MAHTE 20:19 - Jinghpaw Hanson Version Bible

¹⁹ asawng asang, anu kayat ai hte wudang hta jen da hkrum na matu, maigan amyu ni a lata de ap kau na mara ai; masum ya nhtoi hta e, bai sharawt la ai hkrum na ra ai,” ngu mu ai.

Jinghpaw Common Language Bible 2009

¹⁹ maigan masha ni a lata de ap kau na mara ai rai nna, shanhte gaw shi hpe asawng asang di nna anu kayat ai hte wudang hta jen da na mara ai; rai ti mung masum ya nhtoi hta e bai jahkrung sharawt la ai hkrum na ra ai,” ngu nna tsun mu ai.

MAHTE 20:19 ပူးပေါင်းရင်းမြစ်များ

YOBA 30:8

Arawng n lu ai angawk angak re ai ni a kasha ni shanhte rai nga nna, mungdan hta na jahtaw kau ai hkrum ma ai.

SHAKAWN KUNGDAWN 35:16

Shat hpraw madoi ai ni hte rau, shanhte ngai hpe wa utik mi ai.

ESAIA 26:19

Na a si ai masha ni bai hkrung na mara ai; nye a moi mang ni bai rawt na mara ai: ga nhpu hta shanu nga ai ni e, hprang nna mahkawn mangoi mu; kaning rai nme law, nang hta hkrat ai mari gaw, namlaw namlap hta hkrat ai mari hte bung nna, lamu ga gaw si mat ai ni hpe bai shapraw na ra ai.

ESAIA 53:3

Shi gaw masha ni e shatan nhkan ai hte, n kaw n law di ai hkrum nga ai: yawn hkyen hkrum ai hte nji nmu chye ai wa, shi rai nga ai: myi man kayin kau hkrum ai wa zawn shi rai nga nna, shatan nhkan hkrum nga ai; anhte mung shi hpe hpa n nawn ga ai.

HOSEA 6:2

Ni ni lai yang, shi anhte hpe shalan shabran ya nna, masum ya rai yang anhte hpe bai sharawt ai hte, shi a man e, anhte hkrung nga na ga ai.

MAHTE 12:40

Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra, ga sung ai kata e rawng nga na ra ai.

MAHTE 16:21

Dai aten kaw nna Yesu Hkristu gaw, Yerusalem mare sa lu na hte agyi salang ni, hkinjawng agyi ni hte laika ka ai sara ni a lata hta e nni nkri law law wa hkrum nna, sat kau na hpe hkam la nhtawm, masum ya nhtoi hta e, bai sharawt la lu na lam, shi a sape ni hpe madun dan hpang wu ai.

MAHTE 17:23

shanhte shi hpe sat kau na maru ai rai nna, masum ya nhtoi hta e sharawt la ai shi hkrum na ra ai,” ngu nna shanhte hpe tsun wu ai; dai rai nna, shanhte nachying myit yawn nga ma ai.

MAHTE 27:26

Shaloi jang, shi Baraba hpe shanhte e dat ya mu ai: Yesu hpe mahtang shi kayat nna, wudang hta jen da ai hkrum u ga, ap kau dat wu ai.

MAHTE 27:63

Madu e, ndai hkalem ai wa gaw naw hkrung nga yang, Masum ya nhtoi hta e, ngai bai hkrung rawt wa na nngai, nga nna shi tsun ai hpe anhte dum sagaw ai.

MARKU 14:65

Dai hta kaga nkau mi gaw, shi hpe mayen mahtaw bun ai hte, shi a myi man hpe magap kau ya nhtawm, shi hpe htwi nna, “Myihtoi ga tsun u,” ngu nna shi hpe tsun wu ai: ali ama ni mung lata hte shi hpe bye kahpret mu ai.

MARKU 15:1

Dai jahpawt manap e pyi, hkinjawng agyi ni, agyi salang ni, laika ka ai sara ni hte dai salang hpawng ting gaw bawng hkut masai rai nna, Yesu hpe gyit nhtawm, shi hpe dun wa nna, Pilat kaw ap ya mu ai.

MARKU 15:15

Pilat gaw shawa masha ni hpe myit shapyaw ya mayu ai hte, shanhte a matu Baraba hpe dat ya nna, Yesu hpe anu kayat nhtawm, jen da ai hkrum u ga, ap kau dat mu ai.

LUKA 18:32

Kaning rai nme law, maigan amyu ni a lata de ap kau na, asawng asang di ai, aroi arip re ai, mayen mahtaw bun ai, shi hkrum na ra ai:

LUKA 23:11

Herod mung shi a hpyen masha ni hte shi hpe aroi arip di nna, jahpoi asawng nhtawm, reng ai hpun palawng jahpun nna, Pilat hpang de bai nhtang sa shangun mu ai.

LUKA 24:46

“Hkristu gaw nni nkri hkam nna, masum ya du ai nhtoi e si ai ni kaw na hkrung rawt wa na ra ai lam mung,

KASA 2:23

ndai wa gaw, Karai Kasang shatawng ngut tawn sai hpaji hte, tau chye tau chyang ai lam hku ap kau hkrum wu yang, nanhte gaw, n tara ai masha a lata hte, shi hpe wudang hta jen sat kau myit dai:

KASA 21:11

Dai wa anhte kaw shang nna Pawlu a shingkyit la nhtawm, shi dai dai shi a lagaw lata gyit nna, “Chyoi pra ai Wenyi ning nga tsun nga ai, Ndai shingkyit madu hpe Yuda masha ni Yerusalem mare e ning di gyit nna, maigan amyu ni a lata de ap kau na mara ai da,” nga nna tsun ai.

KASA 4:27

Gaja wa teng teng, na a lata, na a myit hpaji hte tau hpang da ai hku, byin wa lu hkra, nang namman chya ai, na a chyoi pra ai wa Shangun ma Yesu hpe tai na nga,