MAHTE 20:2 - Jinghpaw Hanson Version Bible

² Dai wa gaw, lani mi hta gumhpraw lap mi jaw sa na, ngu nna amu galaw ai ni hte bawng jahkut nhtawm, tsabyi sun de shanhte hpe shangun dat mu ai.

Jinghpaw Common Language Bible 2009

² Dai wa gaw, lani mi hta gumhpraw lap mi jaw na, ngu nna amu galaw ai ni hte bawng jahkut nhtawm, sabyi sun de shanhte hpe shangun dat mu ai.

MAHTE 20:2 ပူးပေါင်းရင်းမြစ်များ

1 HKAWHKAM 18:12

ngai nang kaw nna pru wa yang, Yehowa a Wenyi gaw ngai n chye ai shara de nang hpe woi htawt mat na ra ai: shing rai, ngai Ahab hpe sa tsun yang, shi nang hpe n mu hkrup nna, ngai hpe sat kau na nngai: na mayam, ngai wa chyawm gaw, brang ram prat kaw nna Yehowa hpe hkrit hkungga ni ai.

2 HKAWHKAM LABAU 34:3

Kaning rai nme law, shi hkaw dung ai hpang, matsat ning hta e, shi shabrang naw rai nga yang, kawa Dawi a Karai Kasang hpe hkan tam hpang wu ai; shi lahkawng ning hta e Yuda mung hte Yerusalem mare hta nga ai, tsaw ai kawng ni nawku shara ni, Asherim sumla ni, tawk ka ai sumla ni hte jaw ai sumla ni hpe htawm kau hpang wu ai.

HPAJI NINGLI 12:1

Na a brang ram prat e, na a Hpan Wa Ningsang hpe mung adum nga u: “Dai nhtoi ni hpe ngai n ra ni ai,” nga nna myit ru myit ra ai nhtoi ni garai n du ai hte, shaning ni garai n ni wa yang;

MAHTE 18:28

Shaloi dai mayam wa pru nna shi kaw gumhpraw latsa sha hka kap ai mayam manang langai mi hpe hkrum jang, shi hpe dun la ai hte shi du hpe gra chyit di nna, Nye hka ya wa e, ngu wu ai.

MAHTE 20:1

Kaning rai nme law sumsing lamu a mungdan gaw, tsabyi sun hta amu galaw ai masha saw bang na, jahpawt jau jau e pru sa wa ai nta madu hte bung nga ai.

MAHTE 20:13

Shi mahtang shanhte hta na langai mi hpe, Jinghku wa e, ngai nang hpe maw sha de ai n rai: gumhpraw lap mi jaw na ngu nna, nang ngai hte bawng hkut nit dai, n rai ni?

MAHTE 20:3

Bai ahkying masum daram hta shi pru sa nna, gat hkan e kaman tsap nga ai masha kaga hpe mu hkrup yang, shi gaw,

MAHTE 20:9

Shaloi ahkying shi langai e shang ai ni sa nna, gumhpraw lap lap gu hkra lu la ma ai.

MAHTE 22:19

Shaloi shanhte gumhpraw lap mi, shi kaw la pru ma ai.

MAHTE 9:37

Dai rai nna, shi a sape ni hpe shi tsun mu ai gaw, “Nmut shang shara law law nga ai, amu galaw na ni mahtang n law ma ai:

MARKU 12:15

anhte bang na rai kun? n bang na rai kun?” ngu nna shi hpe san mu ai. Shi mahtang shanhte a myit sawt ai lam chye nna, “Nanhte hpa rai ngai hpe chyam yu nga myit ta? Ngai yu yu we ga, dai gumhpraw lap mi ngai kaw la wa marit,” ngu nna shanhte hpe tsun mu ai.

LUKA 1:15

Kaning rai nme law, shi gaw dai Madu a man e galu kaba wa na ra ai; tsabyi hte chyaru shi lu na n rai; kanu a hkritung nna pyi, Chyoi pra ai Wenyi hte hpring na ra ai.

LUKA 10:35

Hpang shani e shi gumhpraw lap lahkawng shaw nna, dai manam nta madu wa hpe ya let tsun wu ai gaw, “Ndai wa hpe yu lajang ya e; shi a majaw nang jan ma ai made gaw, ngai bai wa jang she, nang hpe wa wa na de ai,” ngu da wu ai.

LUKA 20:24

“Gumhpraw lap mi ngai hpe madun yu mi; gade a sumla hte masat laika kap nga a ta?” ngu nna htan mu yang, shanhte gaw, “Kehta a sumla hte masat rai nga ai,” ngu mu ai.

2 TIMOHTI 3:15

nang hpe hpaji byeng-ya jaw lu ai chyoi pra ai Chyum laika ni hpe ma kaji prat kaw nna nang chye nga nit dai hpe mung, adum nga let, nang sharin la nna myit tawng da ai lam ni hta, agrin nga u.

SHINGRAN 6:6

dusat amyu mali a ka-ang nna, Hkaulan mam bye mi na gumhpraw lap mi, muk-yaw mam bye masum na gumhpraw lap mi, ging nga ai; dai tsanlun sau hte tsabyi jahku hpe chyawm gaw, hkum jahten kau et, nga nna nsen tsun pru ai gaw, ngai na nngai.

1 SAMUELA 2:18

Dai ma Samuela chyawm gaw, hpa hkai palawng hpun nna, Yehowa man e amu gun hpai nga ai.

1 SAMUELA 2:26

Ma Samuela chyawm gaw, kaba wa nna, Yehowa man e mung, masha a man e mung, myi man pa nga ai.

1 SAMUELA 3:1

Dai ma Samuela chyawm gaw Eli man e, Yehowa amu gun hpai nga ai. Dai aprat e Yehowa a mungga nau n du yu sai; dan hkung ai shingran mung nau n pru yu sai.

1 SAMUELA 3:21

Yehowa mung Shilo shara e bai dan pru nga ai: kaning rai nme law, Yehowa gaw shi a mungga hte, Shilo shara e, Samuela kaw shi hkum shapraw dan wu ai. Samuela aga mung Israela mung ting chyam nga ai.