasha gaw kawa hpe, mayam gaw madu hpe, hkungga ga ai: ngai kawa rai yang, ngai hpe hkungga ai, kanang? Ngai madu rai yang, ngai hpe hkrit ai, kanang? Nga nna Zaw nawng zaw wa up ai Yehowa gaw, nye a amying hpe nhpu nru di ai hkinjawng ni hpe, san nga ai. Nanhte mahtang, Na a amying hpe anhte kaning rai nhpu nru di ga ta? nga nna bai htan myit dai.

MAHTE 23:10

Bai, Agyi wa nga nna shamying na hpe hkum ra myit: nanhte a Agyi wa gaw Hkristu ngu ai wa sha rai nga ai.

MAHTE 6:32

kaning rai nme law, tara maigan ni dai nlang hte hpe tam nga ma ai: dai yawng mayawng hte hpe nanhte ra nga myit dai gaw, sumsing lamu na nanhte a Kawa gaw chye nga ai.

MAHTE 7:11

Dai rai nna, nanhte pyi n hkru nga myit dai mi, tinang a kasha ni hpe kaja ai kumhpa chye jaw myit yang gaw, dai hta grau n-ga, sumsing lamu na nanhte a Kawa gaw, shi hpe hpyi ai ni hpe kaja ai kumhpa jaw na n rai hka!

KASA 22:1

“Hpunau ni hte Wa ni e, nanhte a man e ngai mara raw ai ga, madat mara ya mi,” ngu wu ai.

1 KORINHTU 4:15

Kaning rai nme law, Hkristu a lam sharin achyin ai sara mun mi dang nanhte lu myit timung, kawa law law wa n nga malit dai; dai kabu gara shiga jaw e, ngai nanhte hpe Hkristu Yesu hta e shaprat dat made ai.

2 KORINHTU 6:18

Nanhte a Kawa ngai tai na nngai rai nna, Nanhte gaw nye a shadang sha ni hte shayi sha ni tai na marin dai, nga nna chyahtum chyalai n-gun rawng ai Madu gaw a tsun nga ai.

HEBRE 12:9

Bai lam mi gaw, anhte hpe daru sharin ya na matu, hkum shan hte seng ai kanu kawa anhte lu ga ai rai nna, anhte shanhte hpe hkungga lara di ga ai: dai hta grau nna, asak hkrung nga lu hkra, wenyi ni a Kawa npu e anhte mai taw nga ga ai, n rai ni?

1 YAWHAN 3:1

Yu mu, Karai Kasang a kashu kasha ni anhte hpe ngu shamying mi ai majaw, dai Kawa gaw anhte hpe kade wa tsawra da mi hka: shi a kashu kasha ni mung anhte rai nga ga ai. Dai rai nna, mungkan ga gaw shi hpe n chye wu ai majaw, anhte hpe mung n chye mi ai.