MAHTE 21:31 - Jinghpaw Hanson Version Bible

³¹ “Dai yan hta na kadai wa mahtang kawa a myit hkan shatsup lu a ta?” ngu nna san wu ai. Shanhte gaw, “Kasha shadoi mahtang rai nga ai,” ngu mu ai. Yesu gaw, “Ngai nanhte hpe teng teng tsun made ai gaw, Kang hta ai ni hte shawa num ni, nanhte a shawng e, Karai Kasang a mungdan hta shang shang rai ma ai.

Jinghpaw Common Language Bible 2009

³¹ Dai yan hta na kadai wa mahtang kawa a ra ai lam hpe hkan galaw ma ta?,” ngu nna san mu ai. Shanhte gaw, “Kasha kaba ai wa rai nga ai,” ngu mu ai. Dai rai nna Yesu gaw, “Ngai nanhte hpe teng teng tsun made ga, kang hta ai ni hte shawa num ni, nanhte a shawng e, Karai Kasang a Mungdan hta shang ma ai.

MAHTE 21:31 ပူးပေါင်းရင်းမြစ်များ

YOBA 15:6

Ngai nang hpe dawdan ai n rai, na n-gup she rai nga ai; na nten nan, nang hpe mara shagun nga ai.

EZEKELA 33:11

Shanhte hpe htawn tsun mu, Madu Yehowa ning nga ai: ‘Ngai hkrung nga ai hte maren, tara n lang ai wa a si na lam hta ngai sharawng awng nga ai, n rai; tara n lang ai wa gaw, shi a arawn alai hpe kau da nna, hkrung nga na hpe, ngai sharawng awng nga nngai: kayin wa marit, nanhte a n hkru ai arawn alai hta na kayin wa marit; Israela dap e, hpa majaw si mayu myit ta?”

MAHTE 12:50

“Ngai nu hte ngai nau ni hpe yu mu: sumsing lamu hta nga ai nye Wa a myit hku hkan galaw ai ni kadai mung, ngai nau, ngai jan, ngai nu, rai nga ma ai,” ngu nna tsun mu ai.

MAHTE 18:3

“Nanhte hpe ngai teng teng tsun made ai gaw, nanhte myit n kayin nna, ma kaji zawn n tai myit yang gaw, sumsing lamu a mungdan hta, nanhte n shang lu na myit dai.

MAHTE 20:16

Dai hte maren, hpang hkrat ai ni, shawng na mara ai; shawng nga ai ni mahtang, hpang hkrat na mara ai, ngu wu ai.

MAHTE 21:30

Bai, kasha shadoi kaw shi sa nna, dai hte maren tsun wu ai. Shi mahtang, “Ngai n sa na nngai,” nga ai rai timung, myit malai bai lu nna sa ai.

MAHTE 5:18

Nanhte hpe ngai teng teng tsun made ga, lamu hte aga garai n lai wa yang, dai hpe garai n shabyin byin gaw, dai jep ai tara kaw nna, ga kanu langai mi hte madin langai mi pyi, lai wa lu na n rai.

MAHTE 5:46

Nanhte hpe tsawra ai ni hpe sha tsawra myit yang gaw, nanhte hpa shabrai lu la na myit ta? kang hta ai ni mung, dai hte maren galaw ma ai, n rai ni?

MAHTE 6:5

Nanhte akyu hpyi nga myit yang gaw, sawt ai masha ni zawn hkum rai myit: kaning rai nme law, masha ni shanhte hpe mu lu mu ga, tara jawng ni hta, mare lam nshe ni hta tsap nga nna akyu hpyi nga na shanhte tsaw nga ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

MAHTE 7:21

Ngai hpe, ‘Madu e, Madu e,’ nga ai hte yawng mayawng gaw, sumsing lamu na mungdan hta shang lu na ma ai n rai: sumsing lamu hta nga ai, nye Wa a myit hkan ai wa sha, shang lu na ra ai.

MAHTE 9:9

Yesu gaw dai shara kaw na sat sa wa yang, kang hta ai sum e dung nga ai Mahte ngu ai wa hpe shi mu hkrup nna, “Ngai kaw hkan nang rit,” shi hpe ngu wu ai: shaloi shi rawt nna shi kaw hkan nang nga ai.

LUKA 15:10

Nanhte hpe ngai tsun made ga, “Dai hte maren, yubak kap ai masha langai mi, myit malai lu ai majaw, Karai Kasang a lamu kasa ni a man e, kabu gara shara rai nga ai,” ngu mu ai.

LUKA 19:22

Shaloi madu gaw, N hkaw n shawp ai mayam e, na a n-gup na ga hku hkan nna ngai nang hpe jeyang na de ai: ngai gaw kahti kari re ai wa rai nga nngai hte, n tawn n da ai arai ngai magawn la nna, n gat n hkai ai kaw na dan la ga nngai, nang chye ndai rai yang gaw,

LUKA 7:29

Mung masha ni nlang hte hte kang hta ai ni gaw, Yawhan a ga na la jang, shi jaw ai baptisma sa hkam la ma ai hta, Karai Kasang a dingman ai lam shagrau ma ai.

YAWHAN 3:3

Yesu gaw, “Ngai nang hpe gaja wa teng teng tsun de ga, Ntsa de nna n shangai ai masha gaw, Karai Kasang a mungdan mu lu na n rai,” ngu nna shi hpe htan wu ai.

YAWHAN 3:5

Yesu gaw, “Ngai nang hpe gaja wa teng teng tsun de ga, Hka hte Wenyi e n shangai ai masha gaw, Karai Kasang a mungdan hta shang lu na n rai;

KASA 17:30

N na n chye nna lai mat sai prat hpe, Karai Kasang shatawt lai kau wu timung, ya gaw, shara magup hkan na masha nga yawng hpe, myit malai lu mu, nga nna hkang dat ra ai:

ROMA 3:19

N-gup yawng mayawng hpe sha-ip kau lu nna, mungkan ting hte gaw Karai Kasang a man e mara rawng ai tai nga mu ga, jep ai tara hta tsun matsun hte, jep ai tara npu e nga ai ni hpe a tsun nga ai gaw, anhte chye nga ga ai:

ROMA 5:20

Shut hpyit ai amu law jat wa mu ga, jep ai tara gaw shang lawm wa sai:

2 PETRU 3:9

Nkau mi gaw, Ala nga ai, nga nna myit ma ai hte maren, dai Madu gaw shi a ga ndat hpe shadik na ala nga ai n rai: rai timung, yawng mayawng myit kayin wa nna, kadai rai timung, hten bya ai n hkrum mu ga, shi ra nga ai majaw, shi nanhte hpe myit galu kaba madun nga ai.