MAHTE 20:1 - Jinghpaw Hanson Version Bible

¹ Kaning rai nme law sumsing lamu a mungdan gaw, tsabyi sun hta amu galaw ai masha saw bang na, jahpawt jau jau e pru sa wa ai nta madu hte bung nga ai.

Jinghpaw Common Language Bible 2009

¹ “Sumsing lamu a Mungdan gaw, sabyi sun madu langai mi hkrum katut ai mabyin masa hte bung nga ai. Kalang mi na sabyi sun madu langai mi gaw, shi a sabyi sun hta amu galaw na masha saw bang na matu jahpawt jau jau e pru sa wa ai.

MAHTE 20:1 ပူးပေါင်းရင်းမြစ်များ

MAHTE 13:24

Ga shadawn kaga mung, shi shanhte hpe kahtap tsun mu ai gaw, “Sumsing lamu a mungdan, hkauna hta nli kaja gat ai wa hte bung nga ai.

MAHTE 13:31

Ga shadawn kaga mung, shi shanhte hpe kahtap tsun mu ai gaw, “Sumsing lamu a mungdan gaw, masha la nna shi a yi hta hkai ai chyinghkrang tum hte bung nga ai.

MAHTE 13:33

Ga shadawn kaga mung, shi shanhte hpe tsun mu ai gaw, “Sumsing lamu a mungdan gaw, numsha e la nna, muk shadung dang masum hta bang dat wu yang, mahkra hte hpe shawawm dat lu ai matsi hte bung nga ai,” ngu mu ai.

MAHTE 13:47

Bai, sumsing lamu a mungdan gaw, nawng hta e kabai bang nna, nga amyu myu hpe magawn la ai sumgawn hte bung nga ai.

MAHTE 20:2

Dai wa gaw, lani mi hta gumhpraw lap mi jaw sa na, ngu nna amu galaw ai ni hte bawng jahkut nhtawm, tsabyi sun de shanhte hpe shangun dat mu ai.

MAHTE 21:28

Rai timung, nanhte kaning ngu myit da myit ta? Masha langai mi shadang sha lahkawng lu ai: kasha alat hpang de shi sa nna. “Sha e, dai ni tsabyi sun de bungli sa galaw su,” ngu wu yang,

MAHTE 22:2

“Sumsing lamu a mungdan gaw, kasha a matu hkungran ai poi shachyip ai hkawhkam hte bung nga ai:

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e!- u kanu gaw, u hkai ni hpe singkaw npu e jahpawng da ai zawn, na a nshu nsha ni hpe ngai gade lang jahpawng da mayu timung nanhte n hkraw nga myit dai.

MAHTE 25:1

Dai shaloi e sumsing lamu a mungdan gaw, tinang a pyengdin lang nna, la nnan hpe hkap bawp la na pru sa wa ai mahkawn shi hte bung na ra ai.

MAHTE 25:14

Ga shadawn gaw, lang mi na masha langai mi bu hkawm na maw ai rai nna, mayam ni hpe shaga la nhtawm, shi a arai ni shanhte hpe ap ya da mu ai:

MAHTE 3:2

“Sumsing lamu a mungdan du magang ra ai majaw, myit malai lu mu,” nga nna Yuda nam mali hkan e tara hkaw nga ai.

MARKU 13:34

Dai lam, masha langai mi tsan tsan mung de sa nga mat na, shi a nta hpe kau da yang, shi a mayam ni hpe ahkang jaw mu ai hte langai hte langai hpe bungli karan ngut jang, chyinghka sin ai wa hpe mung maja nga u ga, nga nna hkang da ai lam hte bung nga ai:

YAWHAN 15:1

“Ngai gaw tengman ai tsabyi ru rai nga nngai, nye Wa gaw tsabyi sun madu rai nga ai.

1 KORINHTU 15:58

Dai re ai majaw ngai tsaw ngai ra ai hpunau e, nanhte gun hpai ai amu gaw dai Madu hta e kaman lila n rai nga ai dum chye nga let, ngang ngang kang kang, dakring dalang nga nga nna, dai Madu a bungli hta tutnawng e tsam mari shakut sharang nga nga mu law.

HEBRE 13:21

Yesu Hkristu a marang e, shi a man e sharawng awng ai lam anhte hta shachyen ya let, shi a myit hkan nang lu hkra, kaja ai amu bungli shagu hta nanhte hpe jahkum shatsup myit ga; Yesu Hkristu kaw htani htana prat dingsa hpung shingkang anga nga u ga law. Amen.