MAHTE 20:20 - Jinghpaw Hanson Version Bible

²⁰ Dai shaloi e, Zebedi a kasha yan a kanu gaw, shi kasha yan hte rau, shi kaw sit sa nna nawku let shi hpe lama ma hpyi wu ai.

Jinghpaw Common Language Bible 2009

²⁰ Dai shaloi e, Zebedi a kasha yan a kanu gaw, shi a kasha yan hte rau, Yesu kaw sit sa nna shi ra sharawng ai lam galaw ya na matu hpyi wu ai.

MAHTE 20:20 ပူးပေါင်းရင်းမြစ်များ

MAHTE 10:2

Ya dai kasa shi lahkawng a amying, ndai rai nga malu ai: shawng na wa Petru ngu ai Simun hte shi a kanau Andre; Zebedi a kasha Yaku hte shi a kanau Yawhan;

MAHTE 14:33

dai li kata e nga ai ni mahtang shi hpe nawku nna, “Nang gaw Karai Kasang a Kasha gaja wa teng teng rai nga ndai,” ngu mu ai.

MAHTE 15:25

Dai numsha mahtang gaw, sit sa wa nna, shi hpe nawku let, “Madu e, ngai hpe karum e law,” ngu wu ai.

MAHTE 2:11

Dai nta hta e shang bang wa ma yang, dai ma kaji hte shi a kanu Mari hpe, shanhte mu mu ai rai nna, lahput hput di let shi hpe nawku mu ai: tinang a sut sumpu hpaw nhtawm, shi hpe aja, lawban hte mura ngu ai kumhpa hpe sak mu ai.

MAHTE 27:56

dai hte hta Magdala Mari, Yaku hte Yawsep a kanu Mari, Zebedi a kasha yan nu ni, nang nga ma ai.

MAHTE 28:17

Shi hpe mu mu yang, shanhte nawku ma ai; nkau mi mahtang kam shut nga ma ai.

MAHTE 4:21

Bai, dai kaw na hkawm wa yang, kaga shan nau, Zebedi a kasha Yaku hte shi a kanau Yawhan yan gaw, shan a kawa Zebedi hte rau li hta nga nga nna, shanhte a sumgawn kapa nga ma ai hpe, shi mu hkrup mu ai rai nna, shan hpe shaga la mu ai.

MAHTE 8:2

Shaloi, yu mu, manggang kap ai masha langai mi sa du nna shi hpe nawku let, “Madu e, nang hkraw n yang gaw, ngai hpe shapra ya lu na rai nga ndai,” ngu wu ai.

MARKU 15:40

Tsan tsan kaw nna, a yu nga ai numsha ni mung, nga ma ai: shanhte hta na, Galile mung e shi naw nga yang, shi kaw hkan nang nna, shi hpe galaw daw ai Magadala Mari, Yaku kaji yan Yose a kanu Mari hte, Salome hte lawm ma ai: