MAHTE 23:12 - Jinghpaw Hanson Version Bible

¹² Kadai rai timung tinang hkum hpe shagrau ai wa gaw, grit mat wa na ra ai: tinang hkum hpe shagrit ai wa chyawm gaw, grau wa lu na ra ai.

Jinghpaw Common Language Bible 2009

¹² Kadai rai ti mung, tinang hkum hpe shagrau ai wa gaw, grit nem mat wa na ra ai, tinang hkum hpe shagrit ai wa chyawm gaw, shagrau shatsaw ai hkrum na ra ai.

MAHTE 23:12 ပူးပေါင်းရင်းမြစ်များ

YOBA 22:29

Kadawng yu wa timung, bai lung wa na nngai, nga nna tsun na ndai: Myit gyip ai wa hpe shi hkye la na ra ai.

SHAKAWN KUNGDAWN 138:6

Yehowa gaw tsaw htum nga timung, Myit gyip ai ni hpe mada yu nga ai; Gumrawng ai ni hpe chyawm gaw, shi tsan tsan kaw nna chye da mu ai.

GA SHAGAWP 15:33

Yehowa hpe hkrit kamyin ai myit gaw, hpaji sharin ai lam rai nga ai; Arawng sadang a shawng e myit shagrit ai rai nga ai.

GA SHAGAWP 29:23

gumrawng ai wa gaw, shagrit kau ai hkrum na ra ai; Myit nem ai wa chyawm gaw, arawng sadang lu la na ra ai.

ESAIA 57:15

Kaning rai nme law, Htani htana anga nga nna, Chyoi pra mying ai wa, Matsaw Ntsang na Daru Magam rawng ai wa gaw, ning nga ai: “Ngai gaw tsaw htum ai shara hte chyoi pra htum ai shara hta shanu nga nna, myit gyip ai wa a wenyi hpe shalan shabran na matu mung, myit nem ai wa a myit masin hpe shalan shabran na matu mung, myit nem ai wa hte myit gyip ai wa hte rau, ngai shanu nga nngai.

Daniela 4:37

Ya ngai Nebuhkadneza gaw, sumsing lamu na Hkawhkam wa hpe shakawn kungdawn, shagrau sha-a ai hte, hkungga lara rai nga nngai: shi galaw da ai yawng mayawng tengman nga nna, shi a lam ni dinghpring nga ai: shi gaw gumrawng gumtawng ai ni hpe shagrit kau lu nga ai, nga nna shara shagu mungga shabra dat wu ai.

MAHTE 18:4

Ndai ma kaji zawn, tinang a myit shanem ai wa kadai rai timung, sumsing lamu a mungdan hta, grau kaba ai wa tai na ra ai.

MAHTE 5:3

Wenyi hta matsan mayan rai nga ai ni gaw, a lu ma ai; kaning rai nme law, sumsing lamu a mungdan, shanhte a mungdan rai nga malu ai.

LUKA 14:11

Kaning rai nme law, tinang hkum shagrau ai wa kadai mung, grit mat ai hkrum na ra ai: tinang hkum shagrit ai wa chyawm gaw, shagrau ai hkrum na ra ai,” ngu wu ai.

LUKA 18:14

Nanhte hpe ngai tsun made ga, kang hta ai wa gaw Hparishe wa hta dinghpring ai grau lu la nna, nta de bai yu wa nu ai: kaning rai nme law, tinang hkum shagrau ai wa kadai mung grit mat ai hkrum na ra ai; tinang hkum shagrit ai wa chyawm gaw, shagrau ai hkrum na ra ai,” ngu mu ai.

YAKU 4:6

Shi mahtang gaw grau kaba ai chyeju a jaw nga ai. Dai rai nna, Karai Kasang gaw gumrawng gumtawng ai ni hpe gang hkum kau nna, myit nem ai ni hpe chyeju jaw ya wu ai, nga nna laika tsun nga ai.

1 PETRU 5:5

Dai hte maren, brang ram ni e, salang ni a npu e a taw nga mu. Dai hta n-ga, nanhte nlang shada da daw nga myit ga, myit gyip ngu ai hpajet hpe kyit nga mu: kaning rai nme law, “Karai Kasang gaw gumrawng ai ni hpe shadang da timung, myit gyip ai ni hpe chyeju jaw mu ai law.”

1 PETRU 5:6

Dai rai nna, Karai Kasang gaw ram ging ai aten e, nanhte hpe shagrau shatsaw dat myit ga, shi a n-gun rawng ai lata npu e, tinang dai myit anem nga mu: