MAHTE 22:4 - Jinghpaw Hanson Version Bible

⁴ Bai mayam kaga hpe shi shangun dat nna, ‘Yu mu, nye a poi gaw jin jin rai sai; nye a usu ni hte kawn da ai yamnga ni hpe sat kau ngut sai; yawng mayawng jin jin rai sai: hkungran ai poi de sa marit,’ ngu nna shaga da sai ni hpe sa tsun mu,” ngu dat wu ai.

Jinghpaw Common Language Bible 2009

⁴ Dai rai nna shi gaw, mayam kaga ni hpe bai shangun dat nna, ‘Nye a lusha poi gaw ya jin jin rai sai, nye a usu ni hte kawn da ai yam nga ni hpe sat kau ngut sai, yawng mayawng jin jin rai sai, hkungran poi de sa marit!, ngu nna shaga da sai ni hpe sa tsun mu,’ ngu dat mu ai.

MAHTE 22:4 ပူးပေါင်းရင်းမြစ်များ

NEHEMIA 9:17

shanhte a ka-ang e nang madun dan ai mauhpa amu hpe n dum nga ai sha, shanhte du shaja ai hte, gumlau let, mayam tai nga ai mung de nhtang wa na nga, hpyen du hpe san da ma ai. Nang chyawm gaw, yubak raw dat ai, matsan dum ai hte chyeju myit rawng ai, myit galu ai hte n-gaw nwai myit madun ai Karai Kasang rai nga nna, shanhte hpe kau da mu ai n rai.

SHAKAWN KUNGDAWN 86:5

Madu e, nang mai kaja nga nna, mara raw kau ya ndai; Nang hpe shaga ai ni nlang hte hpe, nang chyeju kaba madun nga ndai.

GA SHAGAWP 15:17

Kawn tawn ai usu hpe n ju n yawt let sha ai hta, Tsawra myit hte sha ai shatmai lap ma mi gaw, grau mai nga ai.

Shawlumon A Mahkawn Ga 5:1

Ngai jan, nye num ningnan e, nye sun de ngai shang ni ai: Nye mura hte manam pyaw ai baw ngai di la ni ai; Nye gitbaw hte lagat jahku hpe, ngai sha lu ni ai; Nye nga chyu hte rau lagat jahku hpe ngai lu lu ni ai: Makyin jinghku ni e, sha mu; Tsawra ai ni e, lu mu, hkru hkra lu mu.

MAHTE 21:36

Bai, shawng na hta grau law hkra mayam kaga hpe shi shangun dat mu timung, shanhte gaw shawng na hte maren dai ni hpe di da mu ai.

MAHTE 22:5

Shanhte gaw dai ga hpe hpa n na nawn mu ai rai nna, langai ngai gaw tinang a hkauna de, kaga gaw tinang a rai dut ai de sa mat wa ma ai.

MAHTE 22:8

Dai hpang shi a mayam ni hpe, “Nye a hkungran ai poi jin jin rai sai, rai timung, shaga da ai ni ging dan nga ma ai n rai:

LUKA 14:17

shat daw hkying du jang, shaga da sai ni hpe, ‘Sa marit, lusha yawng jin masai,’ ngu nna shi a mayam hpe shaga shangun dat wu ai.

KASA 1:8

rai timung, Chyoi pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga htum hkra, nye a sakse ni tai na marin dai,” ngu nna shanhte hpe tsun mu ai.

KASA 13:46

Pawlu yan Barnaba mung nden ja ai myit hte, “Karai Kasang a mungga nanhte hpe shawng tsun dan na gaw, lam rai nga ai; rai timung, nanhte mahtang dai hpe gang kau nna, n htum n wai asak hte n ging ai gaw, tinang dai dawdan la myit dai majaw, yu mu, maigan amyu ni hpang de anhte myi man kayin na saga ai.

ROMA 8:32

Shi kasha lala hpe lahpawt lama n di ai sha, anhte mahkra a matu mara shi hpe ap ya ai wa gaw, shi hte nawng yawng mayawng anhte hpe jaw na, n rai ni?