MAHTE 23:5 - Jinghpaw Hanson Version Bible

⁵ Shanhte galaw ai amu bungli mahkra hpe, masha ni mu lu mu ga, galaw ma ai: tinang a lakhpoi ni hpe shanhte kaba wa di mu ai hte, tinang a banbyau ni hpe mung myin jahkram mu ai rai nna,

Jinghpaw Common Language Bible 2009

⁵ Shanhte galaw ai amu bungli mahkra hpe, masha ni mu lu mu ga, nga nna galaw ma ai. Shanhte a lahtan ni hte lata lahpum ni hta chyum ga ka shakap tawn ai lakhpoi pa kaba kaba galaw la nna hkawn shakap tawn nga ma ai hpe yu mu! Shanhte a palawng kaba ni hta banbyau ni hpe mung galu lu di nna myin jahkram chywi hpun ma ai.

MAHTE 23:5 ပူးပေါင်းရင်းမြစ်များ

2 HKAWHKAM 10:16

“Ngai kaw hkan rit; ngai gaw Yehowa a lam nja nhpra myit gade wa rawng nga ai gaw sa yu rit,” ngu nna shi a leng hta e jawn shangun wu ai.

PRU MAT 13:9

Yehowa a tara na a n-gup hta nga nga u ga, da ndai gaw na a lata hta kumla, na a myi lapran e masat dingsat tai nga na rai nga ai: kaning rai nme law, Yehowa gaw n-gun rawng ai lata hte nang hpe Egutu mung na shaw la nit dai.

GA SHAGAWP 3:3

Chyeju myit hte kangka re ai myit hkum kau da et; Dai hpe na a du hta gali nga u, Na a kraw lawang lungpa hta tawk ka da u.

JAW JAU 13:32

sanit ya du ai shani e hkinjawng wa bai yu yu nna, ana dai n jat wa ai hte amun mung n htoi, pung shan mung hkyawk ai zawn n rai yang gaw,

MAHTE 9:20

Shaloi, yu mu, shi lahkawng ning sai htaw machyi ai numsha langai mi shi hpang de sit sa wa nna, shi a palawng a banbyau ahtawk wu ai;

LUKA 16:15

Dai rai nna Yesu gaw, “Nanhte gaw masha ni a man e tinang hkum hpe dingman chye shadan ai ni rai myit dai; rai timung, Karai Kasang gaw nanhte a kraw lawng hpe chye ya nga ai: kaning rai nme law, masha e shagrau ai gaw Karai Kasang a man e matsat shabat rai nga ai.

LUKA 20:47

gaida gaina ni a nta ni hpe hpya lu hpya sha nna, hpyi hpun ai hte galu galang akyu hpyi ma ai: dai ni gaw dawdan kau ai grau nna hkrum na mara ai,” ngu wu ai.

YAWHAN 12:43

kaning rai nme law, Karai Kasang kaw na arawng sadang lu la na hta, masha kaw na arawng sadang lu la na hpe, grau ra ma ai.

YAWHAN 5:44

Shada da jaw ai arawng sadang hkam la nna, langai sha rai nga ai Karai Kasang e jaw ai arawng sadang hpe n tam ai ni, nanhte wa mi, kaning rai kamsham lu na myit ta?

YAWHAN 7:18

Tinang a myit hte tsun ai wa gaw, tinang a arawng sadang tam ai rai nga ai: tinang hpe shangun dat ai wa a arawng sadang tam ai wa chyawm gaw, tengman nga ai rai nna, shi hta n ding n man ai n rawng lu ai.

TARA JAHPRANG 11:18

Dai rai nna, nye a ga ndai ni hpe na a kraw lawang e, na a myit masin hta nang gun da ai hte, nanhte a lata hta kumla tai nga na matu hkawn da nna, nanhte a myi lapran e masat dingsat laika tai nga na rai malit dai.

TARA JAHPRANG 22:12

Nang lawai ai nba a matu mali maga de shingman madat da na rai ndai.

TARA JAHPRANG 6:8

Ga dai hpe na a lata hta kumla tai nga na matu hkang da nga nna, na a myi lapran e masat dingsat laika tai nga na rai lit dai:

HPILIPI 1:15

Gaja wa nkau mi gaw, manawn masham nna gasat gala ai hte Hkristu a lam hkaw dan nga ma ai; nkau mi gaw sharawng awng ai myit hte hkaw dan ma ai.

HPILIPI 2:3

Ga law ga la ai, kaman lila grang ai hte hpa mung n galaw ai sha, myit nem nga let, langai hte langai tinang a hkum hta manang wa hpe shagrau sha-a nga mu.

2 HTESALONI 2:4

dai wa gaw Karai ngu mangu hte mung, nawku ai lam yawng mayawng hte mung, nhtan shai nga ai hte tinang dai shagrau la nna, Karai Kasang a nawku Htingnu hta dung nga let, shi hkum nan hpe Karai Kasang shatai da wu ai.