MAHTE 20:30 - Jinghpaw Hanson Version Bible

³⁰ Shaloi, yu mu, myi kyaw ai masha lahkawng, dai lam makau e dung nga ma ai rai nna, Yesu lai sa wa ai hpe na ma yang, shan gaw, “Dawi a Kasha, Madu e, an hpe matsan dum la mi law,” ngu nna jahtau mu ai.

Jinghpaw Common Language Bible 2009

³⁰ Shaloi myi kyaw ai masha lahkawng dai lam makau e dung nga ma ai rai nna, Yesu lai sa wa ai hpe na ma yang, shanhte gaw, “Dawi a Kasha Wa e, an hpe matsan dum la mi law!,” ngu nna jahtau ma ai.

MAHTE 20:30 ပူးပေါင်းရင်းမြစ်များ

SHAKAWN KUNGDAWN 146:8

Yehowa gaw myi kyaw ai ni hpe shamu ya mu ai; Yehowa gaw kataw ai ni hpe sharawt ya mu ai; Yehowa gaw dingman ai ni hpe tsawra nga mu ai.

ESAIA 29:18

Dai aten e na lahpang ai ni gaw chyum laika ga na lu na mara ai; myi kyaw ai ni gaw nsin e pyi mu lu na mara ai.

ESAIA 42:16

Myi hten ai ni hpe, shanhte n chye ai lam hku ngai lakawn wa nna, shanhte n lai yu ai lam hta woi wa na nngai: shanhte a man na nsin hpe ngai nhtoi shatai nna, magaw ai lam hpe shading na we ai. Dai chyeju ngai galaw nna, shanhte hpe kau da na n rai.

ESAIA 42:18

Na lahpang ai ni e, na la mu; myi hten ai ni e, nanhte mu lu hkra, mada yu mu.

ESAIA 59:10

Myi hten ai wa zawn, anhte shakum hpe tam masawp nga ga ai; myi n tu ai ni zawn, lamawm hkawm nga ga ai; shana e zawn, jan pungding e pyi, anhte ahtu kataw ga ai; ngamu ngamai ai ni hta anhte chyasi ni zawn rai nga ga ai.

MAHTE 13:4

Gat dat wu yang nkau mi gaw lam makau e hkrat nna, u ni dai hpe sa hta sha kau mu ai.

MAHTE 15:22

Shaloi, Yu mu, Hkanan amyu numsha langai mi, dai mung a ga jarit de na pru sa nna, “Dawi a Kasha, Madu e, ngai hpe matsan dum e law; nye a shayi sha nat e zingri ai grai hkrum nga ai,” nga nna jahtau let tsun wu ai.

MAHTE 20:31

Shawa masha ni gaw, shan atsin sha nga mat mu ga, jet kau mu ai. Shan mahtang, “Dawi a Kasha, Madu e, an hpe matsan dum la mi law,” ngu nna grau jahtau mu ai.

MAHTE 21:14

Myi kyaw ai ni hte lagaw hten ai ni gaw, dai Htingnu kata de shi kaw du ma ai rai nna, shi shanhte hpe shamai shatsai wu ai.

MAHTE 21:9

Shi a shawng e sa wa ai hte, hpang de hkan nang ai masha wunawng ni gaw jahtau ma ai rai nna, “Dawi a Kasha kaw, Hawsanna, rai wa u ga; Madu a amying ningsang hte du sa ai wa gaw, a nga ai law! Tsaw Htum ai shara e, Hawsanna, rai wa u ga,” nga ma ai.

MAHTE 22:42

“Nanhte gaw Hkristu a lam kaning ngu myit nga myit ta? shi gaw gade a Kasha rai nga a ta?” ngu nna san wu ai.

MARKU 10:46

Shaloi shanhte gaw Yerihko mare de du ma ai. Bai Yesu gaw, shi a sape ni hte, masha wunawng wuwa kaba hte rau, Yerihko de na pru wa ma yang, Teme a kasha Bara Teme mying ai, myi kyaw nna hpyi sha ai wa langai mi, dai lam makau e dung nga ai.

LUKA 4:18

“Madu a Wenyi nye a ntsa e nga nga ai: Matsan mayan ni hpe kabu gara shiga hkaw tsun na matu, shi ngai hpe namman chya ni ai: Bawng dung ai ni hpe shalawt lu na lam, Myi kyaw ai ni hpe myi bai mu na lam, hkaw tsun na matu mung, Zingri zingrat hkrum ai ni hpe dat dat shangun na hte,

LUKA 7:21

Dai ahkying e nan shi gaw masha law law hpe machyi makaw, ana ahkya hte n hkru ai nat hta na shamai kau ya mu ai: myi kyaw ai masha law law hpe mung, myi bai mu ai chyeju jaw mu ai.

KASA 2:30

Dai wa gaw myihtoi rai nga ai rai nna, shi a amyu matu hta na langai wa mi, shi a tingnyang hta dung nga lu na, nga nna, shi hpe Karai Kasang dagam shaka da ai hpe chye wu ai majaw,