MAHTE 21:34 - Jinghpaw Hanson Version Bible

³⁴ Ya, asi ngai ai aten du jang, shi a asi sa la mu ga, sun galaw ai ni hpang de, shi a mayam ni hpe shangun dat mu ai.

Jinghpaw Common Language Bible 2009

³⁴ Ya sabyi ngai ai ten du jang, shi lu la ang ai sabyi mangai a asi sa la na matu, sun galaw ai ni hpang de, shi mayam ni hpe shangun dat mu ai.

MAHTE 21:34 ပူးပေါင်းရင်းမြစ်များ

ESAIA 5:4

Ngai nye a tsabyi sun hta n galaw nna, naw galaw ra ai lam lama ma nga dam a ni? Ngai tsabyi si lu la na myit mada nga yang, hpa majaw tsabyi chyalam si nga a ta?

YEREMIA 35:15

Dai hta kaga ngai gaw jau jau rawt nna, nye a shangun ma myihtoi ni mahkra hpe mung, nanhte hpang de shangun dat nna, Nanhte langai hte langai hkan ai n hkru ai lam hpe koi kau mu; nanhte a arawn alai hpe shading mu; hpara tsasam ni hpe daw jau na matu hkum hkan myit; shing rai nanhte hte nanhte a nji nwa ni hpe ngai jaw da ai mungdan hta, nanhte shanu nga lu na myit dai, ngu tsun da timung, nanhte gaw tinang na pat kau nna, nye a ga n madat myit dai.

MAHTE 21:35

Sun galaw ai ni mahtang shi a mayam ni hpe rim la nna, langai mi hpe anu kayat, langai mi hpe sat kau wu ai hte, langai mi hpe nlung kabai wu ai.

MAHTE 21:38

Sun galaw ai ni mahtang dai kasha hpe hkap mu jang, “Ndai wa gaw, sali wunli dagraw na wa rai nga ai; sa marit, shi hpe sat kau ga, shi a sali wunli anhte la kau ya gaw, nga nna shada da dup la ma ai:

MAHTE 21:40

Dai rai nna, sun madu wa bai du wa yang, ndai sun galaw ai ni hpe, kaning di na wu ta?” ngu nna san wu ai.

MAHTE 21:41

Shanhte gaw, “Shi dai nkru ai ni hpe, n hkru ai hku jahten kau na mu ai rai nna, aten ram jang shi hpe asi jaw lu ai masha kaga hpe, dai sun htawt shap ya na ru ai,” ngu nna shi hpe htan mu ai.

MAHTE 22:3

dai poi de shaga da sai ni hpe bai shaga la na, nga nna shi a mayam ni hpe shangun dat timung, shanhte n sa hkraw ma ai.

MARKU 12:1

Dai shaloi ga shadawn hte hte shi shanhte hpe tsun hpang mu ai gaw, “Masha langai mi tsabyi sun hkai sharam da nna, grup yin e nhpan kum da ai hte tsabyi htung htu da nna, langchyi gap da nhtawm, sun galaw ai masha hpe boi ya da nna, kaga mung de sa nga mat ai.

MARKU 12:7

Sun galaw ai ni mahtang, ‘Ndai wa gaw, sali wunli dagraw na wa rai nga ai; sa marit, shi hpe sat kau gaw; shaloi shi a sali wunli, anhte lu la na gaw ai,’ nga nna shada bawng la ma ai.

MARKU 12:9

Dai majaw, tsabyi sun madu gaw, kaning di na mu ta? Shi sa du nna, sun galaw ai ni hpe sat kau nhtawm, dai sun masha kaga hpe, htawt shap ya na ru ai.

LUKA 20:9

Dai shaloi e mung masha ni hpe ndai ga shadawn hte shi tsun wu ai gaw, “Masha langai mi tsabyi sun hkai sharam da nna, sun galaw ai masha hpe boi ya da nhtawm, kaga mung de na na wa sa nga mat ai.