MAHTE 20:18 - Jinghpaw Hanson Version Bible

¹⁸ Yu mu, Anhte Yerusalem mare de lung wa nga ga ai: dai Masha Kasha gaw hkinjawng agyi ni hte laika ka ai sara ni a lata hta ap kau ai hkrum na ra ai rai nna, shanhte shi hpe si na lam dawdan na hte,

Jinghpaw Common Language Bible 2009

¹⁸ “Madat mu, anhte Yerusalem mare de lung wa nga ga ai; dai Masha Kasha gaw Hkinjawng agyi ni hte Tara Sara ni a lata hta ap kau ai hkrum na ra ai. Shanhte gaw shi hpe si na lam daw dan na hte,

MAHTE 20:18 ပူးပေါင်းရင်းမြစ်များ

MAHTE 10:4

Kanan masha Simun hte shi hpe ap kau ai Yuda Iskarut hte rai ma ai.

MAHTE 16:21

Dai aten kaw nna Yesu Hkristu gaw, Yerusalem mare sa lu na hte agyi salang ni, hkinjawng agyi ni hte laika ka ai sara ni a lata hta e nni nkri law law wa hkrum nna, sat kau na hpe hkam la nhtawm, masum ya nhtoi hta e, bai sharawt la lu na lam, shi a sape ni hpe madun dan hpang wu ai.

MAHTE 26:2

“Ni ni lai jang dai Shalai wa ai poi du na ra ai, nanhte chye nga myit dai rai nna, Masha Kasha hpe wudang hta e jen da na matu, ap kau ai hkrum na ra ai,” ngu wu ai.

MAHTE 26:66

nanhte hpa nawn da mu ta?” ngu mu ai. Shanhte htan let, “Shi gaw si ging ai wa rai nga ai,” nga ma ai.

MAHTE 27:1

Jahpawt du jang, hkinjawng agyi ni hte, mung masha ni a salang ni nlang hte gaw, Yesu hpe sat kau na lam bawng hkut nga masai:

LUKA 22:71

Shaloi shanhte gaw, “Anhte hpa sakse mi naw ra nga ga ta? shi a n-gup na nan anhte dai na lu saga ai,” nga ma ai.

KASA 2:23

ndai wa gaw, Karai Kasang shatawng ngut tawn sai hpaji hte, tau chye tau chyang ai lam hku ap kau hkrum wu yang, nanhte gaw, n tara ai masha a lata hte, shi hpe wudang hta jen sat kau myit dai: