MAHTE 20:34 - Jinghpaw Hanson Version Bible

³⁴ Shaloi Yesu shan hpe matsan dum nna, shan a myi hpe ahtawk ya mu ai; shaloi jang, shan myi mu wa nna, shi kaw hkan nang ma ai.

Jinghpaw Common Language Bible 2009

³⁴ Shaloi Yesu shan hpe matsan dum nna shan a myi hpe ahtawk ya mu ai; shaloi jang shan myi mu wa nna shi kaw hkan nang ma ai.

MAHTE 20:34 ပူးပေါင်းရင်းမြစ်များ

SHAKAWN KUNGDAWN 119:67

Nni nkri garai n hkrum yu yang, ngai lam dam ni ai; Ya chyawm gaw, na a ga hpe ngai hkan nga nngai.

SHAKAWN KUNGDAWN 119:71

Na a ga madat ngai sharin la lu na, Nye a matu nni nkri hkrum na, mai nga ai.

SHAKAWN KUNGDAWN 145:8

Yehowa gaw sumnung ai, matsan dum ai, galu kaba ai hte nachying n-gaw nwai ai hte hpring nga ai.

MAHTE 14:14

Pru wa yang, masha wunawng wuwa kaba hpe shi mu hkrup nna, shanhte hpe matsan dum ai hte shanhte a machyi makaw hkrum ai ni hpe shamai shatsai ya mu ai.

MAHTE 15:32

Shaloi Yesu shi a sape ni hpe shaga la nna, “Ndai masha hpung ni hpe ngai matsan dum nga nngai: ya masum ya tup shanhte ngai hte rau nga nga masai rai nna, shahpa hpa mung n nga masalu ai: lam hkan e hki ba htum ai n hkrum mu ga, kawsi nga ma yang ngai shanhte hpe n shabawn dat mayu nngai,” ngu mu ai.

MAHTE 20:33

Shan gaw, “Madu e, an a myi hpaw wa ma li ga,” ngu mu ai.

MAHTE 21:1

Ya, shanhte gaw Yerusalem de ni wa nna, Tsanlun bum hta htawng ai Bethpage kahtawng de du ma yang Yesu gaw sape lahkawng shangun dat nna,

MAHTE 8:15

Shi a lata hpe ahtawk ya wu yang, dai hkali kawp mat nna, shi rawt nhtawm, shi hpe galaw daw wu ai.

MAHTE 9:29

Dai rai nna shan a myi hpe shi ahtawk nna, “Nan kamsham nga ai hte maren, byin wa malit ga,” ngu mu ai.

MAHTE 9:36

Dai shawa hpawng ni hpe mu jang, shi shanhte hpe matsan dum da mu ai: kaning rai nme law, shanhte gaw, sagu rem ai wa n nga ai majaw, ru tsang hkrum ai hte bra mat wa ai sagu hte bung nga ma ai.

MARKU 7:33

Shing rai shawa masha hpawng na, shim ai shara de shi hpe shapraw la nhtawm, dai wa a na lashing hku shi a layung achyaw bang ai hte, mayen mahtaw nhtawm, shi a shinglet hpe mung ahtawk ya wu ai rai nna,

LUKA 18:43

Dai wa gaw shaloi jang myi mu lu nna, Karai Kasang hpe shagrau sha-a let shi kaw hkan nang wu ai: hkan nang ai ni nlang hte gaw dai lam hpe mu jang, Karai Kasang hpe shakawn kungdawn nga ma ai.

LUKA 22:51

Yesu chyawm gaw, “Shanhte ra ai mi rai mu ga,” nga nna htan tsun ngut jang, dai mayam a na hpe ahtawk nna shamai ya wu ai.

LUKA 7:13

Madu gaw dai numsha hpe mu jang, shi hpe matsan yu dum nna, Hkum hkrap et, shi hpe ngu wu ai.

KASA 26:18

shanhte a myi jahpaw na matu, ngai nang hpe shanhte hpang de shangun dat de ai rai nna, na a amyu a lata na mung, maigan masha ni a lata na mung, hkye hkrang la na de ai,’ nga nna ngai hpe tsun nngai.

HEBRE 2:17

Dai re ai majaw, shi gaw Karai Kasang hte seng ai lam hta, matsan dum chye ai hte kangka re ai hkinjawng agyi tai nna, shinggyim masha ni a matu mara gawng malai hkungga jaw lu u ga, lam shagu hta kahpu kanau ni hte bung lu na, sun ang nga ai.

1 PETRU 3:8

Dai hta n-ga, nanhte nlang shada da myit hkrum nna, myit yu machyi ai, hpunau shada da tsawra nna, matsan dum ai hte myit gyip ai;