MAHTE 23:13 - Jinghpaw Hanson Version Bible

¹³ Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.

Jinghpaw Common Language Bible 2009

¹³ “Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

MAHTE 23:13 ပူးပေါင်းရင်းမြစ်များ

LUKA 11:52

Tara sara ni e, nanhte dingnye lu myit dai! hpaji sumsaw gaw nanhte kyem da myit htawm, tinang dai mung n shang, shang mayu ai ni hpe mung, nanhte hkum shadang da myit dai,” ngu wu ai.

MAHTE 23:29

Hpyi hpun ai laika ka ai sara ni hte, Hparishe ni e, nanhte dingnye lu myit dai; nanhte gaw myihtoi ni a lup ni hpe gaw da mu ai hte dinghpring ai ni a lup jarawp ni hpe mawn ya nhtawm,

MAHTE 23:27

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw ahpraw chya ai lup ni hte bung nga myit dai: dai ni gaw shinggan de tsawm dam timung, kata de gaw, mang a nra hte nseng ai baw amyu myu hte hpring chyat rai nga ai.

MAHTE 23:23

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw shingtawn pan, pansoi, hpakgyi tum re ai ni hta na, htamshi hta htammi lahkawn la ninglen, dai jep ai tara hta lawm ai grau akyu rawng ai, dinghpring ai, matsan dum chye ai hte kamsham ai lam hte hpe nanhte lai kau da myit dai: shawng de na hpe mung galaw lu nna, hpang de na hpe mung n lai kau taw gaw, mai nga ai.

ZEHKARIA 11:17

Sagu hpung hpe kau da ai, n hkaw ai sagu rem wa gaw, dingnye lu u ga: shi a lahpum hte, hkra maga na myi hta, nhtu tsin-yam du u ga: lahpum ting hkraw kap mat u ga, hkra maga na myi kyaw mat u ga,” nga ai.

KASA 8:1

Shawlu mung shi hpe sat kau ai amu hta awlaw lawm nga ai. Dai shani e Yerusalem mare na Hpung gaw zingri zingrat kaba hkrum wa ai rai nna, kasa ni hta kaga, gale nlang hte gaw, Yuda mung, Samari mung, shara magup hkan e bra mat wa ma ai.

2 TIMOHTI 4:15

nang mung shi hpe koi kau u: kaning rai nme law, anhte a ga hpe shi grai wa ndang kau yu ma ni ai.

ESAIA 33:14

Yubak kap ai Ziun masha ni, hkrit nga ma ai; tara n hkungga ai ni, hkrit gari ma ai: Anhte hta na kadai wa hkru ai wan hta nga lu na ga ta? htani htana wan mang hta kadai shanu lu na ga ta?

2 TIMOHTI 3:8

Yanne yan Yambre gaw Mawshe hpe hkum shadang nga ai zawn, dai ni mung dai tengman ai lam hpe hkum shadang ma ai: shanhte gaw myit hten tsam mat wa nna, kamsham lam hta maju n jung ai masha rai nga ma ai.

KASA 13:8

Shaloi lakle sara ngu ai, lachyum hku shamying ai, Eluma gaw, dai munggyi wa a kamsham ai lam jahpyak kau ya mayu ai rai nna, shanhte hpe ndang shadang mu ai.

KASA 5:40

Ga dai hpe shanhte myit htuk dum ma ai rai nna, kasa ni hpe shaga la nhtawm, kayat nna, Yesu a mying hte n sharin n shaga lu na lam hkang da ngut jang, dat dat ma ai.

KASA 5:28

“Nanhte hpe, amying dai hte hpa mung hkum tsun, ngu nna anhte aja awa hkang da saga ai; ya yu mu, Yerusalem mare ting nanhte a sharin shaga lam pri di manit dai rai nna, dai wa a asai anhte a ntsa e mara ya na maw nga myit dai,” ngu nna shanhte hpe tsun wu ai.

YAWHAN 9:34

Shaloi shanhte gaw, “Nang wa mi hkum ting yubak hta na shangai wa da nhtawm me, anhte hpe sharin nga nni?” ngu nna jawm htan nhtawm, dai wa hpe kanawng shapraw kau mu ai.

YAWHAN 9:24

Dai re ai majaw shanhte gaw dai myi n mu ai wa hpe lang mi bai shaga nna, “Karai Kasang hpe shagrau u; dai wa gaw yubak kap ai wa rai nga ai anhte chye ga ai,” ngu nna shi hpe tsun mu ai.

YAWHAN 9:22

Shi a kanu yan kawa gaw Yuda masha ni hpe hkrit ma ai majaw, shing ngu tsun mu ai: kaning rai nme nga yang, Yesu gaw Hkristu re ai, nga nna yin la ai wa kadai hpe rai timung, tara jawng na shapraw kau na, nga nna Yuda masha ni ya nna pyi bawng hkut da masai.

MAHTE 23:25

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw dai gawm hte n-gawt hpe shinggan maga de jaseng mu ai mung, kata maga de kashun kashe hte n tara ai hte hpring chyat rai nga ai.

MAHTE 3:7

Ya Hparishe hte Saduke masha law law wa baptisma hkam la na nga sa ma ai hpe shi mu mu yang, shanhte hpe shi tsun mu ai gaw, “Pu htum amyu ni e, du magang ra ai yubak ari hta na hprawng wa lu myit ga, nanhte hpe kadai shadum da myit ta?

MAHTE 23:16

Lam madun ai myi kyaw ni e, nanhte dingnye lu myit dai: Kadai rai timung, nawku Htingnu hpe dagam yang hpa n re ai, nga myit timung, dai Htingnu a aja hpe dagam ai wa gaw hka kap na rai nga ai, nga nna nanhte tsun nga myit dai.