MAHTE 22:29 - Jinghpaw Hanson Version Bible

²⁹ Yesu htan let shanhte hpe tsun mu ai gaw, “Dai Chyum laika hte Karai Kasang a nsam hpe nanhte n chye da mu ai majaw, nanhte lam dam mat manit dai:

Jinghpaw Common Language Bible 2009

²⁹ Yesu htan let, shanhte hpe tsun mu ai gaw, “Nanhte gaw, Chyum Laika hpe mung, Karai Kasang a n-gun atsam hpe mung n chye ai majaw lam dam mat manit dai.

MAHTE 22:29 ပူးပေါင်းရင်းမြစ်များ

NINGPAWT NINGHPANG 18:14

Yehowa n di lu ai amu lama mi nga a ni? Nhtoi gu jang ngai nang hpang de bai du na ring ngai rai nna, Sara gaw shadang sha lu na ra ai,” ngu wu ai.

SHAKAWN KUNGDAWN 17:15

Ngai chyawm gaw, dinghpring ai hte, na a myi man hpe mu lu na ring ngai; Yup hprang wa ai shaloi, na a hkumhkrang hpe mu yang, ngai myit dik na ring ngai.

ESAIA 25:8

Shi gaw si hkrung si htan hpe mayu kau nu ai; Madu Yehowa gaw myi man shagu a myi prwi katsut kau na ra ai; shi a amyu hkrum ai kaya kahpa hpe mung, ga ntsa ting na shaprai kau na ra ai: dai lam Yehowa tsun da sai.

ESAIA 26:19

Na a si ai masha ni bai hkrung na mara ai; nye a moi mang ni bai rawt na mara ai: ga nhpu hta shanu nga ai ni e, hprang nna mahkawn mangoi mu; kaning rai nme law, nang hta hkrat ai mari gaw, namlaw namlap hta hkrat ai mari hte bung nna, lamu ga gaw si mat ai ni hpe bai shapraw na ra ai.

HOSEA 13:14

Shing rai ngai gaw shanhte hpe katsan ga de na mawai la na rai ni? si hkrung si htan kaw na, gare la na rai ni? Si hkrung si htan e, na a ana zinli, kanang nga a ta? Katsan ga e, nang shapraw ai tsin-yam tsindam, kanang nga a ta? myit malai na lam, ngai n mu nngai.”

MAHTE 22:28

Dai rai nna bai hkrung rawt ai hta, dai marai sanit hta na, gade a madu jan mahtang shi rai na ra ta?” kaning rai nme law, mahkra shi hpe hta manu ai, ngu nna san mu ai.

MARKU 12:24

Yesu gaw, “Dai Chyum Laika hte, Karai Kasang a atsam hpe, nanhte n chye mu ai majaw, nanhte lam dam nga myit dai, n rai ni?

LUKA 1:37

kaning rai nme law, Karai Kasang kaw na hpa mungga muk, atsam kata rai na ra ai n rai,” ngu nna shi hpe htan wu ai.

YAWHAN 20:9

Kaning rai nme law, Yesu gaw si ai ni kaw na bai hkrung rawt na ra ai, nga nna rawng ai Chyum laika hpe, shan garai n chye ma ai.

KASA 26:8

Karai Kasang si ai ni hpe jahkrung dat ai nga ai gaw, kam shara n re ai, nga nna nanhte hpa rai myit la myit ta?

ROMA 15:4

Kaning rai nme law, anhte shakut sharang nga lu nna, Chyum laika ni a shangwi shapyaw ai ga a majaw myit mada shara nga lu u ga, shawng e ka da ai lam shagu gaw, anhte hpe sharin achyin ya na matu, ka da nga sai.

1 KORINHTU 15:34

Dingman ai hku hkan na, dum hprang mu, yubak hkum galaw myit; nkau mi gaw Karai Kasang hpe n chye ma ai: nanhte kaya dum myit ga, ning nga ngai tsun nngai.

HPILIPI 3:21

Shi gaw arai yawng mayawng hpe tinang a npu e tawn da lu ai atsam shachyen nga ai hte maren, anhte a grit nga ai hkumhkrang hpe ningnan galai nna, shi a hpung shingkang rawng ai hkumhkrang hte bung hkra, shachyaw jahtap na ra ai.