MAHTE 20:31 - Jinghpaw Hanson Version Bible

³¹ Shawa masha ni gaw, shan atsin sha nga mat mu ga, jet kau mu ai. Shan mahtang, “Dawi a Kasha, Madu e, an hpe matsan dum la mi law,” ngu nna grau jahtau mu ai.

Jinghpaw Common Language Bible 2009

³¹ Shawa masha ni gaw, shan atsin sha nga mat mu ga, daru jet kau mu ai; rai ti mung shan gaw, “Dawi a Kasha Wa e, an hpe matsan dum la mi law!,” ngu nna grau jahtau ma ai.

MAHTE 20:31 ပူးပေါင်းရင်းမြစ်များ

MAHTE 15:23

Shi chyawm gaw ga hkaw mi pyi n htan wu ai. Shi a sape ni mung sit sa nna, “Shi hpe shabawn kau u; anhte a hpang e shi hkan jahtau nga ai,” ngu nna shadut mu ai.

MAHTE 19:13

Shaloi, ma kaji ni a ntsa e lata mara da nna, akyu hpyi ya mu ga, shi hpang de shanhte hpe woi sa mu ai: sape ni mahtang shanhte hpe hkap daru kau mu ai.

MAHTE 20:30

Shaloi, yu mu, myi kyaw ai masha lahkawng, dai lam makau e dung nga ma ai rai nna, Yesu lai sa wa ai hpe na ma yang, shan gaw, “Dawi a Kasha, Madu e, an hpe matsan dum la mi law,” ngu nna jahtau mu ai.

MAHTE 20:32

Shaloi Yesu tsap da nna shan hpe shaga la ai hte, “Ngai nan a matu hpa di ya na, nan ra nga myit ta?” ngu wu ai.

MAHTE 9:27

Yesu gaw dai shara kaw nna sat sa wa yang, myi kyaw ai masha lahkawng shi kaw hkan nang let, “Dawi a kasha e, an hpe matsan dum la mi,” nga nna jahtau ma ai.

LUKA 18:39

Shawng e sa wa nga ai ni gaw, atsin sha nga na dai wa hpe jet kau mu ai. Shi mahtang, “Dawi a kasha e, ngai hpe matsan dum la e law,” nga nna grau jahtau shaja wu ai.

KOLOSE 4:2

Akyu hpyi ai hta shakut sharang rai nga mu, dai hta e a maja nga let shakawn kungdawn nga mu.

1 HTESALONI 5:17

n sim n sa akyu hpyi nga mu; lam shagu hta shakawn kungdawn nga mu: