MAHTE 22:16 - Jinghpaw Hanson Version Bible

¹⁶ Shaloi shanhte gaw, tinang a sape ni hte Herodi ngu ai ni hpe shi hpang de shangun dat mu ai rai nna, “Sara e, nang tengman nga ndai hte, Karai Kasang a lam hpe teng teng sharin shaga nga ndai rai nna, masha a myi man hpe n tau yu ai sha, kadai hpe mung nang n agam nga ndai gaw, anhte chye nga ga ai:

Jinghpaw Common Language Bible 2009

¹⁶ Dai hpang shanhte a sape ni nkau mi hte Herod a hpung kaw na masha nkau mi hpe Yesu hpang de shangun dat mu ai. Shanhte gaw, “Sara e, nang gaw teng man ai lam hpe sha tsun nga ndai hpe anhte chye ga ai. Nang gaw masha a myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai.

MAHTE 22:16 ပူးပေါင်းရင်းမြစ်များ

1 HKAWHKAM 22:14

Mihkaia gaw, “Yehowa hkrung nga ai hte maren, Yehowa ngai hpe tsun ai hte sha ngai htawn tsun na nngai,” ngu wu ai.

SHAKAWN KUNGDAWN 12:2

Langai hte langai tinang a htingbu wa hte masu ga tsun ma ai; Bawk ai nten hte, myit lahkawng hte shanhte tsun ma ai.

SHAKAWN KUNGDAWN 5:9

Shi a n-gup hta kamsham shara n rawng ai; Shanhte a kraw lawang n se nga malu ai; Shanhte a mayu hpaw nga ai lup rai nga malu ai, Shanhte a shinglet, bawk chye nga malu ai.

SHAKAWN KUNGDAWN 55:21

Shi a n-gup ga sau zawn manen lu timung, Shi a myit hta majan lawn nga ai; Shi tsun ai ga, namman hta grau kya nga timung, Dai gaw shaw ai nhtu rai nga ai.

GA SHAGAWP 29:5

Tinang a htingbu wa hpe hkyaw ai wa gaw, Shi sa wa ai lam hta sumgawn nep da nga ai.

MALAHKI 2:6

Shi a shinglet tengman ai tara tsun nga nna, shi a n-gup hta hkalem hkalau ai ga n rawng nga ai: ngwipyaw ai hte malang ai hku hkan let, shi ngai hte rau hkawm nga nna, masha law law hpe shut hpyit lam kaw na, kayin shangun mu ai.

MALAHKI 2:9

Dai rai nna, nanhte gaw nye a lam n hkan ai hte, tara dara yang, myi man tau ai majaw, amyu masha ni mahkra a man e, ngai nanhte hpe nhpu nru di nna, shayuk kau na nngai.

MAHTE 22:24

“Sara e, masha langai ngai kasha garai n kap ai si mat timung shi a kanau gaw karat hpe kahkyin la lu na rai nna, kahpu a matu htinggaw shachyaw u ga,” nga nna Mawshe htet da mi ai.

MAHTE 22:26

dai hte maren, hpang na wa mung, masum ngu na wa mung dai sanit du hkra shi hpe hta da mu ai.

MAHTE 26:18

Shi gaw, Dai mare hta na masha langai mi kaw sa nna, “Sara tsun dat mi ai gaw, Nye a ahkying ni wa sai: na a nta e nye a sape ni hte rau, dai Shalai wa ai poi hpe ngai sha na nngai, ngu nna shi hpe tsun mu,” ngu dat wu ai.

MAHTE 26:49

Shaloi shi Yesu kaw hkre rai sa nna, Rabai e, a nga n ga,” ngu nna shi hpe pup wu ai.

MARKU 10:17

Bai, lam e sa wa nga yang, marai langai mi shi kaw gat du nna, shi a man e lahput hput di let, “Mai kaja ai Sara e, n htum n wai asak sali wunli lu la hkra, ngai hpa mi galaw na rai ta?” ngu nna shi hpe san wu ai.

MARKU 12:13

Dai hpang, shi a ga hta shi hpe hkap wang lu u ga, shanhte gaw, Hparishe ni hte Herodi ngu ai ni nkau mi, shi hpang de shangun dat mu ai.

MARKU 12:14

Shaloi shanhte du nna, “Sara e, nang tengman nga ndai hte, kadai hpe mung n agam nga ndai gaw anhte chye ga ai; masha a myi man hpe nang n tau yu ai sha, Karai Kasang a lam hpe tengman ai hku sharin shaga nga ndai. Kehta hkawhkam hpe hkanse mai bang ga ni?

MARKU 3:6

Dai rai nna, Hparishe ni pru nhtawm, shi hpe kaning di sat kau lu na, nga nna Herodi ngu ai ni hte, shaloi jang, bawng nga ma ai.

MARKU 8:15

Shaloi shi shanhte hpe, “Hparishe ni a matsi hte Herod a matsi hpe koi kau lu myit ga, sadi nga mu,” ngu nna shanhte hpe ginhtim da mu ai.

LUKA 20:21

Dai ni gaw, “Sara e, nang gaw ding ding man man tsun sharin ndai hte, masha a myi man hpe n tau yu ai sha, Karai Kasang a lam hpe tengman ai hku sharin shaga ndai gaw, anhte chye ga ai:

LUKA 7:40

Yesu gaw htan let, Simun e, ngai nang hpe tsun shara lama mi nga ai, ngu wu ai. Simun gaw, Sara e, tsun e, ngu wu ai.

YAWHAN 14:6

Yesu gaw, “Lam gaw ngai rai nga nngai, tengman ai hte asak mung, ngai rai nga nngai: ngai hta nna n rai yang gaw, kadai mung nye Wa kaw n du wa lu ai.

YAWHAN 18:37

Dai re ai majaw Pilat gaw, “Rai taw, nang hkawhkam teng nga nni?” ngu nna san wu ai. Yesu gaw, “Nang tsun ai hte maren ngai Hkawhkam teng nga nngai: dai ngu nna tengman ai a maga de sakse hkam na matu, ngai shangai jinghkai wa ni ai hte, mungkan ga de du sa ring ngai: tengman ai hte seng ai ni nlang hte gaw, nye a ga nsen madat ma ai,” ngu nna htan wu ai.

YAWHAN 7:18

Tinang a myit hte tsun ai wa gaw, tinang a arawng sadang tam ai rai nga ai: tinang hpe shangun dat ai wa a arawng sadang tam ai wa chyawm gaw, tengman nga ai rai nna, shi hta n ding n man ai n rawng lu ai.

2 KORINHTU 2:17

Ndai bungli shachyen na kadai wa ging ram nga a ta? Kaning rai nme law, Karai Kasang a mungga hpe pau chye ai masha law law ni zawn anhte n rai nga ai sha, san seng ai myit hte mung, Karai Kasang kaw nna mung, Karai Kasang a man e anhte Hkristu hta tsun nga ga ai.

2 KORINHTU 4:2

makoi magap re ai kaya kahpa hpe anhte rap di kau sagaw ai hte, hkalem hkalau ai mung n hkan nna, Karai Kasang a mungga hpe gale galau n di ai sha, dai tengman ai lam shapraw shadan let, Karai Kasang a man e, masha yawng mayawng a myit masin kaw, anhte hkum a atsam marai anhte dan nga ga ai.

2 KORINHTU 5:16

Dai re ai majaw, ya kaw nna anhte kadai hpe mung hkum shan ahpraw hpe tau yu yang, n chye nga ga ai; Hkristu a hkum shan ahpraw hpe pyi anhte chye lu saga ai rai timung, ya kaw nna dai zawn hpa n chye ga ai.

GALATI 1:10

Kaning rai nme law, ning nga tsun ai gaw, masha myi man pa na ngai ra nga nngai kun? shing n rai, Karai Kasang a myi man pa na ngai ra nga nngai kun? Masha ra ai hku hkan nang na ngai tam nga nngai kun? Masha ra ai hku ngai naw hkan nang nga yang gaw, Hkristu a ali ama ngai rai na nngai n rai.

GALATI 2:6

Arawng lu ai nsan ai ni chyawm gaw, kaning re ai ni rai ma ai kun, ngai hte n seng ga ai; Karai Kasang gaw masha a myi man n tau yu ga nga ai: dai arawng lu ai nsan ai ni gaw, ngai hpe hpa mi mung n sharin set ya mi ai hta n-ga,

TARA JAHPRANG 33:9

Shi gaw kanu kawa hpe pyi, kanu kawa n nga, Tinang hpunau wa hpe mung n da, Kashu kasha hpe pyi n chye, nga hkra, Na a mungga madat mara nna, Na a ga shaka hkan nang masai.

1 HTESALONI 2:4

dai kabu gara shiga lang ging ai ni ngu ai, Karai Kasang a ahkang hkam ga ai hte maren, masha hpe sharawng awng ai zawn n rai, anhte a kraw lawang hpe manaw yu ai Karai Kasang hpe sharawng awng na zawn, anhte tsun nga ga ai.

YAKU 3:17

Ntsa de na hpaji byeng-ya chyawm gaw, shawng npawt e san seng ai rai nga ai; dai hpang e, htingrai htingrat chye ai, sumnung ai, shingdi ai, matsan dum ai hte kaja ai asi hte hpring nga ai, gale galau n re ai hte hpyi hpun n chye ai hpaji byeng-ya rai nga ai.

1 YAWHAN 5:20

Dai hta kaga, Karai Kasang a Kasha du wa sai rai nna, dai tengman ai wa hpe chye chyang lu na myit, shi anhte hpe jaw da mi ai gaw, anhte chye nga ga ai: dai tengman ai wa hta e, ngu ai, shi a Kasha Yesu Hkristu hta e, anhte anga nga ga ai. Dai wa gaw, tengman ai Karai Kasang hte, n htum n wai asak mung, rai nga ai.