MAHTE 20:8 - Jinghpaw Hanson Version Bible

⁸ Ya shana de rai jang, dai sun madu gaw, Amu galaw ai ni hpe shaga la nhtawm, hpang jahtum shang ai ni kaw nna, shawng nnan shang ai ni gu hkra shabrai jaw u, ngu nna shi a hpareng wa hpe tsun da wu ai.

Jinghpaw Common Language Bible 2009

⁸ “Ya shana de rai jang, dai sun madu gaw amu galaw ai ni hpe shaga la nhtawm, ‘Hpang jahtum shang ai ni kaw nna shawng nnan shang ai ni du hkra shabrai jaw u,’ ngu nna shi a hpareng wa hpe tsun da wu ai.

MAHTE 20:8 ပူးပေါင်းရင်းမြစ်များ

NINGPAWT NINGHPANG 15:2

Shaloi Abram gaw, “Yehowa Madu e, nang ngai hpe hpa chyeju jaw na n ta? Ngai kashu kasha n lu nngai wa mi, nye a dinghku madu na gaw, Damasku mare na, ndai Eliaza ngu ai wa arai nga ai,” ngu wu ai.

NINGPAWT NINGHPANG 43:19

Dai rai nna shanhte gaw Yawsep a kunhting wa hpang de sit sa nna, chyinghka makau e shi hpe tsun mu ai gaw,

JAW JAU 19:13

Na a htingbu manang wa hpe adip akrip di lu na n rai, shi a arai hpe mung hpya sha lu na n rai, nchyang ma a shabrai hpe shana tup nhtoi htoi hkra shadang da lu na n rai.

MAHTE 20:7

Shanhte gaw, Kadai mung anhte hpe n saw mi ai, ngu mu ai. Shi gaw, Nanhte mung dai sun de sa wa ma su, ngu mu ai.

MAHTE 20:9

Shaloi ahkying shi langai e shang ai ni sa nna, gumhpraw lap lap gu hkra lu la ma ai.

MAHTE 25:19

Ya tawng marang na wa jang, dai mayam ni a madu bai wa nna, shanhte hpe ga jahpan la mu ai.

MAHTE 25:31

Dai Masha Kasha gaw shi a hpung shingkang dan hkung let, lamu kasa ni nlang hte rau sa du ai shaloi, shi a hpung shingkang a tingnyang ntsa e shi dung nna,

LUKA 10:7

Dai nta hta e nga nga nna, shanhte tawn jaw ai hte maren lu sha mu: kaning rai nme law, amu galaw ai wa gaw shabrai hkam la ging nga ai: nta mi kaw nna nta mi de hkum htawt nga hkawm myit.

LUKA 12:42

Dai rai nna Madu gaw, “Nta madu shi a kun dinghku ntsa e san tawn da nna, aten du jang lusha karan jaw lu na kangka re ai hte myit su ai kunhting wa, kadai rai nga a ta?

LUKA 8:3

Herod a kunhting wa Kuhta a madu jan Yawhana, Susanna hte kaga law law wa, tinang a lu su ai hte shanhte hpe galaw daw let, hkan nang ma ai.

2 KORINHTU 5:10

Kaning rai nme law, dai hkumhkrang hte kaja ai rai timung, n kaja ai rai timung, galaw saga ai hte maren, langai hte langai hkam la shajang mu ga, anhte nga manga Hkristu a tingnyang man e dawng pru na ra ga ai.

TARA JAHPRANG 24:15

shani shagu na, shi a shabrai jaw lu na rai ndai; n jaw ai jan hkum shadu et: kaning rai nme law, shi ga matsan ai majaw lu la ging ai shabrai hpe sha myit mada nga na ra ai: n jaw ai nga n yang gaw na a majaw Yehowa hpe shi jahtau nna nang hta mara rawng na ra ai.

TITU 1:7

Kaning rai nme law, Hpung up wa gaw, Karai Kasang a kunhting wa zawn, mara n rawng ai wa, mai rai nga ai; tinang myit machyu ai wa, sindawng katawt ai wa, chyaru len ai wa, anu ajin re ai wa, n san n seng ai sut marin ai wa, n mai rai ai sha,

HEBRE 9:28

Hkristu mung, law law ni a yubak gun hpai kau na, lang mi sha nawng ya kau hkrum sai rai nna, hkye hkrang la ai hkrum lu hkra, shi hpe ala nga ai ni a matu, yubak gun lam hte n seng ai sha, lahkawng lang ngu na hta, dan pru na ra ai.

1 PETRU 4:10

Langai hte langai chyeju kumhpa lu la ai hte maren, Karai Kasang a chyeju amyu myu hpe, kaja ai hpajau wa jau ai zawn, nanhte shada da dai hpe jau hkat nga mu.

RUHTA 2:6

Agyi wa gaw, ‘Moba mung nna, Naomi kaw hkan nang wa ai, Moba numsha rai nga ai: