MAHTE 22:39 - Jinghpaw Hanson Version Bible

³⁹ Hpang na ga mung dai hte bung nga nna, Na a htingbu wa hpe, na a hkum hte maren nang tsawra lu na ndai, nga nna rawng nga ai.

Jinghpaw Common Language Bible 2009

³⁹ Hpang na ahkyak dik ai hkang da ai ga mung dai hte bung nna, ‘Na a htingbu wa hpe, na a hkum hte maren nang tsaw ra lu na rai ndai,’ nga nna rawng nga ai.

MAHTE 22:39 ပူးပေါင်းရင်းမြစ်များ

JAW JAU 19:18

Na a amyu masha ni hpe nang hkum nan matai htang lu na n rai: masin n si ai myit mung rawng nga lu na n rai: na a htingbu wa hpe na a hkum hte maren nang tsawra lu na ndai: ngai gaw Yehowa rai nga nngai.

MAHTE 19:19

nnu yan nwa hpe hkungga lara di u; na a htingbu wa hpe na a hkum hte maren tsawra nga u,” ngu wu ai.

MAHTE 22:38

nga nna hkang da ai ga gaw, grau kaba ai hte shawng na ga mung, rai nga ai.

MARKU 12:31

Hpang na ga mahtang gaw, Na a htingbu wa hpe, na a hkum hte maren nang tsawra lu na ndai, rai nga ai. Ndai ga lahkawng hta, grau kaba ai hkang da ai ga n nga ai,” ngu nna htan wu ai.

ROMA 13:8

Shada da tsawra ai hta kaga, kadai hte mung hpa hka hkum kap mu: masha kaga hpe tsawra ai wa gaw jep ai tara hpe shatup ngut nu ai.

ROMA 15:2

Anhte langai hte langai tinang a manang wa a ngamu ngamai na lam tau yu nna, shadaw shangang rai hkra shi hpe shapyaw nga ga.

GALATI 5:14

Na a htingbu wa hpe tinang hkum hte maren tsawra nga u, nga ai ga langai sha hta, dai jep ai tara ting dik wa sai.

GALATI 6:10

Dai re ai majaw, aten ladaw naw pra nga yang, anhte masha nlang hte hpe mai kaja ai amu galaw nga ga, rai timung, makam masham a dinghku na ni hpe, grau nna galaw nga ga.

YAKU 2:8

Dai rai nna, Na a htingbu wa hpe na a hkum hte maren nang tsawra lu na ndai, nga nna Chyum laika hta rawng ai hkawhkam tara hpe, nanhte shatup mu yang gaw, nanhte mai kaja ai hpe galaw nga myit dai.