MAHTE 22:11 - Jinghpaw Hanson Version Bible

¹¹ Ya, hkawhkam wa gaw dung nga ai ni hpe kawan yu na, shang wa yang, hkungran ai hpun palawng n bu hpun ai la langai mi hpe, shi mu hkrup wu ai.

Jinghpaw Common Language Bible 2009

¹¹ “Ya Hkawhkam wa gaw dung nga ai manam ni hpe kawan yu na, shang wa yang, hkungran poi sa ai hpun palawng n bu n hpun ai la langai mi hpe shi mu hkrup wu ai.

MAHTE 22:11 ပူးပေါင်းရင်းမြစ်များ

2 HKAWHKAM 10:22

Bai Yehu gaw, “Bala hpe nawku ai ni mahkra a matu hpun palawng shapraw ya mu,” ngu nna hpun palawng gawk up ai wa hpe htet da wu ai rai nna, shi gaw shanhte a matu shapraw ya mu ai.

ESAIA 52:1

Ziun e, hprang u, hprang u, na a n-gun atsam dagraw u; chyoi pra ai mare Yerusalem e, na a tsawm htap ai hpun palawng hpe mawn sumli u: kaning rai nme law, ya kaw nna matu n gadoi ai hte n san n seng ai wa kadai mung, nang kaw shang lu na n rai.

ESAIA 64:6

Anhte yawng n san n seng ai wa zawn tai saga ai; anhte a dinghpring ai lam yawng, agang chyalang re ai hpun nba hte bung nga ai; anhte yawng namlap zawn nyip mat nna, anhte a shut hpyit ai gaw, nbung zawn, anhte hpe ahpawt kau mani ai.

SHARUNG SHAYAWT 5:22

Nang chyawm gaw anhte hpe atsai awai kau da mi ai; Nang anhte hpe grai wa pawt bu nga ndai law.

ZEHPANI 1:12

Dai aten e ngai gaw pyengdin lang let, Yerusalem mare hpe sawk yu nna, Yehowa gaw kaja ai mung, n kaja ai mung, galaw na n rai, nga nna hpa n nawn let, gumlu gumlan rai nga ai ni hpe, ari jaw na nngai.

MAHTE 13:30

Dai lahkawng yan nmut ta du hkra, rau tu kaba wa mu ga: nmut ta du jang, tsing hpe shawng dan mahkawng nna, nhtan nhtawm wan hta nat kau mu; dai mam hpe chyawm gaw, nye a dum hta e mahkawng da mu, ngu nna mam dan ai ni hpe ngai tsun na mawe ai,” ngu mu ai.

MAHTE 22:10

Dai rai nna, dai mayam ni gaw nmaw lam de pru sa nna, mu hkrup ai yawng hte hpe, n kaja ai ni rai timung, kaja ai ni rai timung, jahpawng tawn la mu ai rai nna, dai poi hta dung nga ai ni hpring chyat rai nga ai.

MAHTE 3:12

shi a lata hta dai hkuwawn shi lang nga ai rai nna, shi a mam chyarang hpe shi yit jasan nhtawm, shi a mam hpe gaw dum hta shinggyin bang da nna, mam nsan hpe gaw, n sat lu ai wan hte nat kau na ru ai,” ngu mu ai.

ROMA 13:14

Dai hta n-ga, Madu Yesu Hkristu hpe bu hpun dagraw nga mu: hkum shan a myit marin ai hku shadik na matu, hkum maw hkum hkyen nga myit.

ROMA 3:22

dai gaw Yesu Hkristu hta kamsham ai a majaw, kamsham ai ni nlang hte a matu mara Karai Kasang a dinghpring lu ai lam rai nga ai: lachyen lahka chyawm gaw hpa mung n nga lu ai.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

2 KORINHTU 5:3

gaja wa shing rai dagraw ngut jang, anhte hpe singgu krin mu hkrup na mi ai n rai.

GALATI 3:27

Hkristu hta e baptisma hkam ai ni yawng hte gaw, Hkristu hpe bu hpun sumraw nga myit dai.

EHPESU 4:24

tengman ai hte seng ai dinghpring ai hte chyoi pra re ai Karai Kasang hpan tawn da ai gawng shing-yan ningnan hpe dagraw lu myit ga, nanhte sharin achyin hkam la manit dai, rai nga ai.

SHINGRAN 16:15

Yu mu, lagu lagut zawn ngai du ring ngai. Masha a man e singgu krin n hkawm na hte, tinang a kaya hpa n dawng lu ga, a maja nga let tinang a labu palawng sin nga ai wa gaw, a lu ai.

SHINGRAN 19:8

hpraw tu ai hte san seng ai lachyit nba hte tinang hkum hpe mawm sumli na ahkang shi lu la nu ai: shing re ai lachyit nba gaw chyoi pra ai ni a dinghpring ai a amu bungli rai nga ai law,” nga nna tsun ai gaw ngai na nngai.

SHINGRAN 2:23

Shi a kashu kasha ni hpe si lam hte ngai sat kau na we ai: shaloi, nhkyun hte kraw lawang hpe sawk yu ai wa ngai rai nga nngai gaw, Hpung ni yawng chye lu n mara ai: nanhte hta na langai hte langai hte hpe, tinang ni a amu hte maren ngai htang jaw na made ai.

SHINGRAN 3:18

Dai re ai majaw, nang sut su u ga, wan mang hta jen kau sai ja jet hpe mung, na a singgu krin re ai kaya hpa masha man e n dawng lit ga, nang lawai na matu hpraw ai hpun palawng mung, na a myi mu lu lit ga, chya na matu myi tsi mung, ngai kaw na mari la lu na, ngai nang hpe hpaji daw ya de ai.