MAHTE 2:6 - Jinghpaw Hanson Version Bible

⁶ “Yuda mung na, nang Betlehem e, Yuda agyi ni hta, kaji htum nga ndai n rai; Nye a amyu Israela hpe woi rem nga na Du gaw, Nang kaw nna pru wa na ra ai, nga ai,” ngu nna shi hpe tsun dan mu ai.

Jinghpaw Common Language Bible 2009

⁶ ‘Yuda mung na Betlehem e, nang gaw Yuda mung na mare ni hta kaji htum nga ndai n rai; nye a amyu Israela hpe woi rem na Du gaw nang kaw nna paw pru na ra ai,’” nga ai, ngu nna shi hpe tsun dan mu ai.

MAHTE 2:6 ပူးပေါင်းရင်းမြစ်များ

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

2 SAMUELA 5:2

Moi shawng de, anhte a ntsa e Shawlu naw up nga yang nna, nang hkum nan Israela amyu hpe, woi pru woi shang ai wa rai nga nit dai: Yehowa mung, ‘Nang gaw nye a amyu Israela hpe, woi rem na wa hte nye amyu Israela ntsa e Du magam nang tai lu na ndai,’ nga nna nang madu hpe tsun nit dai,” ngu nna sa shang sa wang wu ai.

1 HKAWHKAM LABAU 2:51

Betlehem a kawa salma; Bet-gadera a kawa Harep hte rai ma ai.

1 HKAWHKAM LABAU 5:2

Kaning rai nme law, Yuda gaw kahpu ni a ntsa e kaba wa ai rai nna, du gaw shi kaw nna pru wa ai: hpu lat aya chyawm gaw Yawsep hte seng nga ai.

EZRA 2:21

Betlehem a kashu kasha ni gaw, latsa e hkum masum;

ESAIA 40:11

Shi gaw sagu rem wa zawn, shi a sagu hpung ni hpe rem na ra ai; sagu kasha ni hpe shinggyin la nhtawm, hpai pawn na ra ai; hkalung woi ai sagu kanu ni hpe mung, angwi sha woi wa na ra ai.

MIHKA 5:2

Rai timung, nang Betlehem-Ehprat e, Yuda mare mun sen hta nang kaji nga timung, Israela amyu hpe up na madu gaw, nye a matu, nang kaw na pru na ra ai: dai wa gaw, moi chyaloi nhkoi kaw nna paw pru ai wa rai nga ai.

BU HKAWM 24:19

Yaku hta na madu Du langai mi pru nna, Naw ngam nga ai mare masha ni hpe hpya kau na wu ai,” nga ai.

MAHTE 2:1

Ya, Herod hkawhkam a lakhtak e, Yuda mung na Betlehem mare hta Yesu shangai wa ngut jang, yu mu, hpaji rawng ai masha sinpraw mung na Yerusalem de sa du ma ai rai nna,

MAHTE 28:18

Shing rai Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte, ngai hpe ap ya ni ai.

YAWHAN 21:16

Bai lahkawng lang, “Yawhan a kasha Simun e, nang ngai hpe tsawra nga nni?” ngu nna shi hpe san wu ai. Shi gaw, “Rai sa, Madu e, ngai nang hpe tsawra nga nngai gaw, nang chye nga ndai,” ngu nna bai htan wu ai. Yesu gaw, “Nye a sagu ni hpe rem nga u,” ngu wu ai.

YAWHAN 7:42

Hkristu gaw Dawi a lakung hta na prat wa nna, Dawi a shara ngu ai Betlehem kahtawng na she, paw pru na re ai, nga nna Chyum laika hta rawng ai, n rai ni?” nga hkat ma ai.

EHPESU 1:22

Arai baw sumhpa hpe shi a lagaw npu e shi tawn da nu ai rai nna, yawng mayawng a baw tai na, dai Hpung kaw shi hpe jaw da wu ai:

KOLOSE 1:18

Dai Hpung ngu ai hkumhkrang a baw, shi rai nga ai. Shi nan lam shagu hta grau ai nhtung nhka tai wa u ga, shi gaw npawt nhpang hte si mat ai ni kaw na alat ningshawng rai nga ai.

HEBRE 7:14

Gaja wa, anhte a Madu, Yuda amyu hta na paw pru wa sai gaw, dan dan leng leng rai nga ai; dai amyu hpe hkinjawng aya a lam Mawshe gaw hpa mung n tsun da wu ai.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 2:27

shi gaw shanhte hpe hpri sumdoi hte up nna, dibu sama a dibu ni hpe zawn agrawp kau ai, shanhte hkrum na mara ai: ning re ai ahkang nye Wa kaw na ngai lu la ai rai nna,

SHINGRAN 7:17

Kaning rai nme law, tingnyang ka-ang e nga ai Sagu Kasha gaw, shanhte a sagu rem ai wa tai na ra ai rai nna, asak hka hpawk du hkra shanhte hpe lam woi madun na ra ai: Karai Kasang mung, shanhte a myi hta na myi prwi yawng tsai hkra katsut kau ya na ra ai.