MAHTE 23:8 - Jinghpaw Hanson Version Bible

⁸ Nanhte mahtang gaw, ‘Rabai,’ ngu nna shamying na hpe hkum ra myit: nanhte a Sara gaw langai sha rai nga ai rai nna, nanhte yawng kahpu kanau ni rai nga myit dai.

Jinghpaw Common Language Bible 2009

⁸ Nanhte mahtang ‘Sara e’ ngu nna shamying na hpe hkum ra myit: hpa majaw nga yang, nanhte a sara gaw langai sha rai nga ai rai nna, nanhte yawng kahpu kanau ni rai nga myit dai.

MAHTE 23:8 ပူးပေါင်းရင်းမြစ်များ

MAHTE 10:25

Sape gaw shi a sara zawn, mayam gaw shi a madu zawn rai nga yang gaw, ram nga ai: shanhte gaw nta madu wa hpe Bezebula ngu mu yang gaw, shi a nta na ni hpe, shing grau ngu na mu ai, n rai hka!

MAHTE 17:5

Dai ga shi naw tsun nga yang, yu mu, htoi tu ai sumwi gaw shanhte hpe ka-up mu ai hte dai sumwi hta na nsen pru nna, “Ndai wa gaw ngai sharawng awng ai, ngai tsawra ai ngai Sha rai nga ai: shi a ga madat mara mu,” nga ai.

MAHTE 23:10

Bai, Agyi wa nga nna shamying na hpe hkum ra myit: nanhte a Agyi wa gaw Hkristu ngu ai wa sha rai nga ai.

MAHTE 23:7

masha ni, ‘Rabai e,’ ngu nna shamying na hpe, shanhte sharawng la ma ai.

MAHTE 26:25

Shaloi shi hpe ap kau na Yuda mung htan nna, “Rabai e, ngai rai nga n ni?” ngu nna san yang, Yesu gaw, Nang tsun ai hte maren rai nga ai, ngu nna shi hpe tsun wu ai.

MAHTE 26:49

Shaloi shi Yesu kaw hkre rai sa nna, Rabai e, a nga n ga,” ngu nna shi hpe pup wu ai.

MARKU 10:51

Shaloi Yesu shi hpe ga tsun nna, “Ngai nang hpe hpa di ya na, nang ra n ta?” ngu wu ai. Myi kyaw ai wa gaw, “Rabunai e, nye myi mu li ga law,” ngu nna shi hpe tsun wu ai.

MARKU 11:21

Dai rai nna, Petru shadum let, “Rabai e, yu u, nang dagam kau ai maihpang hpun gaw hkraw mat sahka!” ngu nna shi hpe tsun wu ai.

MARKU 14:45

Dai rai nna du ai shaloi jang, shi Yesu kaw hkre rai sa nna, “Rabai e,” ngu nna shi hpe pup wu ai.

MARKU 9:5

Shaloi Petru Yesu hpe, “Rabai e, ndai yang e nga na, anhte a matu mai nga ai: nang e sum masum, na a matu langai mi, Mawshe a matu langai mi, Elia a matu langai mi, anhte gap ga,” ngu nna tsun wu ai.

LUKA 22:32

rai timung na a kamsham ai myit n hten lit ga, ngu nna na a matu ngai akyu hpyi da ni ai; nang bai kayin dum yang, na nhpu nnau ni hpe shangang shakang ya u,” ngu wu ai.

YAWHAN 1:38

Yesu gaw kayin yu nna, dai yan hkan sa ai hpe mu wu yang, “Nan hpa tam myit ta?” ngu nna hkap san mu ai. Shan gaw, “Rabai e, nang kanang nga n ta?” ngu nna shi hpe nhtang san mu ai: (Rabai ngu ai ga lachyum gaw, Sara nga ai, rai nga ai.)

YAWHAN 1:49

Nahtanela gaw, “Rabai e, nang gaw Karai Kasang a Kasha rai nga ndai; Israela masha ni a hkawhkam nang rai nga ndai,” ngu nna shi hpe htan wu ai.

YAWHAN 11:8

Shaloi sape ni gaw, “Rabai e, Yuda masha ni ya pyi nang hpe nlung hte kabai sat na tam nga ma yang me, dai de naw bai sa na nni?” ngu mu ai.

YAWHAN 20:16

Shaloi Yesu gaw, “Mari e,” ngu nna shaga wu ai. Shi mung kayin let, “Raboni,” ngu nna Hebre ga hte htan wu ai: dai gaw, Sara nga ai, rai nga ai.

YAWHAN 3:2

dai wa gaw shana e Yesu kaw sa nna, “Rabai e, nang gaw Karai Kasang kaw nna du sa ai sara rai nga ndai hpe, anhte chye ga ai: nang dan ai lamik kumla ni gaw, Karai Kasang n lawm yang gaw, kadai mung n galaw lu ai,” ngu nna shi hpe tsun wu ai.

YAWHAN 3:26

Dai rai nna shanhte gaw Yawhan hpang de wa nhtawm, “Rabai e, Yawdan hka wora hkran e nang hte rau nga nga nna, nang sakse hkam ya ai wa gaw, yu u, shi mung baptisma jaw nga ai rai nna, yawng mayawng shi hpang de du sa ma ai,” ngu nna shi hpe tsun dan mu ai.

YAWHAN 4:31

Dai laman e sape ni gaw, “Rabai e, shat sha u,” ngu nna shi hpe agaw mu ai.

YAWHAN 6:25

Shing rai dai nawng wora hkran e shi hpe mu mu yang, shanhte gaw, “Rabai e, nang nang de galoi du nit ta?” ngu nna san mu ai.

YAWHAN 9:2

Shaloi shi a sape ni gaw, “Rabai e, ndai wa myi n mu ai shangai wa ai gaw, yubak galaw ai kadai wa rai ta? ndai wa rai ni? kanu yan kawa rai ni?” ngu nna san mu ai.

2 KORINHTU 1:24

Ning nga tsun ai gaw, nanhte a kamsham ai hpe anhte madu nga ai n re ai sha, nanhte a kabu gara ai hta shingdep shingtau ai ni anhte rai nga ga ai; kaning rai nme law, kamsham ai hta nanhte grin grin tsap nga myit dai.

2 KORINHTU 4:5

Kaning rai nme law, anhte gaw tinang a lam hkaw dan ga ai n re ai sha, Madu Hkristu Yesu a lam hpe mung, anhte nan Yesu a jaw e nanhte a mayam ni rai nga ga ai lam hpe mung, hkaw dan nga ga ai.

EHPESU 3:15

yawng hte a npawt daju Kawa a man e, ngai lahput hput di nga nngai;

HPILEMON 1:16

tutnawng e nang kaw anga nga lu na she, shi nang hte tawng marang mi hka ai, rai dam nhten.

YAKU 3:1

Nye a hpunau ni e, anhte sara ni grau nna dawdan ai hkrum na ga ai hpe, anhte chye nga ga ai majaw, marai law law wa sara hkum tai nga myit.

1 PETRU 5:3

dai hpung hpe madu mayu ai myit hte n re ai sha, dai hpung hta lawm ai ni a man e ningli apawt tai nga myit ga.

SHINGRAN 1:9

Yesu a nni nkri hta mung, mungdan hta mung, hkam sharang ai hta mung nanhte a kanawn manang rai nga ai, nanhte a hpunau wa, ngai Yawhan gaw, Karai Kasang a mungga hte Yesu a sakse majaw, Patmu ngu ai zunlawng hta nga nga nngai.

SHINGRAN 19:10

Shaloi, ngai shi hpe nawku na nga, shi a lagaw nhpang e dingnyawm dagup nngai. Shi gaw, “Shing hkum rai et: ngai gaw Yesu a sakse ga gun hpai ai na a mung, na a kahpu kanau ni a mung, shangun ma manang shada she rai nngai: Karai Kasang hpe nawku u: kaning rai nme law, Yesu a lam sakse hkam ai gaw, myihtoi htoi ai wenyi a myit hku rai nga ai,” nga nna ngai hpe ginhtim tsun ai.

SHINGRAN 22:9

Shi gaw, “Shing hkum rai et; ngai gaw, na a mung, na a kahpu kanau myihtoi ni hte ndai laika a mungga hkan nang nga ai ni a mung, shangun ma manang shada she rai nngai: Karai Kasang hpe nawku u,” nga nna ngai hpe ginhtim tsun ai.