MAHTE 20:32 - Jinghpaw Hanson Version Bible

³² Shaloi Yesu tsap da nna shan hpe shaga la ai hte, “Ngai nan a matu hpa di ya na, nan ra nga myit ta?” ngu wu ai.

Jinghpaw Common Language Bible 2009

³² Shaloi Yesu hkring tsap let, shan hpe shaga la nna, “Ngai nan a matu hpa di ya na, nan ra nga myit ta?,” ngu mu ai.

MAHTE 20:32 ပူးပေါင်းရင်းမြစ်များ

EZEKELA 36:37

“Madu Yehowa ning nga ai: Israela masha ni a tawngban ai ga hpe, ngai lang mi naw madat na nngai; ngai shanhte a masha ni hpe sagu zawn shalaw jahtam na nngai.

MAHTE 20:21

Shi gaw, “Nang hpa mi ra nga n ta?” ngu wu ai. Dai num gaw, “Ndai ngai sha yan gaw, na a mungdan hta e na hkra maga de langai mi, pai maga de langai mi, dung nga lu na ahkang jaw u,” ngu wu ai.

MAHTE 20:31

Shawa masha ni gaw, shan atsin sha nga mat mu ga, jet kau mu ai. Shan mahtang, “Dawi a Kasha, Madu e, an hpe matsan dum la mi law,” ngu nna grau jahtau mu ai.

MAHTE 20:33

Shan gaw, “Madu e, an a myi hpaw wa ma li ga,” ngu mu ai.

KASA 10:29

Dai rai nga ai majaw, ngai e shaga yang, ngai n ningdang ai sha hkan nang ring ngai. Dai rai nna, hpa lam rawng ai majaw ngai hpe shaga myit ta? ngai san nga nngai,” ngu nna tsun mu ai.

HPILIPI 4:6

Hpa lam hta mung myit hkum ru hkum tsang myit; lam shagu hta akyu hpyi nna tawngban ai hte shakawn kungdawn let, nanhte a hpyi mahpyi hpe Karai Kasang kaw shana nga mu.