MAHTE 21:12 - Jinghpaw Hanson Version Bible

¹² Dai hpang Yesu gaw nawku Htingnu de shang nna, dai Htingnu kata e rai dut rai mari ai ni hpe shaden kau mu ai rai nna, gumhpraw byan ya ai ni a ku ni hte, hkrudu dut ai ni a punghkum ni hpe, kanawng kadawng kau ya nhtawm,

Jinghpaw Common Language Bible 2009

¹² Yesu gaw Nawku Htingnu de shang nna, dai Nawku Htingnu kata e rai dut rai mari rai nga ai ni yawng hpe shaden shapraw kau mu ai rai nna, gumhpraw galai byan ya ai ni a ku ni hte hkrudu dut ai ni a punghkum ni hpe kanawng kadawng shagum kau ya nhtawm,

MAHTE 21:12 ပူးပေါင်းရင်းမြစ်များ

PRU MAT 30:13

Da ndai gaw, shanhte hpe hti yu yang, jahpan hta lawm ai ni nlang hte gaw, chyoi pra ai sum a shekela hkan nna shekela chyen chyen jaw lu na rai ma ai: (shekela langai mi gaw gera hkun rai nga ai): shekela chyen chyen Yehowa a matu kumhpa rai na rai nga ai.

JAW JAU 1:14

Bai, Yehowa hpe u hte wan nat hkungga jaw mayu ai rai yang, shi a kumhpa gaw hkrudu, shing n rai, u ra kasha rai na rai nga ai.

JAW JAU 12:6

Shadang sha shangai ai rai timung, shayi sha shangai ai rai timung, jasan jaseng ai nhtoi gu sayang gaw, wan nat hkungga di na matu ladu hkrum sai sagu kasha langai mi, htingrai hkungga di na matu, hkrudu shing n rai u ra langai mi, shawa sum chyinghka de hkinjawng wa kaw la sa na rai wu ai:

JAW JAU 12:8

Sagu kasha n dang yang gaw, u ra lahkawng, shing n rai hkrudu lahkawng, wan nat hkungga a matu langai mi, htingrai hkungga a matu langai mi la sa lu na rai nna, hkinjawng wa gaw shi a matu htingrai htingrat ya na rai wu ai: shaloi shi chyoi pra wa na ra ai, ngu wu ai.

JAW JAU 14:22

hkrudu lahkawng, shing n rai lu la ai made u ra kasha lahkawng shi la sa nna, langai mi htingrai hkungga matu, langai mi wan nat hkungga matu rai na rai wu ai.

JAW JAU 14:30

Bai dai wa gaw, shi dang lu ai made, hkrudu, shing n rai u ra lahkawng hpe,

JAW JAU 15:14

Matsat ya nhtoi e dai wa gaw hkrudu lahkawng, shing n rai u ra kasha lahkawng la sa nna, Yehowa a man, shawa sum chyinghka makau de hkinjawng wa hpe ap ya na rai wu ai:

JAW JAU 15:29

Matsat ya du ai shani e shi gaw hkrudu lahkawng shing n rai u ra kasha lahkawng la sa nna, dai shawa sum chyinghka makau. hkinjawng wa kaw ap na rai wu ai:

JAW JAU 5:11

Hkrudu shing n rai u ra kasha lahkawng mung, n jaw lu sai rai yang, shut ai wa gaw shi a mara raw na matu mani ai shadung uma mi htingrai hkungga shatai na rai wu ai: dai gaw htingrai htingrat hkungga rai nga ai majaw, namman mung, lawban mung, dai hta mai bang na n rai.

JAW JAU 5:7

Sagu kasha jaw na n lu jang gaw, dai shut ai mara a matu, yubak raw ai hkungga di na langai mi, wan nat hkungga di na langai mi di nna, hkrudu kasha lahkawng, shing n rai u ra kasha lahkawng Yehowa a man de la sa lu na rai wu ai.

MARKU 11:11

Shaloi Yerusalem na nawku Htingnu kata de shi shang nna, arai yawng mayawng hpe shagu yu ngut jang, jan du wa ai majaw, shi pru nna, sape shi lahkawng hte hte rau, Behtani kahtawng de rai mat wa ai.

LUKA 2:24

Hkrudu lahkawng, shing n rai, u ra kasha lahkawng, hkungga nawng ya na matu mung, shan gaw dai ma hpe Yerusalem mare de woi sa mu ai.

YAWHAN 2:13

Ya Yuda masha ni a Shalai wa ai poi du wa ra ai rai nna, Yesu gaw Yerusalem mare de lung wa sai.