MAHTE 20:13 - Jinghpaw Hanson Version Bible

¹³ Shi mahtang shanhte hta na langai mi hpe, Jinghku wa e, ngai nang hpe maw sha de ai n rai: gumhpraw lap mi jaw na ngu nna, nang ngai hte bawng hkut nit dai, n rai ni?

Jinghpaw Common Language Bible 2009

¹³ “Shi mahtang shanhte hta na langai mi hpe, ‘Jinghku wa e, madat yu u, ngai nang hpe maw sha de ai n rai: nang gaw lani mi na bungli galaw shabrai lap mi hte amu galaw na matu myit hkrum da nit dai n rai ni?

MAHTE 20:13 ပူးပေါင်းရင်းမြစ်များ

NINGPAWT NINGHPANG 18:25

dinghpring ai ni hpe n shawp ai ni hte rau sat kau na hte, dinghpring ai ni hpe n shawp ai ni e zawn jahkrum na gaw nang hte tsan nga u ga; rai sa, dai gaw nang hte tsan nga u ga: ga ntsa ting a Tara agyi wa gaw dingman ai hku galaw na n rai ni?” Ngu nna tsun wu ai.

YOBA 35:2

“ngai gaw Karai Wa hta grau dinghpring nngai, nga nna mung, ngai gaw hpa akyu lu la na rai ta?

YOBA 40:8

Nang gaja wa nye tara dara ai lam shabyak mayu nni? Nang dinghpring lu hkra, ngai hpe mara shagun mayu nni?

MAHTE 20:14

Nang hte seng ai hpe la wa su: hpang shang ai wa hpe nang hte maren jaw na ngai ra nngai.

MAHTE 20:2

Dai wa gaw, lani mi hta gumhpraw lap mi jaw sa na, ngu nna amu galaw ai ni hte bawng jahkut nhtawm, tsabyi sun de shanhte hpe shangun dat mu ai.

MAHTE 22:12

Dai rai nna shi gaw, “Jinghku wa e, hkungran ai hpun palawng n bu hpun ai mi, nang kaning rai nang e shang lu n ta?” ngu wu ai: shi chyawm gaw atsin sha rai nga ai.

MAHTE 26:50

Yesu mahtang, “Jinghku wa e, nang sa ang ai amu hpe di u,” ngu nna hkap tsun wu ai. Shaloi shanhte gaw Yesu hpe lata hte gang rim la mu ai.

ROMA 9:20

Ataw, Karai Kasang hpe nhkap ai wa e, nang gaw kadai wa mi rai nga n ta? Galaw da sai arai gaw, Hpa majaw nang ngai hpe ning di galaw n ta? nga nna shachyaw da ai wa hpe tsun na a ni?