MAHTE 20:21 - Jinghpaw Hanson Version Bible

²¹ Shi gaw, “Nang hpa mi ra nga n ta?” ngu wu ai. Dai num gaw, “Ndai ngai sha yan gaw, na a mungdan hta e na hkra maga de langai mi, pai maga de langai mi, dung nga lu na ahkang jaw u,” ngu wu ai.

Jinghpaw Common Language Bible 2009

²¹ Yesu gaw, “Nang hpa mi ra nga n ta?,” nga nna san wu ai. Dai num gaw, “Nang Hkawhkam tai nna up nga ai shaloi, ndai nye a kasha yan lahkawng hpe na a hkra maga langai mi, pai maga langai mi dung nga lu na ahkang jaw na lam ngai hpe ga sadi jaw rit,” ngu wu ai.

MAHTE 20:21 ပူးပေါင်းရင်းမြစ်များ

1 HKAWHKAM 2:19

Shing rai Batsheba gaw Adoniya lam sa tsun na matu, hkawhkam Shawlumon hpang de shang wa sai. Hkawhkam wa gaw shi hpe tau la na nga, rawt nna, shi a man e gum dagup nhtawm, shi a tingnyang hta dung nga ai; hkawhkam wa a kanu a matu mung tingnyang langai mi shi tawn da nna, kanu gaw shi a hkra maga e dung nga ai.

1 HKAWHKAM 3:5

Gibeon shara e Yehowa gaw shana e yup mang hta Shawlumon kaw dan pru ai rai nna, Karai Kasang gaw, “Ngai nang hpe hpa jaw na hpyi e,” ngu wu ai.

ESHTA 5:3

Shaloi hkawhkam wa gaw, “Hkawhkam jan Eshta e, nang hpa ra n ta? hpa hpyi mayu n ta? nye a mungdan chyen mi du hkra jaw na de ai,” ngu nna shi hpe tsun wu ai.

SHAKAWN KUNGDAWN 110:1

Yehowa nye a madu hpe tsun wu ai gaw, “Na a gumlau ni hpe, na a lagaw kabye ai lahkum ngai shatai ai du hkra, Nye a hkra maga e naw adung nga u,” nga ai.

SHAKAWN KUNGDAWN 45:9

Hkawhkam ni a shayi sha ni, na a nja jan ni rai nga ma ai; Uhpira ja hte mawn nga ai hkawhkam jan gaw, Na a hkra maga de tsap nga ai.

YEREMIA 45:5

Nang gaw galu kaba ai lam, na a matu tam n ni? hkum tam et; Yu u, hkrung mahkrung mahkra ntsa e ngai tsin-yam tsindam, shapraw na nngai; rai timung, nang sa wa ai shara shagu hta, na a asak hpe lanep zawn, ngai nang hpe jaw na nngai, nga nna Yehowa tsun ai, nga ai.

MAHTE 18:1

Dai ahkying hta e sape ni gaw Yesu hpang de sa du nna, “Sumsing lamu a mungdan hta kadai wa mahtang grau kaba nga a ta?” ngu nna san mu ai.

MAHTE 19:28

Yesu gaw, “Nanhte hpe ngai teng teng tsun made ga, dai Masha Kasha gaw shi a arawng sadang a tingnyang hta e dung nga yang, bai shangai wa ai aten hta e ngai kaw hkan nang nga ai ni, nanhte mung, tingnyang shi lahkawng hta dung lawm na marin dai rai nna, Israela a amyu shi lahkawng hpe tara dara lu na maru ai.

MAHTE 20:22

Yesu gaw, “Nanhte hpa hpyi nga ai hpe, nanhte n chye myit dai; ngai lu magang nga ai gawm hpe, nanhte lu lu na rai nga myit ni?” ngu nna htan wu ai. Shanhte gaw, “Anhte rai lu na ga ai,” ngu mu ai.

MAHTE 20:32

Shaloi Yesu tsap da nna shan hpe shaga la ai hte, “Ngai nan a matu hpa di ya na, nan ra nga myit ta?” ngu wu ai.

MARKU 10:51

Shaloi Yesu shi hpe ga tsun nna, “Ngai nang hpe hpa di ya na, nang ra n ta?” ngu wu ai. Myi kyaw ai wa gaw, “Rabunai e, nye myi mu li ga law,” ngu nna shi hpe tsun wu ai.

MARKU 16:19

Shing rai, dai Madu Yesu gaw, shanhte hpe ga tsun da ai hpang, sumsing lamu de shalun la ai hkrum nna, Karai Kasang a hkra maga de dung nga ai.

MARKU 6:22

mai ang ai nhtoi du ai majaw, Herodia a shayi sha shang nhtawm ka nga ai: dai lam hpe, Herod hte shi hte rau dung ai ni gaw ra mu ai. Dai rai nna, dai hkawhkam gaw, “Nang tsaw matsaw ngai kaw hpyi rit, ngai jaw na de ai,” ngu nna dai mahkawn hpe tsun wu ai.

LUKA 18:41

Ngai nang e hpa di ya na, nang ra n ta? ngu nna shi hpe san wu yang, dai wa gaw, “Madu e, nye myi mu li ga law,” ngu wu ai.

LUKA 19:11

Dai lam ni hpe shanhte madat nga ma yang, Yesu gaw Yerusalem mare de du na ni sai majaw mung, Karai Kasang a mungdan gaw alawan dan pru magang ra ai, nga nna myit shajang nga ma ai majaw mung, shi ga shadawn hte bai tsun bungjat wu ai gaw,

LUKA 22:24

Dai hta kaga, shanhte hta na kadai wa mahtang grau kaba nga ai kun, nga nna shanhte shada da tsun shajang pru ma ai.

YAWHAN 15:7

Nanhte ngai hta noi nga nna, nye ga mung nanhte hta noi nga ai rai yang gaw, nanhte hpa hpyi mayu yang hpyi mu, hpyi ai hte maren nanhte e madat ya na ra ai.

KASA 1:6

Dai rai nna, naw hpawng nga ma yang shanhte gaw, “Madu e, dai Mungdan Israela masha ni hpe, ndai aten e bai de ya na rai sa ni?” ngu nna shi hpe san mu ai.

ROMA 12:10

Hpunau hpe tsawra ai hta, shinggyim nau na myit shada da rawng nga mu; hkungga lara ai hta shada da shagrau hkat mu;

ROMA 8:34

Dawdan lu ai wa gaw, kadai wa mi rai nga a ta? Si hkam nna, rai sa, si hkam ai hta n-ga, si mat ai ni kaw na hkrung sharawt la ai hkrum nhtawm, Karai Kasang a hkra lata e rai nga let, anhte a matu mara hpyi htinglu ya ai wa, Hkristu Yesu nan rai nga ai.

KOLOSE 3:1

Dai rai nna, nanhte Hkristu hte rau bai rawt nga ai teng myit yang gaw, Hkristu gaw Karai Kasang a hkra maga e dung nga ai shara na ntsa arai ni hpe a tam nga mu.